| Ref | Text | § | Print ref | MS | |
|---|
| La.103 |
Oeth .i. luige.
|
| 174.10 | fol. 83vc | concord. |
| La.104 |
Oar .i. guth.
|
| 174.11 | fol. 83vc | concord. |
| La.105 |
Óech .i. nemae.
|
| 174.12 | fol. 83vc | concord. |
| La.106 |
Orb .i. nomen uiri a quo Oirbrige.
|
| 174.13 | fol. 83vc | concord. |
| La.107 |
Og quasi ob, id est ouum.
|
| 174.14 | fol. 83vc | concord. |
| La.108 |
Ordd .i. ab ordine.
|
| 174.15 | fol. 83vc | concord. |
| La.109 |
Olchobar .i. occobor laiss ól.
|
| 174.16 | fol. 83vc | concord. |
| La.110 |
Ornn .i. orguin.
|
| 174.17 | fol. 83vc | concord. |
| La.111 |
Om in bid, grecc truaillnide insin .i. omon isin gréicc .i. cruor isin laitin.
|
| 174.18-19 | fol. 83vc | concord. |
| La.112 |
Opar .i. ab operatione.
|
| 174.20 | fol. 83vc | concord. |
| La.113 |
Ong fochid ⁊ cosc, inde dictum est cossaig domac, a Fithil, cotrescat a oing.
|
| 174.21-2 | fol. 83vc | concord. |
| La.114 |
Oraitt .i. óratio.
|
| 174.23 | fol. 83vc | concord. |
| La.115 |
Oslugud .i. huaslecud .i. lecud suas na comlad.
|
| 174.24 | fol. 83vc | concord. |
| La.116 |
Ogtách .i. ogthecht .i. ogude athech diabuith fair.
|
| 174.25 | fol. 83vc | concord. |
| La.117 |
Ór quasi aur .i. ab auro.
|
| 174.26 | fol. 83vc | concord. |
| La.118 |
Orcc treith .i. nomen domac ríg, tríath enim rex uocatur, Oenach nuircc tréith .i. biad ⁊ étach lógmar, cluim ⁊ coilcid, ⁊ brandub ⁊ fithchell, hech ⁊ carput ⁊ mílchoin ⁊ éisrechta olchena. Orcc dano ainm do brattán. Inde dixit cend Lomnai druith iarna bein de, Orcc brecc brondḟinn bruchtas fol. 84ra demagur fo muirib nilabar nitoe tuathe torc nadric roimsi rorannais raind nad chert Coirpri. Isde didiu boe anisein dossom. Find hua Baiscne, is dó robo druth Lomnae midlach. Luid didiu Find lathe nand for cuaird ṡelga. Darruaraid Lomna hiḟus. Búi ben la Find, de Luignib di, áror em cech roilbe ⁊ cech rofid nognathaiged Find conafeind nobith ben aurdaltae arachind as cach tír banessom do béos. Batir banbrugid son, ⁊ batir maithi doḟulang na fiann, ar nolethad ananae tar tire, ar ní lamthe nech olc friu. Docoemnacair didiu fecht nann Find hi Tethbae coafeinn, ⁊ luid for cuaird selga. Dorruaraid tra Lomnae hi fuss. Ambuiside occ imthecht immuig cofarnaic Coirpre .i. fennid do Luignib, illiugu lamnái Find hi táidiu. Rogaid didiu in ben do Lomnae a dichlid, ⁊ basáith laissom brath Finn. Tic Find iarom. Benaid Lomnai didiu ogum hi fleisc chetharchuir. Issed fol. 84rb búi intiside .i. Cuaillne fernae hi felaim argaitt ath hi fothrocht. Fer mna druithe druthlach laféinn foircthe. hi froech for hualaind linim luigi. Rofitir iarum Find a scel, ⁊ ba dognasach don mnái. Rofitir didiu in ben is o Lomnai rofess, ⁊ docuas húadi co Coirpre co taudchissed co romarbad indrúth. Dognith són dano iarum, ⁊ tallad a chenn de, ⁊ tambet Coirprs laiss. Tic iarom Find dond huarbuid déod lái, co farnaic in cholaind cen chenn. Colunn sunn cen chend, ar Find. Fintae dúnd, ol ind fiann, coich in cholunn. Dobert iarum Find a hordain inna béolu, dicain tre thenm-láido, condepeirt, Nícon rubai dóini nicon ar laig nicon topaig nais nicodergraig nícorubai thorcc nicotorgrod niconarbairt alige Lomnai. Colunn Lomnai inso, ol Finn, ⁊ rohucsat namait a cenn de. Ticsid dínaib conaib ⁊ dosleicit forsin slicht. Téid didiu Find forsin slicht na nóc, ⁊ rosfuair hi fastig oc fuiniu heisc forindein, ⁊ bae cenn Lomnai forbir hi cinn na tened. IN cet fol. 84rc lucht doralad dindin rantai Coirpre doa trib nonburaib, ⁊ ni tardad dantmír i mbeolu in chinn olṡodain. Bageis la fiannu. Is andsein iarum asbert fríu, Orcc brecc bronnḟind inbratan di magur .i. issed adomnae. IN lucht tanaissi dano doralad dindinnin rantai Coirpre iterum priori modo, coclos ni dano, a cenn, Rorannais raind fonnail nathrainn rann nathbaig iarmuig medbae mós ba toich mir metuail bit fuaitne finna lib Luigni. Cuirid immag a cend, sechas miocul dunn, ol Coirpri. Coclos ní, a cenn dimuig. Romechtatar cleth chuiri riuth ruirthech. Age catha cet ambá mescbaith. bacomme lib moage. be condimdai biid moag tein doalasfaid Luigni la Find didiu.
