| Ref | Text | § | Print ref | MS | |
|---|
| B.403 |
Gall .i. corthi cloiche .i. nis comathig combatar selba cobrandaib gall. Gall din cetherda fordingair .i. gall corthi cloiche (cetamus) ut prediximus. adberar gall de ar it Gaill rosuidestar an Erinn artús. Gaill din ainm do ṡaerchlannaib Frangc .i. tress Galliae ⁊ (is) candore corporis rohainmniged. gall enim grece lac latine dicitur unde Galli .i. indasta sic dana gall is nomen do elu. inde Fear Muman dixit cocholl chos ngall gemin bráin. gall din ainm do chailech .i. gallus .i. dinni is galea capitis nominatur (disuidiu).
|
| 23.19-28 | p. 267b | concord. |
| B.404 |
Grasticum .i. graziacum .i. atlugud buide Patraic. quod Scoti corrupte dicunt. sic autem [ED.dici] debet .i. grasagum do duiu .i. gratias deo agimus.
|
| 23.29-31 | p. 267b | concord. |
| B.405 |
Géd .i. nomen de sono factum gág gag.
|
| 23.32 | p. 267b | concord. |
| B.406 |
Gamuin .i. immí gam .i. iar samuin. inde dicitur gámnach [ED.gam-ṡinech] .i. iarsinní is blichtur immi gaim .i. in gamrid.
|
| 23.33-4 | p. 267b | concord. |
| B.407 |
Grond .i. gǽ ł gorn .i. gái-orn .i. gái oircne .i. aithinde. ut Gruibne dixit oc fáilte fri Corc ł fri Cormac .i. immicuiretar gruind (ł guirn) gair ⁊ araile{?}.
|
| 23.35-7 | p. 267b | concord. |
| B.408 |
Gluss .i. sollsi. ut [ED.est] i mBrethaib nemid .i. dofét óc iarnglus .i. is airegda intóg cona dágrusc oldas in sean condibell a ruisc.
|
| 23.38-40 | p. 267b | concord. |
| B.409 |
Greth nomen do gillai Aitherne. cui Amargeiu mac Eculsaig gaband ho Buais dixit Inith greth gruth grínmuine gránmuine glascrema cue uinn ubla grethi gruth.
|
| 23.41-3 | p. 267b | concord. |
| B.410 |
Gart .i. déde fordingair. gart .i. ceand isin Dúil fheda máir. gart din .i. féile is cend for cach ṅdail amra dogni duine.
|
| 23.44 | p. 267b | concord. |
| B.411 |
Gruiten .i. groitsean seach is sean is grot .i. is goirt. or grot cach ṅguirt. unde dicitur groitmess .i. goirtmess.
|
| 24.1-2 | p. 267b | concord. |
| B.412 |
Gnó .i. cuidmide. unde dicitur ní recht nach gnó .i. ni dírech nach cuidmide .i. ní dir do recht minabmaith. ni [ED.dir do] gno din .i. ni maith do chuidmidu ł do gáire and. Gnoe imorro cach ségda. ut dicitur isin tSenchus mar p. 268a cno gnoe .i. ségdai.
|
| 24.3-7 | p. 267b | concord. |
| B.413 |
Groma .i. aer. unde dicitur gromfa .i. aerfa et unde dicitur gruaim cach sluaig mín aidetchide do deilb as auraissi do æir ⁊ décnach. gruaimm duine cassilerno {?} asberar de.
|
| 24.8-10 | p. 268a | concord. |
| B.414 |
Glám quasi clám. ab eo quod est clamor facit.
|
| 24.11 | p. 268a | concord. |
| B.415 |
Glademain .i. mec thire. (gluidite .i.) focerda ualla móra.
|
| 24.12 | p. 268a | concord. |
| B.416 |
Guidemain .i. uatha ⁊ mo rrigna.
|
| 24.13 | p. 268a | concord. |
| B.417 |
Gaire .i. gairsecla .i. gar rae .i. ræ gar. ut dicitur isin æir dosgní Nédi mac Ádnai maic Úithir do ri Connacht .i. do brathair a athar fessin. do Chær mac Úithir. issí indso in ǽir Maile baire gaire Caieur, combeodutar celtra catha Caier, Caier dibá Caier dira Caier foró, fomara fochara Caier. maile din .i. olc honní is malum. baire .i. bás. gaire .i. gairsechlai. Caieur (.i. do Caer). celtra catha .i. gae. unde dicitur diceltair .i. crand gae cen iarn fair ł cen arm. foró .i. imord feda .i. fo úir. fomara .i. fo múraib úire imarda. fó chora .i. fo chlocha do Chǽr. ⁊ araile{?}.
