| Ref | Text | § | Print ref | MS | |
|---|
| Y.1051 |
Puingin .i. selland irume .i. seiland cernæ.
|
| 1051 | col. 72 | concord. |
| Y.1052 |
Pain .i. bairgen i.e. a pane, unde dicitur isin Gaire Echdach maic Luchtai mo thri finnde fomgellsat im ailt Echach ailchetail gaire de loilig find forscing scailter co dipil promthair pain la pugin puincern la siail cen nach cermnas coimmilg coich bo bithbi cotammuic midligen goss geisen cen osmeised conach inna bethag baa.
|
| 1052 | col. 72 | concord. |
| Y.1053 |
Puincern didiu .i. cem tomaiss seila ⁊ med tomais indile .i. in med inbech.
|
| 1053 | col. 72 | concord. |
| Y.1054 |
Pend a penda.
|
| 1054 | col. 72 | concord. |
| Y.1055 |
Pertic a pertica .i. forrach tomais tire.
|
| 1055 | col. 72 | concord. |
| Y.1056 |
Pairt a parte.
|
| 1056 | col. 72 | concord. |
| Y.1057 |
Poc quasi pac, a páce, ar is airde sida pax.
|
| 1057 | col. 72 | concord. |
| Y.1058 |
Prainn a prandio.
|
| 1058 | col. 72 | concord. |
| Y.1059 |
Prull .i. aidbliugud mor ⁊ metugad, ut dixit ingen hui Dulsaine in bainlethcerd fri Senchan Torpeist i mManainn col. 73 .i. immomloiscet mo de n-o prull. friscart iarom int eigess di muinthir Senchain .i. in cerd mac hui Dulsaine o Liac do Tursaige Thull. is de tra roboi .i. do Senchan inni sin. docorustair fair techt a Manaind .i. fecht n-ainius do chor cuarto indi. caoga egess a llin cenmothæ ecsine. is ing ma rodmbaei didiu riam im nach oile eces samail in cumduigh robæi irn Senchan cenmotha a tughan suadh ⁊ rl. an romba dech do timtagaib flatha fer nGaoidel, is ed bertatur ind eis chena impu. intan tra documlaiset for fairgi ⁊ docorustar a lui no urland fri tir, adagladastar gillae ecuisc anindustae ina ndiaid den tir nomleicid-si lib, ol se. doecet uile in gillae. ni bu data leo iarom a lecud cucae, ar ba fæ leo nip n-en comadus ina n-eill, ar ba dochraid a ecuscc. intan cetamas dobered nech a mer for a etan, notheged a thaosc di gur bren for a dib culadaib, a chongrus crace do tar a mullach co maothan a da imdæd. ata la nech asitchid batar caib a inchinde romebdatar tria coicend. cuirritir ogh luin a di suil. luaithitir fiamain, duibidir éc, buidithir ór rind a fiaclae, glaisitir bun cuiluld a mbun. da lurgain lomchaola. da ṡeirith birdae brecanba foe. dia talta de in cheirt bui uime, ni bu decmaing techt di for imirgi a haonar, mana fuirmithe cloch fuirre, ar imat a mil. doriucart o guth mor fri Senchan col. 74 ⁊ ISbert fris bem torbach-sa duit-si oldas ind ne no ind re no in de forfuallach forbaoth fil immut. in setir lat, ol Senchan, tuidecht iarsin lui isin curach. promfit, ol se. cingthe iarom iarsin luidh isin curach, luaithidir lochaid iar forgarmain, co mbai isin curach. ba suaill tra co rroibdithe in curach cona lucht arindi rombrogsat roime-sium insindara leth in lestair ⁊ in leth n-aill do-sum, ⁊ atbertatare amail bid a haongiun dotrorbai peist, a Senchain, bid si do muinnter uile acht connernam no connerlam docum tire. IS de sin tra robai do-sum Senchan Torpeist .i. Senchan dororba pest no paist. recait iarom i Manaind. fonacbat a coblach i tir. a mbadar didiu oc imtecht iarsin traigh, go facatar in tsentuinne moingleith moir iarsin carraic, ut poeta dixit sentuinde