|
| 174.27-178.13 | fol. 83vc | concord. |
| La.119 |
Pátraicc a patricio, Patricius autem qui ad latus regis sedet.
|
| 178.15 | fol. 84rc | concord. |
| La.120 |
Pell .i. a pelle.
|
| 178.16 | fol. 84rc | concord. |
| La.121 |
[Pennait] .i. a pennitentia.
|
| 178.17 | fol. 84rc | concord. |
| La.122 |
Peccad .i. a pecato.
|
| 178.18 | fol. 84rc | concord. |
| La.123 |
Pattu .i. póitho .i. pói coss, is to didiu forruimi inphattu fol. 84va a chossa, ol ni lugu bís finn fo a dernaind oldas fuirri anúas.
|
| 178.19-21 | fol. 84rc | concord. |
| La.124 |
Propost .i. prepost .i. praepositus.
|
| 178.22 | fol. 84va | concord. |
| La.125 |
Port a portu.
|
| 178.23 | fol. 84va | concord. |
| La.126 |
Parche .i. a parruchia.
|
| 178.24 | fol. 84va | concord. |
| La.127 |
Parnn .i. nomen do bloch mara. Ní cech dí halt tra rosegar inne. Nip machdad la nech cini fiastar can doroich bloach dindi as parnn, et alia similia.
|
| 178.25-7 | fol. 84va | concord. |
| La.128 |
Puincne .i. screpul mede in biche. ishe insin screpul Goidel .i. ofing.
|
| 178.28 | fol. 84va | concord. |
| La.129 |
Pugin imbe .i. sellán cernnæ.
|
| 178.31 | fol. 84va | concord. |
| La.130 |
Paín .i. bairgen, a páne. Inde est isin Gairi Echdach maic Luchtai .i. mo thri finndni fomgeillsat .i. imm ailt nEochach ailchetail gaire delóilig find forscing scailtir codipil promthair pain la pugin puinceirnn la siail cernnach cermnais coimmilg cuicbo bithbí cotamuicc midligen gose geseen cenosmeseed connach inna bethu baa.
|
| 178.30-5 | fol. 84va | concord. |
| La.131 |
Puincern didiu cernn tomais sellae ⁊ med tomais indile .i. in med in bech. fol. 84vb
|
| 180.1 | fol. 84va | concord. |
| La.132 |
Pend .i. a penna.
|
| 180.3 | fol. 84vb | concord. |
| La.133 |
Perticc .i. a pertica .i. forrach tomais tíre.
|
| 180.4 | fol. 84vb | concord. |
| La.134 |
Pairt .i. a parte.
|
| 180.5 | fol. 84vb | concord. |
| La.135 |
Póc quasi pac .i. a pace, ar is ardhe sída in póc.
|
| 180.6 | fol. 84vb | concord. |
| La.136 |
Praind .i. a prandio.
