| Ref | Text | § | MS ref | Print ref | |
|---|
| 82 |
Manannan mac Lir .i. cennaigi amrae robói i nn-inis Manand. Is hé lúam is dech robói for muir in iarthar domuin. Rofinnad tria nemgnacht (.i. gne nime) .i. tria deicsin ind aeoir, inderet nombiad intṡuithnenn a 7 intan conoemchlabad cechtarde arré. inde Scoti et Britónes eum deum maris uocauerunt, et inde filium maris esse dixerunt .i. mac lir, et de nomine Manann insola Manannan dicta est.
|
| fol. 83ra | 168.28-34 | concord. |
| 83 |
Nie .i. mac sethar. ut Cú Chulaind dixit, profetans de Christi aduentu .i. nie duine ticfa .i. mac sethar .i. mac sethar duine ticfa, ipse est Iesus.
|
| fol. 83ra | 170.1-3 | concord. |
| 84 |
Nemnall issed ainm as moaib de anmonnaib Héirenn insin .i. nemnuall .i. nuall fer nime imbi.
|
| fol. 83ra | 170.4-5 | concord. |
| 85 |
Nínus .i. ninos .i. nin .i. tonn fol. 83rb .i. tond fairgi aníar. dodeochaid iarsind aéor condaformimi isintír, condeirgéni tiprait dí. Inde dicitur Corcumruad Nínuiss.
|
| fol. 83ra | 170.6-9 | concord. |
| 86 |
Nemeth .i. nemiath anas dírde do heclais; nemáath anas dírde do ócaib; nemhuath anas dírde do filedaib.
|
| fol. 83rb | 170.10b-11 | concord. |
| 87 |
Néit dia catha la gente Goedel. Nemon uxor illius.
|
| fol. 83rb | 170.12 | concord. |
| 88 |
Niacc quasi nécc.
|
| fol. 83rb | 170.13 | concord. |
| 89 |
[Nith] .i. guin duine.
|
| fol. 83rb | 170.14 | concord. |
| 90 |
Ner .i. torc allaid, ut est isnaib Aistib .i. fail nir néit grífe grádaichdae.
|
| fol. 83rb | 170.15-16 | concord. |
| 91 |
Nóe .i. duine, unde dicitur diandama noe fortír .i. dían dama duine fortir.
|
| fol. 83rb | 170.17-18 | concord. |
| 92 |
Noes .i. fess nónbair .i. tri ríg 7 tri epscoip 7 tri suid .i. súi filidechta 7 súi litre 7 sui bélrai Féne. Robatar huili oc denam int ṡenchasa.
|
| fol. 83rb | 170.19-21 | concord. |
| 93 |
Nim .i. bróen, ab eo quod est nimbus. Inde dicitur isna Brethaib Nemed .i. Oengus fo hóiblib imbais aricht roluisc, leth fo nimib nimb.
|
| fol. 83rb | 170.22-4 | concord. |
| 94 |
Nairnne .i. glaine, no nairnne, amal bid naire nobeth and. Senbelræ didiu a nnaire sin. Is inann 7 asbertha écin. Is gnath bélrasom fol. 83rc tra la hIrmumain maxime, unde dicunt Infil ni bes toich duit? Fil naire, ar in ti dia nimcomarcer .i. fil eicin.
|
| fol. 83rb | 170.25-9 | concord. |
| 95 |
Nith .i. guin duine. Nie in fer dodngni. Neithes dano .i. guin duine. ut est ní idnae nethis nemthigedar.
|
| fol. 83rc | 170.30a | concord. |
| 96 |
Nescoit .i. isé senchas Goidhel .i. intan fechtae cath Muige Tuiredh bui Goibhne gobae isin cerdchai oc denum na narm do Thuathuibh nDea Domnand, 7 búi Luchtaine soer fri denum crand isna goa, 7 boi Credne cerd fri denum semmend inna ngoe, et dicunt autem Scoti quod Gobne gobae astas faciebat fri teora gressa, 7 ba feth in gres dédenach. Dogníth dam Luchtaine sóer fri teora snassa, 7 ba feth int snas dédenach. Sic et Credna na semmand. Dobidgged iarum Goibne asin tenchair na goa conglentais isind aursain. Dolleiced Luchtaine Saer na cranna inna ndíaid, 7 balor insma doib. Dobidged iarum Credene cerd na semmend a bélaib na tenchoire, 7 balór fol. 83va inamai doib 7rl. Cene tra buí Goibne gobae occon dísin líthe bine foramnái. Adfiadareon didiu do Gobnind, 7 ba saeth lais, 7 ba hetaid imbi. Issed didiu dogéni fris .i. búi crann innalaim intan adféss dó a scél .i. ness a ainm, is imbi dogníther ind aurneisi criad. Dicain didiu forsa crand sin, 7 cach fer doniced dobered fuasmaind don crand. Má adellad iarum in duine do hurgbad fo cétoir cnocc ann lán do loimm chrú 7 gur, 7 foloisced in duine amal tene, 7 huaire ba fuath in craind dianid aimn ness nobid forsin cnucc. Is aire roainmnigset ond anmuim sin as nescoit .i. ness 7 scoítt .i. lind. Ness tra cetharda fordingair .i. ness cétamus ainm ind anmandai 7rl. Ness ainm don chrund ut praediximus. Nees dano ainm dond aurnisi criad féssin, amal asbert ben araile goibenn dorigéni marbnaith doa fir dicens Ba dirsan lim sella fol. 83vb friss / forbir ifrig derc aniss / ba binniu nochantais dord / fri derc anise adabolg. Ness dano ainm don beimm 7 don crecht, ut est isin Tenchas Már .i. a grannib cachtomes, a Fenib gach forus, ammaínib cach mess. a dirib cuirp duine, citili a fuili, rohordaiged ness .i. amal mbes aurgnatu la in baill isin duiniu hi fuirmither increcht is fai dano bíth indéraic .i. uerbi gratia .i. mad indagaid no inétan no ismech forrumither incréht ł inaithiss is móiti a héraic 7rl. amal rongab isin Tenchus Már .i. mad fo hetach immorro bis in crecht ł ind ainim is lugu son.
|
| fol. 83rc | 170.32-172.17 | concord. |
| 98 |
Olldam{?} .i. oll adám .i. cethrar ar .xx. Aliter ollhuam .i. amas nanndae saigid huame bis inaild síc is doirb saigid for dán 7 eisi ind ollaman. Ailiter olldieim .i. oll aní dieim.
|
| fol. 83vb | 174.1-4 | concord. |
| 99 |
Ói .i. cauru, unde dicitur oisc .i. ói ṡeisc.
|
| fol. 83vb | 174.5 | concord. |
| 100 |
Omelgg .i. ói melg .i. isi aimser insin hitic ass cáirach melgg fol. 83vc .i. ass arindí melgair.
|
| fol. 83vb | 174.6-7 | concord. |
| 101 |
Óen quasi ún, ab eo quod est unus.
|
| fol. 83vc | 174.8 | concord. |
| 102 |
Oénach .i. une ech.
|
| fol. 83vc | 174.9 | concord. |
