Early Irish Glossaries Database

Sanas Cormaic, version Y

Manuscript images are available from the Irish Script on Screen (ISOS) website. Clicking on the manuscript image gives access to higher quality images for those already registered with ISOS.

Page of 26.
Previous page | Next page
entries per page.
RefTextMS ref§Print ref 
Y.1051 Puingin .i. selland irume .i. seiland cernæ. col. 721051concord.
Y.1052 Pain .i. bairgen i.e. a pane, unde dicitur isin Gaire Echdach maic Luchtai mo thri finnde fomgellsat im ailt Echach ailchetail gaire de loilig find forscing scailter co dipil promthair pain la pugin puincern la siail cen nach cermnas coimmilg coich bo bithbi cotammuic midligen goss geisen cen osmeised conach inna bethag baa. col. 721052concord.
Y.1053 Puincern didiu .i. cem tomaiss seilamed tomais indile .i. in med inbech. col. 721053concord.
Y.1054 Pend a penda. col. 721054concord.
Y.1055 Pertic a pertica .i. forrach tomais tire. col. 721055concord.
Y.1056 Pairt a parte. col. 721056concord.
Y.1057 Poc quasi pac, a páce, ar is airde sida pax. col. 721057concord.
Y.1058 Prainn a prandio. col. 721058concord.
Y.1059 Prull .i. aidbliugud mormetugad, ut dixit ingen hui Dulsaine in bainlethcerd fri Senchan Torpeist i mManainn
col. 73
.i. immomloiscet mo de n-o prull. friscart iarom int eigess di muinthir Senchain .i. in cerd mac hui Dulsaine o Liac do Tursaige Thull. is de tra roboi .i. do Senchan inni sin. docorustair fair techt a Manaind .i. fecht n-ainius do chor cuarto indi. caoga egess a llin cenmothæ ecsine. is ing ma rodmbaei didiu riam im nach oile eces samail in cumduigh robæi irn Senchan cenmotha a tughan suadhrl. an romba dech do timtagaib flatha fer nGaoidel, is ed bertatur ind eis chena impu. intan tra documlaiset for fairgidocorustar a lui no urland fri tir, adagladastar gillae ecuisc anindustae ina ndiaid den tir nomleicid-si lib, ol se. doecet uile in gillae. ni bu data leo iarom a lecud cucae, ar ba leo nip n-en comadus ina n-eill, ar ba dochraid a ecuscc. intan cetamas dobered nech a mer for a etan, notheged a thaosc di gur bren for a dib culadaib, a chongrus crace do tar a mullach co maothan a da imdæd. ata la nech asitchid batar caib a inchinde romebdatar tria coicend. cuirritir ogh luin a di suil. luaithitir fiamain, duibidir éc, buidithir ór rind a fiaclae, glaisitir bun cuiluld a mbun. da lurgain lomchaola. da ṡeirith birdae brecanba foe. dia talta de in cheirt bui uime, ni bu decmaing techt di for imirgi a haonar, mana fuirmithe cloch fuirre, ar imat a mil. doriucart o guth mor fri Senchan
col. 74
ISbert fris bem torbach-sa duit-si oldas ind ne no ind re no in de forfuallach forbaoth fil immut. in setir lat, ol Senchan, tuidecht iarsin lui isin curach. promfit, ol se. cingthe iarom iarsin luidh isin curach, luaithidir lochaid iar forgarmain, co mbai isin curach. ba suaill tra co rroibdithe in curach cona lucht arindi rombrogsat roime-sium insindara leth in lestairin leth n-aill do-sum, ⁊ atbertatare amail bid a haongiun dotrorbai peist, a Senchain, bid si do muinnter uile acht connernam no connerlam docum tire. IS de sin tra robai do-sum Senchan Torpeist .i. Senchan dororba pest no paist. recait iarom i Manaind. fonacbat a coblach i tir. a mbadar didiu oc imtecht iarsin traigh, go facatar in tsentuinne moingleith moir iarsin carraic, ut poeta dixit sentuinde ocus senbachlach, rop ses rophuis .i. scuap adnacail a crinfeis, acht nochanfognat Mac De is ni thabrat a primleis .i. a primite. Amlaid bui in caillech for in traigh, ag buain na femnuigein marthoraid olchena. airegdai grata a cossa ⁊ a llamha, acht natmbui etach maith n-impe, ⁊ bái anfeith gorta fuirreba liach son immorro, ar ba sisi in bainleccerd ingin Ui Dulsaine di Muscraige Liach Tuill a cricu Ua Fidgenti. dochuaid idhe didiu for cuairt EirennAlbanMannandba marb a muinter uile. bai iarom a bratair mac ui Dulsaine, cerd amra sidhe, dano ac a hiarmoracht fo crich Eireannis-fuair, ⁊ reliqua. atan didiu atconnairc in tsentsinde