|
| 24.14-26 | p. 268a | concord. |
| B.418 |
IHC. in hoc nomine est nomen nostri saluatoris.
|
| 24.27-8 | p. 268a | concord. |
| B.419 |
Hibar .i. eobarr .i. barr .i. iarsinni ná (ta)scar fobarr dogrés.
|
| 24.29 | p. 268a | concord. |
| B.420 |
Hitharna .i. hith ⁊ feorna .i. semenn aritglaine ⁊ hith na cethra nolegdais (ł noteged isna cainnlea) isna simnib apud ueteres.
|
| 24.30-2 | p. 268a | concord. |
| B.421 |
Iasc inésc .i. esc uisce. an uisce tra coṅdic a bethámnus. ł iasc quasi esc id est ab esca. es din bíad unde esser. ca .i. onní is caput .i. ceand ⁊ cléthi cacha bíd int iasc ár dothomail Issu he.
|
| 24.33-6 | p. 268a | concord. |
| B.422 |
Hindmaiss .i. inamus.
|
| 24.37 | p. 268a | concord. |
| B.423 |
Híseal .i. is allt ar ní habar int íseal anallt [ED.man]ebe ard oca. (allt imorro) ab altitudine.
|
| 24.38-9 | p. 268a | concord. |
| B.424 |
Hiarn .i. iarn in nortmannica lingua.
|
| 24.40 | p. 268a | concord. |
| B.425 |
Himesorcain .i. imesorcain do chechtar don da leith bís.
|
| 24.41 | p. 268a | concord. |
| B.426 |
Himrimm .i. imréim .i. reimm in eich ⁊ réimm in duine. sic et dírím .i. diréim reim ndeda.
|
| 24.42-3 | p. 268a | concord. |
| B.427 |
Himbliu quasi uimbliu ab umbilico.
|
| 24.44 | p. 268a | concord. |
| B.428 |
Himbliuch. quasi imloch .i. loch uime imacuairt.
|
| 25.1 | p. 268a | concord. |
| B.429 |
Hinis .i. ab insula. inis tra anus hinsae .i. anusa. ni hussa .i. ni huiss.
|
| 25.2-3 | p. 268a | concord. |
| B.430 |
Hinsainhain .i. anesamain .i. ni hessamain.
|
| 25.4 | p. 268a | concord. |
| B.431 |
(I)b quasi bib .i. bibe.
|
| 25.5 | p. 268a | concord. |
| B.432 |
Hinrosc .i. indárosc .i. arosc do ind (ł da ind) bréthre.
|
| 25.6 | p. 268a | concord. |
| B.433 |
Himortan .i. importan .i. imram (ł imbreth) a purt [ED.do purt].
|
| 25.7-8 | p. 268a | concord. |
| B.434 |
Hia quasi cenéli forcill indsin. ór issed in dala n-ainmm déc fordingair (ł o ndingarar) Crist la Hebraib.
|
| 25.9-10 | p. 268a | concord. |
| B.435 |
Idol .i. ab idolo.
|
| 25.11 | p. 268a | concord. |
| B.436 |
Hidoss asin greig. forma asin laitin. unde dicitur ídolum .i. dealba ⁊ arrachta na nídal (ł na ndula) dognítis na géinte prius.
|
| 25.12-14 | p. 268a | concord. |
| B.437 |
Hindelba .i. anmunda altóri na nídal sin arinní dófornitís inntib .i. delba in uile noadratis (ł na ndula odortais). unde uerbí gratia forma (ł figia) sólis in altare ut
|
| 25.15-17 | p. 268a | concord. |
| B.438 |
Himbath .i. oician. bath .i. muir ut [ED.est] (muir) iter Erinn ⁊ Albain uel aliud quodcunque mare inatimchell imacuairt ut mare terrenum. Himbath din .i. immuir (.i. muir) imthimcelles imacuairt is di is ainm ocian (ł is hé ind ocian son deitsiu).
|
| 25.18-22 | p. 268a | concord. |
| B.439 |
Hidan quasi idon. ab eo quod est idoneus.