ocus senbachlach, rop ses rophuis .i. scuap adnacail a crinfeis, acht nochanfognat Mac De is ni thabrat a primleis .i. a primite. Amlaid bui in caillech for in traigh, ag buain na femnuige ⁊ in marthoraid olchena. airegdai grata a cossa ⁊ a llamha, acht natmbui etach maith n-impe, ⁊ bái anfeith gorta fuirre ⁊ ba liach son immorro, ar ba sisi in bainleccerd ingin Ui Dulsaine di Muscraige Liach Tuill a cricu Ua Fidgenti. dochuaid idhe didiu for cuairt Eirenn ⁊ Alban ⁊ Mannand ⁊ ba marb a muinter uile. bai iarom a bratair mac ui Dulsaine, cerd amra sidhe, dano ac a hiarmoracht fo crich Eirean ⁊ nis-fuair, ⁊ reliqua. atan didiu atconnairc in tsentsinde col. 75 inna heicsiu imuscomarcatair cibtar he. math i re immidcomairc Senchan eges Erend uile ind so. inatbie do humalldoid, a Senchain, ol si, anad frim aithessc-sa. rombia em, ol Senchan. nibsa eolaig imnig odbaigh ciasa femmain bolgaigh bung, cati a lethchomarc. sochtaid Senchan iarom ⁊ ind ecis uile dano. doling iarom in gilldæ remeperta ar beulu Senchain ⁊ asbert sta, a caillech. na acaille Senchan. ni comadas dit. atomglaidesa amne, ol nitacelladbar nach aile don muintir-si. Cid didiu, ol in bainnlethcerd, caiti a lethrand. ni ansa, or se de muin cairge mare Manann doronad mor saland sund. is fir, or si, ⁊ in lethrand hisiu dano .i. imommloiscet mo da n-o prull, caiti a lethrann, a Senchain, beos. amein, ol in gillæ, oc saigid dit acallma Senchain, nit-acelladar em. ceist didiu, cati lat-sa, ol si. ni ansa, ol se in cerd mac ui Dulsaine o Liic do Tursaige Thull. fir son, or Senchan, in tusa ingen Ui Dulsaine, in bainlicerd oc atatbar cuingidh sechnon Erenn. is me em, or si. fothraicer iarom la Senchan di. dobret dechelt n-amra uimpi ⁊ tainic la Senchán docum nEirenn. intan tra tangatar docum Erend conacatar in gillæ remepertae, ar ba hoclach ruithentae righae rornor roiscletan mormileta eseom, co muing órbuidhe órṡnaith fathmaindigh, caisidir carra menucrot, tlacht rochaom rigdae uimbe, milech orduide a n-imdunad in tlachta sin. sciath corcra col. 76 cobradach cetharochair, lan do gemaib carrmogail ⁊ liag logmar ⁊ nemthand ⁊ cristal ⁊ sathfire for a clíu. cloidhemh coilgdirech co tairchetlaib oir deirg for a deiscib, cathbarr airgidhe co coroín orduighe im a cend. dealb is airechdam ⁊ is aidbli luchracht bui for daine riamh fair. teid iarsin deisil Senchain cona muinyir, et nusquam aparuit ex illo tempore. dubium itaque non est quod ille Poematis erat spiritus.
|
| 1059 | col. 72 | concord. |
| YAdd.1060 |
Putte a putteo .i. cuthe, ut dicitur pit a puteo .i. brenaim. inde dicitur putar .i. brenta. inde dicitur putidus .i. sindach.
|
YAdd | 1060 | col. 76 | concord. |
| YAdd.1061 |
Puttrall .i. fait-trall .i. faitbed do traillib hi no petar-sill .i. ar a silliud for Petar apstal.
|
YAdd | 1061 | col. 76 | concord. |
| YAdd.1062 |
Pait quasi fu-áit .i. ait fuail ⁊ dichned deridh fuil and.
|
YAdd | 1062 | col. 76 | concord. |
| YAdd.1063 |
Púr quasi purnst ar a deirride in tighe hisin.
|
YAdd | 1063 | col. 76 | concord. |
| YAdd.1064 |
Purgatoir quasi pugat peccatum.
|
YAdd | 1064 | col. 76 | concord. |
| YAdd.1065 |
Pundand quasi bun-ind .i. bun aicci ⁊ inn í fein. no ben-de-ind .i. a barr benar de.