col. 75
inna heicsiu imuscomarcatair cibtar he. math i re immidcomairc Senchan eges Erend uile ind so. inatbie do humalldoid, a Senchain, ol si, anad frim aithessc-sa. rombia em, ol Senchan. nibsa eolaig imnig odbaigh ciasa femmain bolgaigh bung, cati a lethchomarc. sochtaid Senchan iaromind ecis uile dano. doling iarom in gilldæ remeperta ar beulu Senchainasbert sta, a caillech. na acaille Senchan. ni comadas dit. atomglaidesa amne, ol nitacelladbar nach aile don muintir-si. Cid didiu, ol in bainnlethcerd, caiti a lethrand. ni ansa, or se de muin cairge mare Manann doronad mor saland sund. is fir, or si, ⁊ in lethrand hisiu dano .i. imommloiscet mo da n-o prull, caiti a lethrann, a Senchain, beos. amein, ol in gillæ, oc saigid dit acallma Senchain, nit-acelladar em. ceist didiu, cati lat-sa, ol si. ni ansa, ol se in cerd mac ui Dulsaine o Liic do Tursaige Thull. fir son, or Senchan, in tusa ingen Ui Dulsaine, in bainlicerd oc atatbar cuingidh sechnon Erenn. is me em, or si. fothraicer iarom la Senchan di. dobret dechelt n-amra uimpitainic la Senchán docum nEirenn. intan tra tangatar docum Erend conacatar in gillæ remepertae, ar ba hoclach ruithentae righae rornor roiscletan mormileta eseom, co muing órbuidhe órṡnaith fathmaindigh, caisidir carra menucrot, tlacht rochaom rigdae uimbe, milech orduide a n-imdunad in tlachta sin. sciath corcra
col. 76
cobradach cetharochair, lan do gemaib carrmogailliag logmarnemthandcristalsathfire for a clíu. cloidhemh coilgdirech co tairchetlaib oir deirg for a deiscib, cathbarr airgidhe co coroín orduighe im a cend. dealb is airechdamis aidbli luchracht bui for daine riamh fair. teid iarsin deisil Senchain cona muinyir, et nusquam aparuit ex illo tempore. dubium itaque non est quod ille Poematis erat spiritus.
col. 721059concord.
YAdd.1060 Putte a putteo .i. cuthe, ut dicitur pit a puteo .i. brenaim. inde dicitur putar .i. brenta. inde dicitur putidus .i. sindach. col. 76YAdd1060concord.
YAdd.1061 Puttrall .i. fait-trall .i. faitbed do traillib hi no petar-sill .i. ar a silliud for Petar apstal. col. 76YAdd1061concord.
YAdd.1062 Pait quasi fu-áit .i. ait fuaildichned deridh fuil and. col. 76YAdd1062concord.
YAdd.1063 Púr quasi purnst ar a deirride in tighe hisin. col. 76YAdd1063concord.
YAdd.1064 Purgatoir quasi pugat peccatum. col. 76YAdd1064concord.
YAdd.1065 Pundand quasi bun-ind .i. bun aicciinn í fein. no ben-de-ind .i. a barr benar de. col. 76YAdd1065concord.
YAdd.1066 Pellec .i. bél-ecc .i. ec ina bél. no pellet .i. pell-set .i. seta pellis impi .i. a croicend. col. 76YAdd1066concord.
YAdd.1067 Peist quasi pestis .i. teidm. col. 76YAdd1067concord.
YAdd.1068 Pistoll .i. bís toll .i. toll bis and. no toll imbi . col. 76YAdd1068concord.
YAdd.1069 Putraic .i. poit-ricc .i. potus regis bis inte. col. 76YAdd1069concord.
YAdd.1070 Partchuine .i. partem canis habens. no a part gontar . no a parta communi. col. 76YAdd1070concord.
YAdd.1071 Pulla quasi bulla, a uerbo bullio .i. bolgaigim. col. 76YAdd1071concord.
YAdd.1072 Ponc a poncto latine. col. 76YAdd1072concord.
YAdd.1073 Plae .i. ainm inaid reid, a platea .i. on faithche. col. 76YAdd1073concord.
YAdd.1074 Plutad .i. brisiud, a plutone .i. Pluton gaba ifunin. col. 76YAdd1074concord.
YAdd.1075 Poll quasi toll, ⁊ cendfochrass tossaigh uil ann. col. 76YAdd1075concord.
YAdd.1076 Penning quasi pan-ung .i. pars in uncio. no bend-ing .i. a n-ingnais a bend bíss .i. cruind. col. 76YAdd1076concord.
YAdd.1077 Pol quasi Paulo.
col. 77
col. 76YAdd1077concord.
Y.1078 Rechtaire .i. rector a rege. col. 771078concord.
Y.1079 Ross .i. trede fordingair .i. ros fidbuide, ros linros uisce. sain didiu accuis as rohainmniged cach ae. ross fidbaide cetamna .i. reoi-oss. ros lin dano .i. ro-ass. ros uisoe dano .i. rofos on, ar ni bi acht for marbuisce. col. 771079concord.
