Sanas Cormaic [draft text]

Version: Y = Yellow Book of Lecan (TCD, MS 1318 (H.2.16)), cols. 3–88.

1300 entries.

Beta version: Proofing of manuscript transcriptions is still in progress.

Search

Y onlyall texts

Go to another text... Cormac's Glossary B - Leabhar Breac, pp. 263–72 H¹a - H.2.15b, pp. 13–37 H¹b - H.2.15b, pp. 77–102 K - Killiney MS A 12, pp. 1–41 L - Book of Leinster, p. 179 La - Laud 610, fols. 79r–84r M - Book of Úi Maine, fols. 177r–84ra Y - Yellow Book of Lecan, pp. 255a–283a Dúil Dromma Cetta D¹ - H.3.18, pp. 63–75 D² - H.3.18, pp. 633a–638b D³ - Egerton 1782, fol. 15 D⁴ - H.1.13, pp. 361–2 O’Mulconry’s Glossary OM¹ - Yellow Book of Lecan, cols. 88–122 OM² - H.2.15b, pp. 43–4 OM³ - H.2.15b, pp. 102–104 OM⁴ - Killiney MS A 12, pp. 41–42 Loman H.3.18, pp. 76a–79c Irsan H.3.18, pp. 80a–83b

Sanas Cormaic, version Y [draft text]

Images are not currently available for this manuscript.

Ref	Text	§	MS ref	Print ref
1082	Rinntaid .i. nomen do fir aorchaid rindass cach n-aghaid.		col. 77	1081	concord.
1083	Rout .i. roro-ṡet .i. mo oldas set, semita son unius animalis. atat tra ilanmand for na conaraib .i. set 7 rout 7 ramat 7 slighe 7 lamrotæ 7 tuagrotæ 7 bothur. Set cétamus ut predictus. Rout .i. da cubat carpat 7 da onechdae imme. doronath fri hechroeta no fri hecraite mennota ar medon. Ramut .i. mo oldas rout .i. aurscor bis ann ar dun rig. cach comaithech asa tir dotroich, dlegar de a glanad. Slige dano, doscuet carpait sech alaile. dorronad fri himcomrac da charpat .i. carpat rig 7 carpit espuic ar a ndig cechtar dib sech araile. Lamrotæ .i. eter da slighe .i. slighe dar tuaiscert mennotæ, alaile tar a descert. fri lesa fri cui doronad. Tuagrottæ, fochren fer trebar conair do ascnam raotæ no sleibe. is si iarom a fochreicc, anam cach dine no cach mil immidret cach alablia col. 78 Bothar, talla da boin fair .i. alanai for fot, alaile fortarrsnǽ, ara talla a lloigu 7 a ngamna ina farrad, ar mad ina ndiaig beit iurthass in bo bias dia eis. Atat tri glanta do cech æ, teora haimsera a nglanaiter, teora tucaite ara nglanaiter aimsir echruathair, aimsir chua, aimsir chocthæ. it eat a tri glanta .i. glanad a feda 7 a huisce 7 a coclaid. it he achuis ar a nglanaiter .i. arna heilnet a cairpthiu oc dal for cai 7 arna huilled echradæ oc techt do oenach. a coclaid arna esarlaither nech fair oc techt fo tressæ.		col. 77	1082	concord.
1084	Reo .i. grec .i. reo enim greco gelu interpretatur.		col. 78	1083	concord.
1085	Rincne quasi quinqui. unde dicitur Ferchess mac Mosecis dixit intan boi Find ua Baiscui oc airim cach coicir ar n-uair do sluag Luigdech maic Macniadh do chuinchidh ind fennedo .i. Ferchis. adacht Ferchess tren foa chnamæ sech find 7 dollieicci in slig for Lugaid conidromarb 7 asbert occa rincne quasi carincue rus rig .i. ar ba heth atbeired Find beus o'trimed cach coicer a uair. rincni quasi quinque.		col. 78	1084	concord.
1086	Robuth quasi rem-fuath. no robudh dino .i. rembuptadh bios.		col. 78	1085	concord.
1087	Retglu .i. ret-gle ar a soillsi.		col. 78	1086	concord.
1088	Roth a rotá .i. on cuairt.		col. 78	1087	concord.
1089	Ruct .i. inar , unde dixit Ferqertni deich ructa dergæ.		col. 78	1088	concord.
1090	Rudrud .i. ro-duradh.		col. 78	1089	concord.
1091	Ruam quasi rom a Romæ.		col. 78	1090	concord.
1092	Ranc iss ed is seisind cenél na mæili. Ranc didiu, it e na huisin arda. Rach dna is e rout na maile otha ind etan na maile corricci in mullach. Romaile .i. eter in da n-o uili. Sal tria hassæ .i. as a firmullag moeltar side, co mmbi a caisi buidi a mullach amail sail duine tria assa. Bugereth dano, mael a cend uile i ssuidiu co mmbi glelomm. IMspelip dano .i. bid folt cechtar na da lethcend 7 bia imrot reid otha ind etan corrici in clais in da chuladh. it he tra in sin se ciniela na maili.		col. 78	1091	concord.
1093	Rigan a regina, ł apud Scottass rig, rigan uaidi. col. 79		col. 78	1092	concord.
1094	Rath a rata latine.		col. 79	1093	concord.
1095	Ruain .i. lus dobeir cucht co mmbi derg. unde dicitur Diarmait Ruanaidh.		col. 79	1094	concord.
1096	Roscad .i. ro-indsciged .i. dodeochaidh inn-ord n-indsci. scath .i. indsce.		col. 79	1095	concord.
1097	Relic .i. a reliquis sanctorum. relic dano .i. rell a hec, ł hic, ł hocc.		col. 79	1096	concord.
1098	Rop 7 Rap. Rop didiu nach n-anmann gonas, ut sant uacae. Rap immorro nach n-anmann dosrenga chugæ, ut sunt sues, sed tamen uicisimi comuniter dicuntur. Rap didiu ab eo quod est rapio. Rop ab eo quod est robustus.		col. 79	1097	concord.
1099	Ribar .i. criathar.		col. 79	1098	concord.
1100	Ris .i. scel. risi .i. scela. inde dicitur Corpri mac Etna cen dil daime risi, rob sen Brisi.		col. 79	1099	concord.
1101	Ruad rofessæ .i. nomen don Dagdæ.		col. 79	1100	concord.