Sanas Cormaic [draft text]

Version: B = Leabhar Breac (Dublin, Royal Irish Academy, MS 23 P 16), pp. 263–72.

694 entries.

Beta version: Proofing of manuscript transcriptions is still in progress.

Search

B onlyall texts

Go to another text... Cormac's Glossary B - Leabhar Breac, pp. 263–72 H¹a - H.2.15b, pp. 13–37 H¹b - H.2.15b, pp. 77–102 K - Killiney MS A 12, pp. 1–41 L - Book of Leinster, p. 179 La - Laud 610, fols. 79r–84r M - Book of Úi Maine, fols. 177r–84ra Y - Yellow Book of Lecan, pp. 255a–283a Dúil Dromma Cetta D¹ - H.3.18, pp. 63–75 D² - H.3.18, pp. 633a–638b D³ - Egerton 1782, fol. 15 D⁴ - H.1.13, pp. 361–2 O’Mulconry’s Glossary OM¹ - Yellow Book of Lecan, cols. 88–122 OM² - H.2.15b, pp. 43–4 OM³ - H.2.15b, pp. 102–104 OM⁴ - Killiney MS A 12, pp. 41–42 Loman H.3.18, pp. 76a–79c Irsan H.3.18, pp. 80a–83b

Sanas Cormaic, version B [draft text]

Manuscript images are available from the Irish Script on Screen (ISOS) website. Clicking on the manuscript image gives access to higher quality images for those already registered with ISOS.

Ref	Text	§	MS ref	Print ref
463	Long .i. ab eo quod est [ED.longa .i.] lang (.i.) fota (.i.) bís for muir.		p. 268b	27.2	concord.
464	Lebor quasi libor .i. a libro.		p. 268b	27.3	concord.
465	Lott quasi lot unde dicitur lotrad i. e. lothrad .i. lott aris lott do mnái in merdrechus.		p. 268b	27.4-5	concord.
466	Lath .i. lúth .i. iarsinní lúthas.		p. 268b	27.6	concord.
467	Lommand .i. lomm fand. sech is lómm is fánd hí.		p. 268b	27.7	concord.
468	Lathirt .i. laith lind 7 irt bás dontí nosroib (.i. ól corma ł laith rotnort).		p. 268b	27.8-9	concord.
469	Lúgbort. melius [ED.est] .i. luibgort .i. gort luibe.		p. 268b	27.10	concord.
470	Líín a líno. Léine a línea dib aroile.		p. 268b	27.11	concord.
472	Lánomain .i. lanshomain cáich. ar is lethṡomáin nechtar de sech aroile.		p. 268b	27.12-13	concord.
473	Leithech .i. déde fordingair .i. ainm cetamus do chenéul éisc indsin .i. fora lethe nech bís de 7 fora thanacht. arismor lethe nech bís de in oceano. Lethech din ainm do lossait iarsinní letair bairgean furri. amail atbert Cruitine fechtus luid do thig aroile écis 7 a gilla lais .i. écsíne esside comenmain aḟithiræ. Farolaid din Cruitíne bodesin a muig 7 lécis a gilla do aigidecht do thig inécis. Dobreth tarr tuirc íscábull do 7 rogab coléig int éces oc aacallaim inécsine 7 oc cur ṡúla dar aḟrithgnam. Rorathaig int éces mórmenmain inecsine 7 laigeat afri thġnama. Intan tra bha bruithe intarr atbert int éceas fiad inécsine .i. tofotha tarr tein .i. as mithig a thircáil (ł a tiscáil) do thenid 7 ba coḟessed som cia freccra doberad int écsin do fobith rochualasom int éces oc gúmháidim alanaile [ED.ṅairec] ninganta amail bid hé bodessin ar dorissed ł ara tísead 7 ní rochredsium din int éces 7 ba aire atbert int éces do fromad inécsine .i. tófotha tarr tein. et tribus uicibus dixit Dofotha tarr tein et non respondit eí uel ullum uerbum. din iarom atracht int écsine 7 teit cusin maigin amboi Cruitíne 7 atfét scela dó .i. int aithesc roráid int éces .i. tófothá tarr tein. Maith ol Cruitíne intan asbera doridisi abair fris Toe lethaig foen friss .i. fon tarr 7 fris adaind indlis ł fri sin le adaind indlis .i. toe lossait foen fris .i. fon tarr. 7 fri sin dle coindil dodécsi dús inbruithe in tarr. intan tra dessid istig thall dixit int éces in cetnai et dixit int écsine Toe lethaig 7 araile{?}. Maith ol int éces ni brú ecsine rotoirne ł rotorma. is focus rothoirned is focus din Cruitine condogair a muig. Adagar iarom Cruitine ferthar failte fris 7 doberar biad naill isin coire iarom 7 ba bec amenma inécsine fobith contib int éces uime céin coracaillestar Cruitine 7 araile{?}.		p. 268b	27.14-43	concord.
474	Leos .i. imdergad imandergthar (ł imdergthar) duine iarnaǽir ł écnach. leos din .i. soillse tit est i nDúil roscaid grinniud leos .i. díbad soillsi .i. coindle. Item aigead ḟir ima leos luinether ł imaleos luindetar .i. imatimchella soillse.		p. 268b	27.44-28.2	concord.
475	Locharn (ł Luachairnd) quasi luchern .i. a lucerna 7 araile{?}.		p. 268b	28.3-4	concord.
476	Mo debroth ol Patraic quod Scotic dicunt corrupte. síc hoc dici debet .i. muin doíu braut .i. muin din is meus. in díu is deus. in braut is Iudex .i. meus deus Iudex.		p. 268b	28.5-6	concord.
477	Marc .i. ech. marcach din .i. eich immda lais. ut dicitur buasach infer lasmbit ba imda. airmnech tra in fer techtus arbor immda. sic airgdech colgedach.		p. 268b	28.8-10	concord.
478	Mathair quasi mater arissed rotruailled and .i. mater.		p. 268b	28.11	concord.
479	Mid .i. combrec rotruaillned and .i. med.		p. 268b	28.12	concord.
480	Meithel quasi methel ab eo quod est métho ł méto.		p. 268b	28.13	concord.
481	Mucairbe .i. mac ḟuirmid .i. mac doḟuirrned adhána.		p. 268b	28.14	concord.
482	Malland .i. féith bís darin mullach anuas. quasi mulland.		p. 268b	28.15	concord.
483	Millead .i. mí shillead .i. silled olc.		p. 268b	28.16	concord.