| Ref | Text | § | MS ref | Print ref | |
|---|
| 21 |
Laṅgpeitir .i. aingliss insin. lang didiu .i. fottae, phetir immorro glass. laṅgphetir didiu .i. glas fota .i. itir chois níarthair fol. 79va 7 chois nairthir bíid. Non síc aurcomal .i. aur accomol .i. itir di choiss airthir bíd son.
|
| fol. 79rc | 158.20-3 | concord. |
| 22 |
Lecht ab eo quod est lectus.
|
| fol. 79va | 158.24 | concord. |
| 23 |
Long bis for muir ab eo quod est longao.
|
| fol. 79va | 158.25 | concord. |
| 24 |
Luachair .i. taitnem ab eo quod est luceo ł lux quasi lucar.
|
| fol. 79va | 158.26-7 | concord. |
| 25 |
Lebor quasi libor a libro.
|
| fol. 79va | 158.28 | concord. |
| 26 |
Lot quasi lot ar is lott do mnai mertrichus.
|
| fol. 79va | 158.29 | concord. |
| 27 |
Láth quasi luth.
|
| fol. 79va | 158.30 | concord. |
| 28 |
Loman .i. lom fann, sech is lom is fand.
|
| fol. 79va | 158.31 | concord. |
| 29 |
Laithirt .i. laith ort .i. lait rodnort, .i. ól corma.
|
| fol. 79va | 158.32 | concord. |
| 30 |
Lugbort melius est .i. lubgort .i. luib gort, ut dicitur gort luibe.
|
| fol. 79va | 158.33-4 | concord. |
| 31 |
Lín a líno.
|
| fol. 79va | 160.1a | concord. |
| 32 |
Léne a línía.
|
| fol. 79va | 160.1a | concord. |
| 33 |
Lánamain .i. lán ṡomain insin, ar is lethsomain nechtar de sech araile.
|
| fol. 79va | 160.2-3 | concord. |
| 34 |
Lethech .i. deide foringair .i. ainm do ceneliu eisc dianid ainm .i. ar a lethet 7 ar a tanadetaid, ar is mór lethet neich de bís in ociano. Ainm dano do losait arindí lethaidir bargin fuirri, amail isbert Cruiteni fechtas luid do thig araile éicis 7 a gilla leis .i. écsini side co menmain fithidrea. farrolaig didiu Cruiténi fadesin hi mmaig. leigis a gilla do hóigedecht do thig ind éicis. Tobreth didiu tarr tuirc dó i scabáil 7 ro fol. 79vb bói calleic int éices occ acallaim ind eicsine, 7 oc cur súla tar a frithgnam. Rorataigestar iarum int éices mórmenmain ind eicsine 7 laget a frithgnama. Intan didiu rombo bruithe in tairr asbert int éices fiad ind ecsiniu .i. Dofotha tairr tein .i. is míthig a thisceil dintein, 7 is ba co feissed son cia frecra doberad int éicsine dó, fobith rachualasom int éices oc gamaidim ala naile nairecc ninganta amal bidhe feisin aratissed 7 niro son immoro int eces, do promad ind eicsine .i. tofotha tairr tein, et tribus uicibus dixit, et non respondit éi ad ullum uerbum. Laissein didiu attraig int eicsine 7 teit cosin mbale i mbai Cruiteni, 7 adfét scela dó, 7 asbert fris a naithesc roradi int eces .i. tofotha tairr tein. Maith, ol Cruitene, intan assmbéra affrísi asberasa fris occa .i. tói lethaig foin fris .i. fon tairr 7 frisindle chaindill do deicse dús in bruithe in tairr. INtan didiu dofessid int eicsine isin tig thall dixit int ecess a cetnae, 7 dixit int eicsini fol. 79vc tóe letaigh 7rl. Maith son, ol int éces, ni bru ecsini rodtorinnai, isin ocus atá Cruiteni. Cotngair de muig. Conacrad iarom. Ferthair failti fris 7 doberar biad naill hi coiri do suidiu 7 ba becc a menmae de in eicsine fobith cotnuaitib int éces cech notnaiclestar Cruitini.
|
| fol. 79va | 160.4-31 | concord. |
| 35 |
Leos .i. imdergad immandergthar duine iarna hair no iarna hecṅug.
|
| fol. 79vc | 160.32-3 | concord. |
| 36 |
Lóes .i. suilse ut est in Dúil. Griniud lois .i. díbud suilsi .i. caindli. Item aigid ḟir imme lois luinethar .i. immatimchella suilse.
|
| fol. 79vc | 162.1-3 | concord. |
| 37 |
Luacharnn quasi lúcernn .i. a lucerna.
|
| fol. 79vc | 162.4 | concord. |
| 38 |
Modebroth ol Patraicc, quod Scoti corrupte dicunt. síc autem dici debet .i. muin duiu braut. a muin didiu is meus, an duiu is deus, am braut is iudex.
|
| fol. 79vc | 162.5-7 | concord. |
| 39 |
Marcc .i. ech. marcach .i. eich imdai laiss, ut dicitur buasach in fer lasa mbit bái imdai, airmnech dano in fer techas arbur nimdai 7rl. Síc airgtech, coilcthech.
|
| fol. 79vc | 162.8-10 | concord. |
| 40 |
Mathair quasi mater, arissed rotruaillned and.
|
| fol. 79vc | 162.11 | concord. |
