Sanas Cormaic, version Y

Version Y = Yellow Book of Lecan (TCD, MS 1318 (H.2.16)), cols. 3–88.

1300 entries. Page of 65.
entries per page.
RefText§Print refMS 
Y.821 Lugbort meilius est, .i. ni is ferr, luibgort .i. gort luibe 821col. 55concord.
Y.822 Lin a linio. 822col. 55concord.
Y.823 Lene a linia. 823col. 55concord.
Y.824 Lanomain .i. lan somain o cach dib dia chelei, ar is lethsomain nechtar de sech araile, aliter lanamain quasi lenamain ar ni fil etarscarad doib acht ar dia 824col. 55concord.
Y.825 Lethech .i. dede fordongair. ainm cetamus do ceniul eisc dianid ainm lethech ar a leithear a tanaideta, ar is mor lethet neich de bis ind ocian, ainm dano do losait arindi lethaitir bairgin fuirre, amail ismbert Cruitine file. fechtus luid do tig araile eciss. ⁊ a gilla laiss .i. ecsine eiside co menmuin fithidire lais. farrolaig didiu Cruitine fadeisin i maigleigis a gilla do tig ind eicis do uigedacht. dobreth didiu tairr tuirc do i scabul. ⁊ robaoi calleic int ecis oc agallaim ind eicsine. ⁊ oc cur sulae tar a frithgnam. Rorataig iarom int eces mormenmain ind eicsine. ⁊ laiget a frithgnama. INtan iarom robo bruithe in tairr isbert int eicess fiad ind eicsine. Dofotha tairr tein .i. is mithid a thiscal do teinidh. ⁊ ba co feisid som cia freacra doberad an t-eicsine do, fobith rocualai seom int eces oc gumaidim ala n-aile n-airec n-inganta col. 56 amhail bid e feissin arabissed ł arardisedni rocreid seiumh immoro int eigsin, ba haire iarumh isbert int eicsin do promhadh ind eicsine, dofotha tairr tein, et tribus uicibus dixit, et non respondit ei ad ullum uerbum, Lasin didiu atraigh int eicsineteit cusin maighin i mbai Cruitineadfet scela do. ⁊ ismbert fris a n-aithesc roraide int ecess .i. dofotha tairr tein, maith ol Cruitine intan isbera aridisi asberasom fris oca .i. toi lethaig foin fris adaind indlis .i. toi lossait faon (fris) .i. fon tairrfrisnindle caindil dia deicsin dus in bruithe in tarr, intan didiu dofeisid int eicsine isin tigh tall dixit int eices a cednadixit int éicsine a cetnæ, toe letaigh faon fris 7rl, Maith seon ol int eices ni brú eisine rotormai amne, is i n-ocus ata Cruitine, congair de muig. Conaccrad iarom, ferthair failte frissdobreth biadh n-aill i coire ba bec a menma de int eicsine fobith cotnaitib int ecess ce chotnaiclestar Cruitine. 825col. 55concord.
Y.826 Leos .i. imdergad imadergtar duine iarna air no iarna ecnuch. 826col. 56concord.
Y.827 Leos .i. soillsi ut est isin Duil Rosgadaig. Grinniud loess .i. dibud soillsi .i. caindle, Item agaid fir ima leos luiniter .i. imatimchella soilsi. 827col. 56concord.
Y.828 Luacharnd quasi lucernd .i. a lucerna. 828col. 56concord.
YAdd.829 Lacha .i. lichiu í quam alia auess. YAdd829col. 56concord.
YAdd.830 Lendan .i. lenn æn .i. leind arnaonar , quasi lend-fuan .i. bratleine uimpe, ł aon dia lenand a menma hi. YAdd830col. 56concord.
YAdd.831 Lecc .i. ar leictir sissuas , ł le bid secc. YAdd831col. 56concord.
YAdd.832 Ledb .i. leth in faidb í, unde dicitur lethar col. 57 iar fir .i. feoillethar. YAdd832col. 56concord.
YAdd.833 Lesan .i. les cach mbolg i mbi lind, sic eisim. YAdd833col. 57concord.
YAdd.834 Loman .i. luamain i{?} bis fuirri, ł lu-man .i. beg in manu. YAdd834col. 57concord.
YAdd.835 Leim .i. lu eim .i. luud sem he. YAdd835col. 57concord.
YAdd.836 Lesc .i. leis a aisc ł quasi losc .i. bacach. YAdd836col. 57concord.
YAdd.837 Lend .i. lee find .i. lo find .i. ainm do brut find. YAdd837col. 57concord.
YAdd.838 Los cuirn .i. la hos , ar is osin buaboll for a mbi, ł la huais í. YAdd838col. 57concord.
YAdd.839 Lurga .i. le urga .i. le urcbail .i. urtocbail in cuirp. YAdd839col. 57concord.
YAdd.840 Lobor quasi lebor a lepra .latine. YAdd840col. 57concord.
1300 entries. Page of 65.
entries per page.