|
| 25.23 | p. 268a | concord. |
| B.440 |
Hiarnbelra is de asberar fri ss for a dhuibe in belra ⁊ for a dhorchacht ⁊ for a dlúthi conach urusa taiscélad tritsin (ł ind).
|
| 25.24-6 | p. 268a | concord. |
| B.441 |
Himbas forosnai .i. dofuarascaib seicib cach ræt bid maith lasin filid ⁊ bud ádlac dó do ḟaillsiugud. is amlaid dognither sin .i. cocnaid (ł concna) infili mír do charnna dhergmuice ł chon ł chaitt ⁊ dosber iaram isin líg fora chula na cómlad ⁊ canaid díchedul fair ⁊ hidbraid sin do dheib hídal. ⁊ gutagair dó iaram a hídalu. ⁊ nisfaghaib din iarnamárach. ⁊ dochan brichta for a dhí baiss. contagair beos a dhee hídal chuige arna toirmesctha a chodlad innnbe. ⁊ dosber a dí boiss ima díb lecnib contuil ísuan. ⁊ bíther oca fhaire ar na roimprá ⁊ na rothairmesca nech cotaispentar dó cach ní immbambí cocend nómaide ł a dó ł a tri ł fot ł mhessedh oc hídbert. et ideo himbas dicitur .i. dí boiss uime .i. bass ádiu ⁊ has anall ima leccnib. ⁊ atrogell ł atrarpe tra (Patraicc) innísin ⁊ anteinm lægda .i. roforgell na bud nime na talman nach æn dosgní uair is díultad do baithis. Díchedul do chendaib din for fhacbad (són) a dénum side hi córus cerdi ar issed (so as) fodera són ni hécean hidbairt demun uime acht faisnes do chendaib cnáime fócetoir.
|
| 25.27-45 | p. 268a | concord. |
| B.442 |
Loech i. e. a loeco (uel a laico).
|
| 26.1 | p. 268a | concord. |
| B.443 |
Laiches .i. lóech ⁊ feiss .i. dind feiss foass in loech lea.
|
| 26.2 | p. 268a | concord. |
| B.444 |
Lúgnasad .i. cluiche ł œenach is do is ainm násad .i. aurtach ł cluiche Loga maic Ethne (ł Ethlend) nofertha lais um thaide fogamair.
|
| 26.4-6 | p. 268a | concord. |
| B.445 |
Ligur .i. tenga.
|
| 26.7 | p. 268a | concord. |
| B.446 |
Lelap .i. luleap. lú cach mbec. ł lenab .i. lenis abati .i. patri. ł iarsinní lenas abatem ⁊ matrem.
|
| 26.8-9 | p. 268a | concord. |
| B.447 |
Leasmac .i. lissṁac .i. iarsinní is lis don ḟir ł don mnái intí is lessmac do cechtar de. Síc lessmathair ł lessathair. less din quasi líss .i. líss debaid ł imargal.
|
| 26.10-12 | p. 268a | concord. |
| B.448 |
Legam .i. don lige liges (ł legess) int édach. ł legam .i. lí áith .i. áith fri a lígda inní (onní) na denandsom foss acht anétaigib ilib. acht is minca hitheas innédach lígda (ł ni haire nad fóssadsom fri cachnetach cenimbetis [ED.liga] imbí acht is menciu araciallathar ⁊ fosaimther in étach ligha) quam aliud uestimentum.
|
| 26.13-18 | p. 268a | concord. |
| B.449 |
Leconn .i. lecend .i. lethcend.
|
| 26.19 | p. 268a | concord. |
| B.450 |
Lásamnai ab eo quod est laissim .i. each nán.
|
| 26.20 | p. 268a | concord. |
| B.451 |
Lémlacht .i. lacht téith. learn din each téith.
|
| 26.21 | p. 268a | concord. |
| B.452 |
(MARGLoch (.i.) deide fordingair .i. loch dub. unde dicitur asoilgi laith) lochrúna .i. dúbrúna .i. cid doirche sámud cáich ⁊ cid runda riam ⁊ iaram dochraide arúna (f)laith da ól. Loch .i. uile. unde dicitur lochdub .i. uiledub.
|
| 26.22-5 | p. 268a | concord. |
| B.453 |
Láarg .i. ló arg ł leo arg. leo ball ⁊ arg loech. leo ball ł áige ł cuibrend do dhaglæch indsin.