|
| 180.7 | fol. 84vb | concord. |
| La.137 |
Prull aidbligud ⁊ métugud, ut dixit ingen húi Dulsaini in banlécert fri Senchan Torpest hi Manaind .i. immomloiscet mo dá ł prull. Frisgart iarum int écsine di muintir Senchain .i. in cherd mac húi Dulsaine, o Liacc do Taursaigi Tull. IS de tra búi do Senchan anísein. Tochairastar fair techt i mManaind .i. fecht aniusa do chor chuarta indi. cóeca eices a llín cenmotha éicsiniu. Is ma rodbuí didiu riam imnach naili néices samail inchumdaig búi um Ṡenchán cid cenmotha a thugain suad 7rl. Arrombui dech dam do thimthaigib ḟer nGóidel issed bertatar umpu indéicis chenae. INtan tra documlaisot forfairgi ⁊ dochorstar aurlunn fri tír, atagladastar gilldae écuisc amal dastai ina ndiaid den tír, Nomleicidse lib, ol sé. Doécet huile fol. 84vc in gilla. Niipu data leo iarum a lecud chucu arba fáe leo nibu én comadas inna n-eill. Ar bá dochruid a hécosc. Intan, cetamus, dobered nech a mer fora etan nothéged a thoesc digur brén for a dichulaid, a chongus chraiche dar a mullach co mmoithan a da imdaid. Ata lanech assid cid batar caib a hinchindi romebdatar trea chlocenn. Cuirrithir og luin a dí ṡuil, duibithir écc luaithidir fiamuin; buidithir ór rinn a fiacla, glassidir bun cuilinn a mbun, da lurgain lomchoila, da seirid birdai brecduba fou. Dia tallta de inceirt bui imbi níbu decmaing di techt forimirghi a hoenur, mani fuirmithe cloch fuirri, a rimbud a míl. Dorriucad commor fri Senchan ⁊ asbert fris, Bea torbachasu deitsiu, ol se, olldas ind ré foruallach forbaeth fil imut. In setir latsu, ol Senchan, tuidecht iarsind lúith issin churach? Promthit, ol se. Cingthi iarum iarsind luid isin curach, luaithidir lochaid iar forgamuin, co mbúi isin curach. Basuail tra corroibfol. 85rathide in curach cona lucht arindi rombrochsat indeicis riasom asin dala leith indlesteir issalleth naill, ⁊ asbertatar amal bid asind oéngin, Totropai peíst, a Senchan! Bíd si dano do muinter huile acht conerlám dochom tíri. Is disein rohainmniged dosom Senchán Torpéist .i. Senchan dororpai peist. Recat iarum i Manaind. Dofócbat acoblach hi tír. Ambatar didiu hi tír oc imthecht iarsin tráig conacatar insentaindi mongléith móir forsin carraicc, oc buáin na femna ⁊ in muirthoraid olchenai. Airegdai gratai a cossa ⁊ a láma, acht natbúi etach maith impi, ⁊ búi anféth gorta fuirri; ⁊ ba liach ón immorro, árbasísi in banlécerd ingen hui Dulsaine dé Muscrugu Líacc Tuill a crích húa Fígenti. Dochuaidside for cuaird hÉirenn ⁊ Alban ⁊ Manann, ⁊ ba marb a muinter huile. fol. 85rb Bui iarum a bráthair mac húi Dulsaine, cerd amrae sidhe, oca hiarmóracht fo cricha hÉirenn, ⁊ nísfuair 7rl. INtan didiu atchonnairc int ṡentainne inna héicsi immoscoemorcair ceptar hé. Asbert iarum araili díb, Maith in re immidcommairc. Senchán heices hÉireann huili 7rl. IN notbia de humeldoit? a Sencháin, ol si, anad rummathescsa? Rombía ém, ol Senchan. Nipsa eola imnid odbaig, ceso femmuin mbolgaig mbuṅg. Cate a leth-chomorgg? Sochtaid iarum Senchan ⁊ indéicis huili dano. Doling lasodain in gilla remeperthe ar beolu Sencháin anasbert, Tá, a chaillech! na hacaldai Senchán, ní comadas deitt. Atomglaitese amne, ol ni taicelladar na chaile dim muintirse. Cid didiu? ol in banleicerd, cate a lethrand? Ni anse, ol se, De muin carrci mara Manann, doronad mór saland sund. IS fír, ol si, ⁊ in lethrann hísiu dano .i. immomloiscet mo dá nao prull. Cate a lethrann, a Ṡenchain, beos? fol. 85rc Amin, ol in gilla, ocsaigid deit acallma Ṡenchain. nitacelladar ém. Cest didiu, cate latsom? ol íssem. Ol sessom: incerd mac húi Dulsaine. o Liac do Tairsaige Tull. Fír son, ol Senchan. In tussu ingen húi Dulsaine in banléicerd occa táthar chuinchid sethno hÉirenn? IS me ém, ol sí. Fothruicther ianum la Senchán, ⁊ doberar dechelt amra impe, ⁊ do deochaid la Senchán in hÉirinn. INtan tra donanic Senchan in hÉirinn conaccatar in gillai remeperthe, ba hóclach comoing órbuidi caissidir carra menncrott. Tlacht rígdha imme, delb is airegdam atcess for duine fair. Dothoet dessiul Senchain ⁊ a muintere, et nusquam apparuit ex illo tempme. Dubium itaque non est quod ille poematis erat spiritus.
|
| 180.8-184.17 | fol. 84vb | concord. |
| La.138 |
Rectaire .i. rettor a rege.