Y.1080 Remm nomen do fuirseoir fobith cach riastardæ dobeir for a agaid. col. 771080concord.
Y.1081 Rinntaid .i. nomen do fir aorchaid rindass cach n-aghaid. col. 771081concord.
Y.1082 Rout .i. roro-ṡet .i. mo oldas set, semita son unius animalis. atat tra ilanmand for na conaraib .i. setroutramatslighelamrotætuagrotæbothur. Set cétamus ut predictus. Rout .i. da cubat carpatda onechdae imme. doronath fri hechroeta no fri hecraite mennota ar medon. Ramut .i. mo oldas rout .i. aurscor bis ann ar dun rig. cach comaithech asa tir dotroich, dlegar de a glanad. Slige dano, doscuet carpait sech alaile. dorronad fri himcomrac da charpat .i. carpat rigcarpit espuic ar a ndig cechtar dib sech araile. Lamrotæ .i. eter da slighe .i. slighe dar tuaiscert mennotæ, alaile tar a descert. fri lesa fri cui doronad. Tuagrottæ, fochren fer trebar conair do ascnam raotæ no sleibe. is si iarom a fochreicc, anam cach dine no cach mil immidret cach alablia
col. 78
Bothar, talla da boin fair .i. alanai for fot, alaile fortarrsnǽ, ara talla a lloigu ⁊ a ngamna ina farrad, ar mad ina ndiaig beit iurthass in bo bias dia eis. Atat tri glanta do cech æ, teora haimsera a nglanaiter, teora tucaite ara nglanaiter aimsir echruathair, aimsir chua, aimsir chocthæ. it eat a tri glanta .i. glanad a feda ⁊ a huisce ⁊ a coclaid. it he achuis ar a nglanaiter .i. arna heilnet a cairpthiu oc dal for caiarna huilled echradæ oc techt do oenach. a coclaid arna esarlaither nech fair oc techt fo tressæ.
col. 771082concord.
Y.1083 Reo .i. grec .i. reo enim greco gelu interpretatur. col. 781083concord.
Y.1084 Rincne quasi quinqui. unde dicitur Ferchess mac Mosecis dixit intan boi Find ua Baiscui oc airim cach coicir ar n-uair do sluag Luigdech maic Macniadh do chuinchidh ind fennedo .i. Ferchis. adacht Ferchess tren foa chnamæ sech finddollieicci in slig for Lugaid conidromarbasbert occa rincne quasi carincue rus rig .i. ar ba heth atbeired Find beus o’trimed cach coicer a uair. rincni quasi quinque. col. 781084concord.
Y.1085 Robuth quasi rem-fuath. no robudh dino .i. rembuptadh bios. col. 781085concord.
Y.1086 Retglu .i. ret-gle ar a soillsi. col. 781086concord.
Y.1087 Roth a rotá .i. on cuairt. col. 781087concord.
Y.1088 Ruct .i. inar , unde dixit Ferqertni deich ructa dergæ. col. 781088concord.
Y.1089 Rudrud .i. ro-duradh. col. 781089concord.
Y.1090 Ruam quasi rom a Romæ. col. 781090concord.
Y.1091 Ranc iss ed is seisind cenél na mæili. Ranc didiu, it e na huisin arda. Rach dna is e rout na maile otha ind etan na maile corricci in mullach. Romaile .i. eter in da n-o uili. Sal tria hassæ .i. as a firmullag moeltar side, co mmbi a caisi buidi a mullach amail sail duine tria assa. Bugereth dano, mael a cend uile i ssuidiu co mmbi glelomm. IMspelip dano .i. bid folt cechtar na da lethcendbia imrot reid otha ind etan corrici in clais in da chuladh. it he tra in sin se ciniela na maili. col. 781091concord.
Y.1092 Rigan a regina, ł apud Scottass rig, rigan uaidi.
col. 79
col. 781092concord.
Y.1093 Rath a rata latine. col. 791093concord.
Y.1094 Ruain .i. lus dobeir cucht co mmbi derg. unde dicitur Diarmait Ruanaidh. col. 791094concord.
Y.1095 Roscad .i. ro-indsciged .i. dodeochaidh inn-ord n-indsci. scath .i. indsce. col. 791095concord.
Y.1096 Relic .i. a reliquis sanctorum. relic dano .i. rell a hec, ł hic, ł hocc. col. 791096concord.
Y.1097 RopRap. Rop didiu nach n-anmann gonas, ut sant uacae. Rap immorro nach n-anmann dosrenga chugæ, ut sunt sues, sed tamen uicisimi comuniter dicuntur. Rap didiu ab eo quod est rapio. Rop ab eo quod est robustus. col. 791097concord.
Y.1098 Ribar .i. criathar. col. 791098concord.
Y.1099 Ris .i. scel. risi .i. scela. inde dicitur Corpri mac Etna cen dil daime risi, rob sen Brisi. col. 791099concord.
Y.1100 Ruad rofessæ .i. nomen don Dagdæ. col. 791100concord.
Page of 26.
Previous page | Next page
entries per page.