| Ref | Text | § | MS ref | Print ref | |
|---|
| 62 |
Mertrech ab eo quod est meretrix, merendo pretium stupri.
|
| fol. 80rb | 164.9 | concord. |
| 63 |
Mátt .i. mucc, unde est isna Brethaib Nemed .i. forruachtatar mátta mothuindi torgabail 7rl.
|
| fol. 80rb | 164.10-11 | concord. |
| 64 |
Mann .i. unge .i. unde Sencha dixit, Mó ailib imdergad Emnæ. / Admiudur de secht cactu cichsite crisu. / Secbt mugu moigfite morgnimu mugsaine. / Secht manna óir forloiscthi frifialgnúis cona chaurathaib Conchobuir.
|
| fol. 80rb | 164.12-17 | concord. |
| 65 |
Munnu .i. mó finnu .i. ainm buide Fintain enim dictus est .i. unde Moedóc Ferna dixit occ áir Munnu maic Tulchain, A chelén Dé chumachtaig! / a maic Tulchein, a bachlaich! / ruc mac n-annsae dia muintir / mathair rothuc, a ḟintain!
|
| fol. 80rb | 164.18-23 | concord. |
| 66 |
Milis quasi mellie .i. isin and 7 mel.
|
| fol. 80rb | 164.24 | concord. |
| 67 |
Mál .i. rí 7 fili, unde dicitur Ni naiss ór na hargatt fol. 80rc acht for mál.
|
| fol. 80rb | 164.25-6 | concord. |
| 68 |
Mairenn .i. déde fordingair. ainm cetamus do mnai .i. moḟind. ainm dano do gái .i. mírind .i. droch rind .i. fodera bás.
|
| fol. 80rc | 164.27-8 | concord. |
| 69 |
Mugeme ainm in cetna oirc cetarabe i nHére .i. Coirpri Musc ceta tucside in Ere a tirib Bretan. Ar intan ropumor cumachta na nGoedel for Bretnaib rorannsat Albain eturru hi feranna, 7 roḟitir cách durais dia charait leo. 7 nibu lugu notrebtaís Goedil fri muir anair quam in Scotia, 7 doronta a n-airusa 7 a rigdúine and. Inde Dind Tradui .i. dún tredui .i. tredue Crimthain Moir maic Fidaig .i. ri hEirenn 7 Alban co muir nIcht. 7 inde est Glassdimbir .i. cell for brú mara hIcht. Iss ed aruiss insin i rrobai Glass mac Caiss muicid rígh Hirhuaithi occ mucaib for mess, 7 is hé insin dodersaig Patraicc iartain .i. se fichit bliadnae iar nguin do fiannaib Muic Con, 7 is dind raind sin beos ata Dind Map Letani hi tírib Bretan Corn .i. Dua mac Liathan. Síc rorann cach cenél disiu, ar robói a chutrumu allæ anair, 7 robatar fon chumachtu sin co ciana oid iar tichtain Patraicc. Disin trá didiu robói Coirpri fol. 80va Musc occ aithigid sair co a muintir 7 coa cairdea. Ni thanic didiu ind inbuid sin oircci tír nÉirenn, 7 ascongrad la Bretnu na tarta oiroi i ndáil na haiscid na caratrad na cormmain do Goedelaib. IS hí tra cáin robói ind inbaid si la Bretnu, Cech bidbu innachinaid do neoch foroesad. didiu oirci aimind i sseilb charat Choirpri Musc hi tirib Brettan, 7 atroe Coirpri huad. Dochuaid dano Coirpri corfectais dó athaigsidi, 7 forricc lo failti act immonoirci. Scían amrae dano la Coirpre Musc 7 imdénam de ór 7 do argat ima heimh, 7 basét amrae 7rl. Tobert iarum Coirpri beóil comór 7 conammelt saill fo an em. Foracaib in scin ar belaib ind oirci. Rogab