Sanas Cormaic [draft text]

Version: B = Leabhar Breac (Dublin, Royal Irish Academy, MS 23 P 16), pp. 263–72.

694 entries.

Beta version: Proofing of manuscript transcriptions is still in progress.

Search

B onlyall texts

Go to another text... Cormac's Glossary B - Leabhar Breac, pp. 263–72 H¹a - H.2.15b, pp. 13–37 H¹b - H.2.15b, pp. 77–102 K - Killiney MS A 12, pp. 1–41 L - Book of Leinster, p. 179 La - Laud 610, fols. 79r–84r M - Book of Úi Maine, fols. 177r–84ra Y - Yellow Book of Lecan, pp. 255a–283a Dúil Dromma Cetta D¹ - H.3.18, pp. 63–75 D² - H.3.18, pp. 633a–638b D³ - Egerton 1782, fol. 15 D⁴ - H.1.13, pp. 361–2 O’Mulconry’s Glossary OM¹ - Yellow Book of Lecan, cols. 88–122 OM² - H.2.15b, pp. 43–4 OM³ - H.2.15b, pp. 102–104 OM⁴ - Killiney MS A 12, pp. 41–42 Loman H.3.18, pp. 76a–79c Irsan H.3.18, pp. 80a–83b

Sanas Cormaic, version B [draft text]

Manuscript images are available from the Irish Script on Screen (ISOS) website. Clicking on the manuscript image gives access to higher quality images for those already registered with ISOS.