|
YAdd | 1065 | col. 76 | concord. |
| YAdd.1066 |
Pellec .i. bél-ecc .i. ec ina bél. no pellet .i. pell-set .i. seta pellis impi .i. a croicend.
|
YAdd | 1066 | col. 76 | concord. |
| YAdd.1067 |
Peist quasi pestis .i. teidm.
|
YAdd | 1067 | col. 76 | concord. |
| YAdd.1068 |
Pistoll .i. bís toll .i. toll bis and. no toll imbi sé.
|
YAdd | 1068 | col. 76 | concord. |
| YAdd.1069 |
Putraic .i. poit-ricc .i. potus regis bis inte.
|
YAdd | 1069 | col. 76 | concord. |
| YAdd.1070 |
Partchuine .i. partem canis habens. no a part gontar hí. no a parta communi.
|
YAdd | 1070 | col. 76 | concord. |
| YAdd.1071 |
Pulla quasi bulla, a uerbo bullio .i. bolgaigim.
|
YAdd | 1071 | col. 76 | concord. |
| YAdd.1072 |
Ponc a poncto latine.
|
YAdd | 1072 | col. 76 | concord. |
| YAdd.1073 |
Plae .i. ainm inaid reid, a platea .i. on faithche.
|
YAdd | 1073 | col. 76 | concord. |
| YAdd.1074 |
Plutad .i. brisiud, a plutone .i. Pluton gaba ifunin.
|
YAdd | 1074 | col. 76 | concord. |
| YAdd.1075 |
Poll quasi toll, ⁊ cendfochrass tossaigh uil ann.
|
YAdd | 1075 | col. 76 | concord. |
| YAdd.1076 |
Penning quasi pan-ung .i. pars in uncio. no bend-ing .i. a n-ingnais a bend bíss .i. cruind.
|
YAdd | 1076 | col. 76 | concord. |
| YAdd.1077 |
Pol quasi Paulo. col. 77
|
YAdd | 1077 | col. 76 | concord. |
| Y.1078 |
Rechtaire .i. rector a rege.
|
| 1078 | col. 77 | concord. |
| Y.1079 |
Ross .i. trede fordingair .i. ros fidbuide, ros lin ⁊ ros uisce. sain didiu accuis as rohainmniged cach ae. ross fidbaide cetamna .i. reoi-oss. ros lin dano .i. ro-ass. ros uisoe dano .i. rofos on, ar ni bi acht for marbuisce.
|
| 1079 | col. 77 | concord. |
| Y.1080 |
Remm nomen do fuirseoir fobith cach riastardæ dobeir for a agaid.
|
| 1080 | col. 77 | concord. |
| Y.1081 |
Rinntaid .i. nomen do fir aorchaid rindass cach n-aghaid.
|
| 1081 | col. 77 | concord. |
| Y.1082 |
Rout .i. roro-ṡet .i. mo oldas set, semita son unius animalis. atat tra ilanmand for na conaraib .i. set ⁊ rout ⁊ ramat ⁊ slighe ⁊ lamrotæ ⁊ tuagrotæ ⁊ bothur. Set cétamus ut predictus. Rout .i. da cubat carpat ⁊ da onechdae imme. doronath fri hechroeta no fri hecraite mennota ar medon. Ramut .i. mo oldas rout .i. aurscor bis ann ar dun rig. cach comaithech asa tir dotroich, dlegar de a glanad. Slige dano, doscuet carpait sech alaile. dorronad fri himcomrac da charpat .i. carpat rig ⁊ carpit espuic ar a ndig cechtar dib sech araile. Lamrotæ .i. eter da slighe .i. slighe dar tuaiscert mennotæ, alaile tar a descert. fri lesa fri cui doronad. Tuagrottæ, fochren fer trebar conair do ascnam raotæ no sleibe. is si iarom a fochreicc, anam cach dine no cach mil immidret cach alablia col. 78 Bothar, talla da boin fair .i. alanai for fot, alaile fortarrsnǽ, ara talla a lloigu ⁊ a ngamna ina farrad, ar mad ina ndiaig beit iurthass in bo bias dia eis. Atat tri glanta do cech æ, teora haimsera a nglanaiter, teora tucaite ara nglanaiter aimsir echruathair, aimsir chua, aimsir chocthæ. it eat a tri glanta .i. glanad a feda ⁊ a huisce ⁊ a coclaid. it he achuis ar a nglanaiter .i. arna heilnet a cairpthiu oc dal for cai ⁊ arna huilled echradæ oc techt do oenach. a coclaid arna esarlaither nech fair oc techt fo tressæ.