ianum int oirci cocnam ind eme co matain .i. roluited iarum in scían conabud alain arnabárach. Dogéni iarum Coirpre cáis móir denin, 7 ba bronach, 7 condaig cert nimbi coacharaitt. Indraicside, dano fol. 80vb icfasa inchinaid, oll suide. Ni gebsa, ol Coipre, acht hi fil hi cáin Bretan .i. cach bibdu inachinaid. Iarsein tra dobreth int oirci inna chinaid, 7 dobreth ainm dó .i. Mug heme. Ba banchú tan int oirci, 7 ba torrath intan dobreth tairis mall. Ailill Flann Bec tra ba ri Muman in tan sin, 7 Cormuc hua Cuind hi rrigu Temrach. Do indarscansat aidi fo chetoir cuinghid ind oirci. Is he iarum cruth rocoraiged eturra a triur, aimser chinti dobeith don choin hi tig cachae. Doithid iarum in cú rohuc cách cuilén di cuain, 7 is on choin sin oirci Heirenn, ut Scoti perhibent. Ba marb tra int oirci. Iar reib cianaib, immorro, fofuair Connlae mac Taidg maic Céin maic Ailella Oluim clocenn lom ind oirci, 7 dobert hi ceist dond filid doluid co n-airchetul dia athair .i. Moen mac Etnae nomen poetæ illius. Tethnae iarum, int éces tre tenm leido, co n-epert, Cáin tonna húi fol. 80vc Eogain, íth hi tig húi Chuin cachthádath tobaraind. Basa coem hi tig Choirpri Musc, a Mug héme. Cend Moga heime inso, ol se, in cetna hoirce dobreth in Hérind.
|
| fol. 80rc | 164.29-168.8 | concord. |
| 70 |
Mumu de nomine alicuius regis, id est Eochu Garb Mumu .i. Eocho Mumo .i. mo a greimm 7 a greitt 7 a chumachtae oldás cach rí, 7 is di anmuim rohainmniged Mumu 7 Muimnig dicuntur.
|
| fol. 80vc | 168.9-11 | concord. |
| 71 |
Mug quasi múch, ar is fo múich 7 fo thodernam fognama bís.
|
| fol. 80vc | 168.12 | concord. |
| 72 |
Mugsaine .i. quasi mug snime .i. snim bíss for menmain in moga.
|
| fol. 80vc | 168.13 | concord. |
| 73 |
Much tra ainm saindiles do diaid, unde dicitur muchad.
|
| fol. 80vc | 168.14 | concord. |
| 74 |
Mil .i. mel rotruaillned ann.
|
| fol. 80vc | 168.15 | concord. |
| 75 |
Midach quasi medic, ab eo quod est medicus.
|
| fol. 80vc | 168.16 | concord. |
| 76 |
Mér arindi is a hóenur bith isind alt imbi .i. inna meracht, 7 is a hoenur téit quasi merulus .i. lón, et inde merulus graece quod uolat solus, 7 ní gnáth én aile cid dia chinel fodeisin ina cóimtecht.
|
| fol. 80vc | 168.17-19 | concord. |
| 77 |
Meracht quasi mericht .i. icht ł acht mér .i. gnim mér ab eo quod est actus.
|
| fol. 80vc | 168.20-1 | concord. |
| 78 |
Mairt .i. a Marte .i. o dia chatha la genti dianid ainm Mars, is dO cona secrad allathisin fol. 83ra 7 inmi dianid ainm Mártius .i. mi marta.
|
| fol. 80vc | 168.22-4 | concord. |
| 79 |
Míndech quasi mendic .i. ab eo quod est mendicus.
|
| fol. 83ra | 168.25 | concord. |
| 80 |
Mart a morte, quasi mort.
|
| fol. 83ra | 168.26 | concord. |
| 81 |
Mortlaith .i. a mortalitate.
|
| fol. 83ra | 168.27 | concord. |
