Ref | Text | § | Print ref | MS | |
---|
Y.881 |
Mál, rí ⁊ cís ⁊ file. inde dicitur ni nais ór na argad acht for mál.
|
| 881 | col. 59 | concord. |
Y.882 |
Muirend dede fordangair ainm cetimus do mnae .i. mor-find, ainm dano do gae .i. mi-rind .i. drochrinn fodera bas.
|
| 882 | col. 59 | concord. |
Y.883 |
Mugh eme dano ainm in cetna oirci cetarabae ind-hEri .i. Corpri Musc dorat side a nEirinn a thir Bretan. ar intan roba mor cumachta na nGaoidel for Bretnaib rorannsat Albain etorra i feranda ⁊ rofidir cach durais die carait ⁊ ni bu lugæ notrebdais Gaoidil fria muir anair quam in Scoticæ, ⁊ doronta a n-airlisi ⁊ a rrigdúine ann. inde Dind Tradui .i. dun tredui .i. tre due Crimthuind Mor maic Fidaig rig Eirenn ⁊ Alban co col. 60 Muir nIcht. et inde est Glastimbir na nGaoidel .i. cell for brú Marae hIcht. iss ed arus indsin i rraba Glass mac Caiss muccid righ Hiruaite oc a muccaib for mess, ⁊ is é indsin rodersaig Patraic iartoin se fichit bliadan iarna guin do fianaib Maic Con, et reliqua, ⁊ is dind raind sin beus ata Dind map Lethain i tirib Bretan Corn .i. Dun Maic Liathain, ar is mac indní is map isin bretnais. sic rorand cach cenel desiu, ar robui a cutromae allæ anair, ⁊ ro badar fon cumachto sin co cianæ cid iar tiachtuin Patraic. de sin tra robui Corpre Musg ag aithigid sair co a muintir ⁊ co a cairde. ni thainic didiu orci in inbaid sin a tir nErenn, ⁊ iscongad la Bretna cona tárda oircci i n-áil no a n-ascaid i thir nErenn, na a caratraid na a comain go Gaoidelae. is hí tra chain robui ind inbuid sin la Bretna in bíodba inna chinaid do neoch forsesed ⁊ a chain no foruasnadfad i chain. robai didiu orci aimmind i seilb charat Cairpri Musc i tirib Bretan. atroe Corpri uad. do chuaidh dano Corpri cor fechtas do atsaighud ⁊ forricc failte acht immon orcci. scian amra la Corpri Musc, imdenam di ór ⁊ argat im a heim ⁊ ba set adamra. tobert iarom Corpri beoil co mor im a heim ⁊ conamailt saill ⁊ boṡaill foa. foraccaib ind scin ar belaib ind orci. rogab iarom ind t-orce cocuam ina eimhe co madain. roluited iarom ind scin co nab alaind iarnamarach. col. 61 dogene iarum Corpri caiss mor de sin ⁊ ba bronach ⁊ condaig cert n-imbi co a charait. indraic side dano. icfa-sa in chinaid sin, ol sa. ni geb-sa, ol Corpri, acht i fil i cain Bretan .i. caeh biodhbha ina chinaidh. iarsin tra dobretha ind orci ina cinaid ⁊ dobreth ainm do .i. Mug eme. ba bancú tra int orci ⁊ ba torrach intan dobreth tair is anall. Ailill Fland Bec ba ri Muman ind inbaid sin ⁊ Cormac ua Cuind i righe Temrach. doindarscanat side focedoir cuingid ⁊ cosnam ind orci. is e iarom cruth rocoraiged etorra aimsir cinnte do bith don choin a tig cachae. doithig iarom in cú, ⁊ ruc cuch cuilen dia cuain co n-aprait a celi uade. ⁊ randsat fir Eirenn etorra, ⁊ is on choin sin orci Eirend, ut Scoti peribent. ba marb tra iartain int orci. iar reeib cianaib immorro fofuair Conla mac Taidg maic Cein maic Ailella Auluim cloicend lom ind orci ⁊ dobert a ceist don ḟilid doluid co n-aircedal dia athair .i. Máon mac Etna nomen poete illius. tethnai iarom int ecis bia teinm laoido cain tonna i tigh ui Eoguin, ith i tigh uí Cuind cachtadath do baraind, ba-sa coem i tigh Corpri Musc Mug-eime. cend Mug-eime indso, ind cetnai orci dobreth ind-Eiriu.