|
| 1082 | col. 77 | concord. |
| Y.1083 |
Reo .i. grec .i. reo enim greco gelu interpretatur.
|
| 1083 | col. 78 | concord. |
| Y.1084 |
Rincne quasi quinqui. unde dicitur Ferchess mac Mosecis dixit intan boi Find ua Baiscui oc airim cach coicir ar n-uair do sluag Luigdech maic Macniadh do chuinchidh ind fennedo .i. Ferchis. adacht Ferchess tren foa chnamæ sech find ⁊ dollieicci in slig for Lugaid conidromarb ⁊ asbert occa rincne quasi carincue rus rig .i. ar ba heth atbeired Find beus o’trimed cach coicer a uair. rincni quasi quinque.
|
| 1084 | col. 78 | concord. |
| Y.1085 |
Robuth quasi rem-fuath. no robudh dino .i. rembuptadh bios.
|
| 1085 | col. 78 | concord. |
| Y.1086 |
Retglu .i. ret-gle ar a soillsi.
|
| 1086 | col. 78 | concord. |
| Y.1087 |
Roth a rotá .i. on cuairt.
|
| 1087 | col. 78 | concord. |
| Y.1088 |
Ruct .i. inar , unde dixit Ferqertni deich ructa dergæ.
|
| 1088 | col. 78 | concord. |
| Y.1089 |
Rudrud .i. ro-duradh.
|
| 1089 | col. 78 | concord. |
| Y.1090 |
Ruam quasi rom a Romæ.
|
| 1090 | col. 78 | concord. |
| Y.1091 |
Ranc iss ed is seisind cenél na mæili. Ranc didiu, it e na huisin arda. Rach dna is e rout na maile otha ind etan na maile corricci in mullach. Romaile .i. eter in da n-o uili. Sal tria hassæ .i. as a firmullag moeltar side, co mmbi a caisi buidi a mullach amail sail duine tria assa. Bugereth dano, mael a cend uile i ssuidiu co mmbi glelomm. IMspelip dano .i. bid folt cechtar na da lethcend ⁊ bia imrot reid otha ind etan corrici in clais in da chuladh. it he tra in sin se ciniela na maili.
|
| 1091 | col. 78 | concord. |
| Y.1092 |
Rigan a regina, ł apud Scottass rig, rigan uaidi. col. 79
|
| 1092 | col. 78 | concord. |
| Y.1093 |
Rath a rata latine.
|
| 1093 | col. 79 | concord. |
| Y.1094 |
Ruain .i. lus dobeir cucht co mmbi derg. unde dicitur Diarmait Ruanaidh.
|
| 1094 | col. 79 | concord. |
| Y.1095 |
Roscad .i. ro-indsciged .i. dodeochaidh inn-ord n-indsci. scath .i. indsce.
|
| 1095 | col. 79 | concord. |
| Y.1096 |
Relic .i. a reliquis sanctorum. relic dano .i. rell a hec, ł hic, ł hocc.
|
| 1096 | col. 79 | concord. |
| Y.1097 |
Rop ⁊ Rap. Rop didiu nach n-anmann gonas, ut sant uacae. Rap immorro nach n-anmann dosrenga chugæ, ut sunt sues, sed tamen uicisimi comuniter dicuntur. Rap didiu ab eo quod est rapio. Rop ab eo quod est robustus.
|
| 1097 | col. 79 | concord. |
| Y.1098 |
Ribar .i. criathar.
|
| 1098 | col. 79 | concord. |
| Y.1099 |
Ris .i. scel. risi .i. scela. inde dicitur Corpri mac Etna cen dil daime risi, rob sen Brisi.
|
| 1099 | col. 79 | concord. |
| Y.1100 |
Ruad rofessæ .i. nomen don Dagdæ.
|
| 1100 | col. 79 | concord. |