|
| 184.18 | fol. 85rc | concord. |
| La.139 |
Ross .i. tréde fordingair .i. ross fidbuidi ⁊ ross lín ⁊ ross huisci. sain didiu accuiss ashinmniged cachae .i. ross fidbuide, cetamus .i. roi oss, ross lin dano, rohás, ross huisci dano rofoss son fol. 85va oir níbi acht for marb-huisci.
|
| 184.19-22 | fol. 85rc | concord. |
| La.140 |
Remm ainm do fuirseóir fobith cech fuirseorachta ⁊ cách riastada dobeir fora aigid.
|
| 184.23-4 | fol. 85va | concord. |
| La.141 |
Rintaid ainm do fir aerchaid rinnas cach naigid.
|
| 184.25 | fol. 85va | concord. |
| La.142 |
Rout .i. roṡet .i. mó oldas sét, semitta son unius animalis. Atátt tra ilanmann forsna conairib .i. sét ⁊ rout ⁊ ramut ⁊ slige ⁊ lamrottea ⁊ tuagrotea ⁊ bothur. sét cetamus ut prediximus. róut .i. dá chubat carbat ⁊ da oenechda imbi. doronad fri hechraite mennato immedon. ramut .i. oldas róut .i. aurscur bis fordún ríg. cech comaithech asa tir dodróig dlegar dó a glanad. slide dano doscuat carpait sech innaile, dorrónad fri himcomrac da carpat .i. carpat rig ⁊ carpat epscoip arandig cechtar dib sech araile. laimroitea .i eter dá ṡligi .i. sligi tar tuaiscerd mendato alaile tar deiscerd fri lessu fricui doronad. tuagroitea focren fer trebar conair do ascnam raitea ł sleibe. issi iarum afochraicc anamin cach díne immidrét cachala bliadain. bothur, talla da boin fair, alaai for fot, alaili for tarsnu, aratalla a llaegu ⁊ a ngamnu an arrad, armad inna ndiaid beit íurthus in bó bias di heiss. Attat tri glantae do cachae. Teora aimsera inglanaiter .i. aimser fol. 85vb echrúathair ⁊ amser chue ⁊ amser choctha. Itte a tri nglantae, glanad afeda ⁊ a huisci ⁊ a coclaid. IT he aicsin aranglanaiter .i. arna heillnet a carptea ocdul for cúi, arna huallnet echraide oc techt do oenuch. A choclaid arna hesarlaither nech fair oc techt fothreesu.
|
| 184.26-186.16 | fol. 85va | concord. |
| La.143 |
Réo .i. gréic, reoi enim grece gelu interpretatur.
|
| 186.17 | fol. 85vb | concord. |
| La.144 |
Rincne .i. quasi quinque. Inde dicitur Ferches mac Mosechess dixit intan adrímed Finn hua Baiscni cech coiciur a huair de sluag Luig maic Néit dochuinchid indéindedo .i. Ferchess. Lassin didiu adacht Ferchiss tren fo achnamai sech Find, ⁊ dolleici in slig for Luigid conid romarb, ⁊ asbert occo, Rincne cairincne ris riig .i. ar ba hed asbered Finn beos o adrímed cach cóiciur ar huair. Rincne quasi quinque.
|
| 186.18-24 | fol. 85vb | concord. |
| La.145 |
Robuth quasi rebuth .i. rembuthad.
|
| 186.25 | fol. 85vb | concord. |
| La.146 |
Retghlu .i. rét glé .i. ar suilsi.
|
| 186.26 | fol. 85vb | concord. |
| La.147 |
Roth .i. a rota.
|
| 186.27 | fol. 85vb | concord. |
| La.148 |
Rucht .i. inar, ut Ferchertne dixit .i. dech ruchtu dirrgu.
|
| 186.28-9 | fol. 85vb | concord. |
| La.149 |
Rúdrath .i. rodurath.
|
| 186.30 | fol. 85vb | concord. |
| La.150 |
Ruam quasi róm a Róma.
|
| 186.31 | fol. 85vb | concord. |
| La.151 |
Ranc issed a seissed cenél na maili. Ranc didiu ité na hussin arda. Rach dano, ishe in róut na maili otha int edan co rrice a mullach. Romaili .i. eter in dá náo huile. Saal tria assa .i. assa firmfol. 85vcullaig mael tairside combi achaisi buidi ina mullach amal ṡail duine tria assa. Bude-réid dano .i. mael a chenn huili isidu combí glélom. IMspeilp dano .i. bíd folt for cectar in da lethchend ⁊ bíd in róut réid otha int édan co rrice claiss in dá chulad. It e insein se cinela na máili.
|
| 186.32-3 | fol. 85vb | concord. |
| La.152 |
Rígan .i. a regína, uel apud Scotos rí rígan huad.
|
| 188.9 | fol. 85vc | concord. |