| Ref | Text | § | MS ref | Print ref | |
|---|
| 483 |
Morann .i. morḟind. baid insen ainm dobert a mathair do, 7 asbert robad bibda bais nach adeperad fris. Mac muin immorro is ainm dobert a athair do .i. ba main maith in mac. 7 ba bidba bais nach eperad fris in ainm sin. rolensat iarum na dan ainm in fersa ar don oenanma mac immorro som Coirpri Chind caitt.
|
| fol. 181va | 863 | concord. |
| 484 |
Menad .i. min aith.
|
| fol. 181va | 864 | concord. |
| 485 |
Moth .i. chach ferdę .i. cech fer insce 7 nomen est uirili membro.
|
| fol. 181va | 865 | concord. |
| 486 |
Man .i. a manu.
|
| fol. 181va | 866 | concord. |
| 487 |
Manach .i. a manacho.
|
| fol. 181va | 867 | concord. |
| 488 |
Monach immorro clesach, ab eo quod est mon .i. cles.
|
| fol. 181va | 868 | concord. |
| 489 |
Methos .i. a meta.
|
| fol. 181va | 869 | concord. |
| 490 |
Molod .i. is mol ara mence 7 is od ara gnadchi.
|
| fol. 181va | 870 | concord. |
| 491 |
Menmchosach .i. menmę casach lais .i. caingnech.
|
| fol. 181va | 871 | concord. |
| 492 |
Muirtchend .i. ab eo quod est morticinium.
|
| fol. 181va | 872 | concord. |
| 493 |
Mulend .i. mol 7 ond .i. cloch, arissed dede as mulend i mmuliunn.
|
| fol. 181va | 874 | concord. |
| 494 |
Merdręch ab eo quod est meretrix, merendo pretium stupri.
|
| fol. 181va | 875 | concord. |
| 495 |
Mat .i. mucc, unde est isna brethaib nemed forruchatar mata mothuinni torgabail 7rl.
|
| fol. 181va | 876 | concord. |
| 496 |
Mand .i. unge .i. unde Senchan dixit, Mo ailib immdergad emnę. admidiur de secht cachtu cichsite morgniu muigsine. secth manna oir forloiscthi frifialgnuis cona chauirathaib concobur.
|
| fol. 181va | 877 | concord. |
| 497 |
Mundu .i. mo ḟinddu .i. ainm buide finntan enim dictus est .i. unde moidoc fernę dixit oc air mundu maic Thulchan, A chelen de chumachtaig a maic Tulchan a bachlaig ruc a mac nansa dia muintir mathair rothuc a ḟinntain
|
| fol. 181va | 878 | concord. |
| 498 |
Milis quasi mellis .i. isinund 7 mel.
|
| fol. 181va | 878a | concord. |
| 499 |
Mal .i. rig 7 fili, inde dicitur ni naiss or na harget acht for mal.
|
| fol. 181va | 881 | concord. |
| 500 |
Mairend .i. dede fordingair. ainm cetumus do mnai .i. morḟind. ainm dano do gae .i. mirinn .i. droch rind .i. fotera bas.
|
| fol. 181va | 882 | concord. |
| 502 |
Mugeme ainm in cetna oirci cetarabę i nhere .i. coirpri musc cetna tucside i nhere a tirib bretan, ar intan robbumor cumachta na ngoedel for bretnaib 7 rorannsat albain etarru hi feranna, 7 roḟithir cach durais dia chara leo, 7 nibu lugu notrebtais goidil fri muir anair quam in scotia, 7 doronta a nairsea 7 a rrigdune and. inde dicitur dind tradui .i. dun tredui .i. tredue cremthaind mair maic ḟidaigh ri herenn 7 alban co muir nicht. 7 inde dicitur Glassdimbir .i. cell for bru mara icht. Issed arus insin i rrabe glass mac fol. 181vb caiss. muccid rig irḟuate oc maccaib for mes, 7 ise insen dodersaig padraig iartain .i. se fichit bliadna iarna guin do fianaib maic con 7rl. 7 is dond raind beos sin ata dind map letain i tirib bretan cornn .i. dun mac liathan. sic rorann gach cenel desiu, ar robui a chutrummu alla anair, 7 robatar fon cumachtu sin co ciana cid iar tichtain padraic. Deṡen tra roboi coirpre musc oc aithigid sair coa muintir 7 coa chairde. Ni tanic tra ind in dind buid sin oirce tir nerenn, 7 isracongrad la bretnu na tarta ail na haiscid na caratrad na commain do Goidiul. isi tra cain roboi indinbuid sin la bretnu, cach bibda innachinaid do neoch fofeisim i cain. roboi didiu oirce aimind hi seilb carat coirpri musc hi tirib bretan, 7 atroe coirpri uad. Docuaid didiu coirpri corfechtais do aithig sidi, 7 forric failti acht immonn orce. Scian amra dano la coirpre musc 7 imdenam di or 7 do argut imma heim, 7 ba set amrae hi 7rl. Dobert iarum coirpre beoil commor 7 commelt saill fo eim. 7 foracaib in scin ar belaib ind orci. rogab iarum int oirce cocnam in eme co maidin rolutech iarum in scian conarbo an laind iarnamareach. Dogeni iarum coirpre cais mor dosen, 7 ba bronach, 7 condaig cert immi coa carait. Indraiccside didiu icfassa incinaid ol side. Ni gebsa ol coirpre acht hi fil hi cain Breatan .i. gach bibda inna chinaid, iarsin tra dobreth ainm do .i. mugheme 7rl. ba bancu tra int oirce, 7 ba torrach intansin .i. intan co mbreth tari anall. ailill fland becc tra ba ri muman in dinbai sin. ET cormac hua cuinn i rrigu temrach. toirinscansatar sidi fo cedoir cuncid ind orce 7 a cosnam. ise iarum cruth rochoraigęd etarru a triur .i. aimser cinnte dobith doncain i tig cacę. Doithid iarum in cu irolic gac culen dia cuain, 7 is on coin sin oirce herenn, ut scoti ei perhibent. Ba marb tra iartain int oirce. Iar reib cianaib iarum. Fouair conlę mac taidg maic cein maic aillilla uluimm clocenn lomm in oirci, 7 dobert i cest don filid doluid co nerchethol dia athair .i. moen mac etne nomen poete illius. teit iarum i tecges tria theinm laida co nepert, cain tonna hui eogin, ith i tig hui cuinn cach tratha dobarainn. bassa caem hi tig coirpre musc, a mugheme. cenn moga neme inso, ol se in cetna oirci dobreth in hEirind.
|
| fol. 181va | 883 | concord. |
| 503 |
Mumu de nomine alicuius regis, id est eocho garb Mumu .i. Eocho Momo .i. moo a greim 7 a greith 7 a chumachta oldaas gac ri, 7 is din amumu rohainmnitea mumain 7 muimhnigh dicuntur.
|
| fol. 181vb | 884 | concord. |