Ref	Text	§	MS ref	Print ref
504	Munnu .i. moḟinnu .i. ainm bóid Finntain enim dictus est. unde Maedóc Ferna dixit ocaire ł oca hoer Munnu maic Thulcháin A chilian Dé chumachtaig, a maic Thulcháin a bachlaigh, ruc mac annsai (.i. demon) do múintir, mathair rotfucc a Ḟinntain.		p. 269a	29.21-7	concord.
505	Mál .i. rí 7 file. inde dicitur nádnais argat ł ór acht for mal (.i. for rig.).		p. 269a	29.28-9	concord.
506	Muirend .i. dédi fordingair .i. ainm cétamus do mnái. Muirend .i. morḟind. Muirend din ainm do gǽi .i. mirind (.i. drochrind). droch .i. bas. drochrind .i. rínd dober bás.		p. 269a	29.30-2	concord.
507	Mogheime ainmsin in cetna orce bói a nErinn. Coirpri Músc mac Conaire tuc anair he a Bretnu. intan bamor cumachta Gaedel for Bretnaib dorannsat Alpain eturru iḟerannus 7 roḟitir cach durais dia carait leo 7 niba luga do threbdais Gǽdil formuir anair quam in Scotica 7 do rónta anarusa 7 arigdúinte ann. inde dicitur Dinn Tradúi .i. Dún Tredúi .i. trédhue Crimthain moir maic Fhidaig rig Erenn 7 Alpan 7 co muir nIcht. 7 inde Glasimpere [ED.na nGáidel .i. cell] forbrú mara nIcht. isand sin robói Glass mac Caiss mucaid rig Hiruatha oca mucaib for mesrad 7 isé rodersaig Patraic i cind .xxui. bliadne iartain iarnaġuin dfianaib maic Con. 7 isin rindsin ata dind map Lethain i tírib Bretan Cornn .i. dún maic Liathan. aris mac inní is mabb isin bretnais. Síc rorand cach cenél diṡuidiu arbói a cutrama allathair 7 bátar foncumachtasin cocian iar tidhecht do Pátraic. Desin tra boi Coirpre Músc oc athige sair co a muintir 7 cóachairde. Nithanic tra an inbuidsin oircne hi tir nErenn 7 roforcongrad la Bretnu na tarta oircne indail na ináis na icomáin na icarutrad do Ghædelu. Is hi tra cáin bói an inbuidsin la Bretnu .i. cach bidba inachinta do neoch noḟuasnabad cáin. Boi tra oircne aimind for seilb charut do Choirpri músc hi mBretnu 7 contori Coirpre uad. Fectus do Choirpri dia thighsium coránic fáilte dó acht imonoircne. Scian ámra la Coirpre músc conimdénum argait 7 óir ima heim. ba sét adamra hi. Dombert tra in Coirpre beoil cumor impe 7 coimlid saill dia heim coroḟacaib forbeolu inoircne iarom. Rogab int oircne forcnám na hemi comatain. loitid inscín iaram conáb alaind. Dosgní Coirpre iarnamáirech ceist moir desin cumba bronach (ł ba bairnech) de tra 7 cuíndchis cert uime có acharait. indraic sen din conepert ícfatsa incin olse. Níġebsa ol Coirpre acht aḟil icáin Bretan .i. cach rob ina chin. Tucad innoircne do Choirpri desin 7 rolil ainm de .i. Moġemi. moġ .i. dær dobreath dia hessi na sceine. Torrach (.i. banchu) din int oircne. tanic andsin Oilill Flann bec for Mumain an inbuidsin 7 Cormac húa Cuind í Temraig corogabsatside a triur foiche (.i. fuachtain) icuinched 7 iccosnam in oircne aturru. is he iaram cruth rocoraiged etarru atriur .i. aimsear cínnte don choin itig cachae díb. Doithid incú iaram coruc cách cuilén dia cuaine. conad forslichtsin atathar a nErinn beos. Marb tra innoircne iarcéin 7 rosfuair Connla mac Taidg maic Céin maic Oilella Auluim cloicend lomm in oircne sin combert icesta don ḟilid luid conái airchetul dia athair. Mæn mac Edaine ainm inḟilead. Tethna iarom Mæn int écess tria theinm lægda conepert Cain tonna tige háui Eogain. ith itig háui Chuind cacht adath tobarand basacaem itig Choirpri múisc. a Muig emi. Ceand Moga emi andso .i. in cedna oircne dobretha an Erinn 7 araile{?}. p. 269b		p. 269a	29.33-30.34	concord.
508	Muma de nomine alicuius regis i. e. Eochaid garb. [ED.Echaid] mumo .i. Eochaid mumó .i. mó a gréim 7 a gerait 7 a chumachta oldás cach rig .i. dia anmaimm rohainmnigthea Mumain 7 Muimnig dicuntur. Mumu de nomine regis din dicitur.		p. 269a	30.35-8	concord.
509	Mug quasi múch ar is fomhuich 7 todernam fognuma dogrés.		p. 269b	30.39-40	concord.
510	Mugsaine .i. mugsine quasi mugsnime .i. sním bís formenmain inmhogad.		p. 269b	30.41-2	concord.
511	Much .i. ainm sáindiles do diaid. unde dicitur muchad.		p. 269b	30.43	concord.
512	Mills quasi melis. mil .i. mel rotruaillned and. milis (.i. isin and 7) mel.		p. 269b	30.44-5	concord.
513	Midach quasi medic ab eo quod est medicus .i. liaig.		p. 269b	31.1	concord.
514	Mear .i. iarsinní bís a ænur isin allt ambí .i. ina meracht 7 inuaænur téit. quasi merulus .i. lon inde .... grece quod uolat solus 7 nibí én aile cid dia cheniul féin ina coemtecht.		p. 269b	31.2-5	concord.
515	Meracht quasi mericht .i. icht mear. Meracht .i. acht (.i. gnim) mear. ab eo quod est actus.		p. 269b	31.6-7	concord.
516	Mairt .i. morait .i. mor uaitt .i. có domnach o máirt. Máirt .i. a Marte o día in catha la géntib. Mars tra ainm do. is do din nochoisergdais mís Márta ut Ianuarius Februarius Martius. Mairt din uada congarar. ut dies Solis dies Lunae dies Martis.		p. 269b	31.8-12	concord.
517	Mart quasi mort .i. a morte.		p. 269b	31.13	concord.
518	Mortlaith a mortalitate.		p. 269b	31.14	concord.
519	Manannan mac lir .i. cennaige amra bói aninis Manand. ise luam as deach boi aniarthar Eorpa. noḟindad tre nemgnacht (.i. gnathugrud nime) inoiret nobíd insoinind 7 in don ind 7 intan nosclæchlóbad cechtar don dá résin, inde Scoti et Brittones eum deum uocauerunt maris. et inde filium maris esse dixerunt .i. mac lir mac mara. et de nomine Manandan Inis Manand dictus est.		p. 269b	31.15-21	concord.
520	Niæ mac sethur. ut Cúchulaind dixit prophetans (uel præcans) de Christi aduentu .i. níæ duine ticfa ipaec móisi .i. mac sethar dúine ticfa et ipse est Iesus. et alii dicunt corochret Cúchulainn o sin.		p. 269b	31.22-5	concord.
521	Nemnuall. ise ainm is mou do anmannu indomain .i. nemnuall dénma in oifri nd andsin. nemnuall. nuall ḟer nime (imbe).		p. 269b	31.26-8	concord.
522	Ninus .i. nin foss 7 nin tónd .i. tónd tanic don ḟairrge aniar condech isin d aiur cutoracht isin tír út conderna tipra di. inde dicitur Corcmodruad Ninuis.		p. 269b	31.29-31	concord.
523	Nemeth .i. nemiath .i. anus dírge do eclais.		p. 269b	31.32	concord.