|
| 883 | col. 59 | concord. |
Y.884 |
Muma de nomine alicuius regis .i. Echu Múmo .i. Eocho Momó .i. mo a greim ⁊ a greit ⁊ a cumachta oldas cach rí, ⁊ is dia anmaim rohainmniged Muma ⁊ Muimnig dicunt.
|
| 884 | col. 61 | concord. |
Y.885 |
Mugh quasi much, ar is fo muich ⁊ fo todernamh foghnama bit. col. 62
|
| 885 | col. 61 | concord. |
Y.886 |
Mugsaine .i. mug-snime .i. snim biss for menmuin in mogad.
|
| 886 | col. 62 | concord. |
Y.887 |
Much tra ainm saindiles do diaid, unde dicitur muchad.
|
| 887 | col. 62 | concord. |
Y.888 |
Mil .i. mel rotruailled and, quasi mellis .i. mil.
|
| 888 | col. 62 | concord. |
Y.889 |
Midach quasi medic ab eo quod est medicus .i. liaigh.
|
| 889 | col. 62 | concord. |
Y.890 |
Mér arindi bis ina aonar isin alt i mbi, ⁊ iss i n-aonar imteit, quasi merulas (.i. lon) grece, quod uolat solus (.i. etellaigid aonar), latine lon, ar ni gnath en ele dia ceinel ina coemtecht.
|
| 890 | col. 62 | concord. |
Y.891 |
Meracht quasi mer-icht .i. icht mer .i. gnimh mer, ab eo quod est actus (.i. gnim).
|
| 891 | col. 62 | concord. |
Y.892 |
Mairt .i. a Marte .i. dia catha la geinti, diando nomen Mars. is do condosecrad in laithe sin ⁊ in mí diandat ⁊ ainm Marsiius .i. mi Marta.
|
| 892 | col. 62 | concord. |
Y.893 |
Mindech quasi mendic, ab eo quod est mendicus .i. bregach.
|
| 893 | col. 62 | concord. |
Y.894 |
Mart quasi morti .i. on báss.
|
| 894 | col. 62 | concord. |
Y.895 |
Mortlaith .i. a mortalitate .i. on mortlaith.
|
| 895 | col. 62 | concord. |
Y.896 |
Manandan Mac Lir cendaighe amra robui a nInis Manann. is he luamaire is dech robui a n-iarthur domuin. rofindad trie nemgnacht .i. tris deicsin gne in nime, .i. ind æoir, ind airet nobith ind thsoinind ⁊ in donend ⁊ intan conclaochlobadh cechtar de a rre. inde Scoti Britoines eum deum uocauerunt maris, et inde filium maris esse dixerunt (is aire sin dogairdis Scoitice ⁊ Brethnaig dee in mara de ⁊ adeirdis corba mac don muir he) .i. mac lir. de nomine Manannan Manand insula dicta est (7 is uaide aderar Inis Manand).
|
| 896 | col. 62 | concord. |
YAdd.897 |
Mant .i. mo a saint bid.
|
YAdd | 897 | col. 62 | concord. |
YAdd.898 |
Magh .i. mo is aghusta e oldos in fid. no mó a aighe .i. a graifne ech.
|
YAdd | 898 | col. 62 | concord. |
YAdd.899 |
Muinel .i. mo in feoil fair quam in chind. no mo inn eolach atá hé .i. fon chind.
|
YAdd | 899 | col. 62 | concord. |
YAdd.900 |
Mind quasi mund, a mundita .i. on gloine.
|
YAdd | 900 | col. 62 | concord. |