|
| 26.26-7 | p. 268a | concord. |
| B.454 |
Lorg .i. lo airg. loric unde dicitur p. 268b
|
| 26.28 | p. 268a | concord. |
| B.455 |
Lám .i. luam. iarsinní luas imoncorp uli.
|
| 26.30 | p. 268b | concord. |
| B.456 |
Lámos .i. lamḟoss .i. foss puss (ł fos) coimet na laime.
|
| 26.31 | p. 268b | concord. |
| B.457 |
Lámind .i. laimínd .i. ind na láime édither di.
|
| 26.32 | p. 268b | concord. |
| B.458 |
Lúda .i. ludugan .i. lú cach mbec. uair isé mér is luga do láim hé.
|
| 26.33-4 | p. 268b | concord. |
| B.459 |
Liæ ab eo quod est lidos grece (interpretatur) lapis latine dicitur.
|
| 26.35-6 | p. 268b | concord. |
| B.460 |
Laith .i. déde fordingair .i. láith gaile (7) laith .i. med ut prediximus. eter laithe Lúgba .i. améd Lúgba (cerda doruimidar Fachtna anargat ar na bú ⁊ araile{?}). intan tra is forṡail bis and ł fair is and sluinnes hoc. (intan tra is forail foridmbí issand sluinnith hoc).
|
| 26.37-41 | p. 268b | concord. |
| B.461 |
Langfiter .i. ainglaiss (ł ainglis) indsin. lang fota. feitir .i. glas na nGall, urchomul. langfiter .i. glas fota bís iter chosa cinn ⁊ cos tóna. non síc urchomul .i. aur a chomul. iter di chois chind in eich bís.
|
| 26.42-5 | p. 268b | concord. |
| B.462 |
Lecht .i. lige mhairb. ab eo quod est lectus.
|
| 27.1 | p. 268b | concord. |
| B.463 |
Long .i. ab eo quod est [ED.longa .i.] lang (.i.) fota (.i.) bís for muir.
|
| 27.2 | p. 268b | concord. |
| B.464 |
Lebor quasi libor .i. a libro.
|
| 27.3 | p. 268b | concord. |
| B.465 |
Lott quasi lot unde dicitur lotrad i. e. lothrad .i. lott aris lott do mnái in merdrechus.
|
| 27.4-5 | p. 268b | concord. |
| B.466 |
Lath .i. lúth .i. iarsinní lúthas.
|
| 27.6 | p. 268b | concord. |
| B.467 |
Lommand .i. lomm fand. sech is lómm is fánd hí.
|
| 27.7 | p. 268b | concord. |
| B.468 |
Lathirt .i. laith lind ⁊ irt bás dontí nosroib (.i. ól corma ł laith rotnort).
|
| 27.8-9 | p. 268b | concord. |
| B.469 |
Lúgbort. melius [ED.est] .i. luibgort .i. gort luibe.
|
| 27.10 | p. 268b | concord. |
| B.470 |
Líín a líno. Léine a línea dib aroile.
|
| 27.11 | p. 268b | concord. |
| B.472 |
Lánomain .i. lanshomain cáich. ar is lethṡomáin nechtar de sech aroile.
|
| 27.12-13 | p. 268b | concord. |
| B.473 |
Leithech .i. déde fordingair .i. ainm cetamus do chenéul éisc indsin .i. fora lethe nech bís de ⁊ fora thanacht. arismor lethe nech bís de in oceano. Lethech din ainm do lossait iarsinní letair bairgean furri. amail atbert Cruitine fechtus luid do thig aroile écis ⁊ a gilla lais .i. écsíne esside comenmain aḟithiræ. Farolaid din Cruitíne bodesin a muig ⁊ lécis a gilla do aigidecht do thig inécis. Dobreth tarr tuirc íscábull do ⁊ rogab coléig int éces oc aacallaim inécsine ⁊ oc cur ṡúla dar aḟrithgnam. Rorathaig int éces mórmenmain inecsine ⁊ laigeat afri thġnama. Intan tra bha bruithe intarr atbert int éceas fiad inécsine .i. tofotha tarr tein .i. as mithig a thircáil (ł a tiscáil) do thenid ⁊ ba coḟessed som cia freccra doberad int écsin do fobith rochualasom int éces oc gúmháidim alanaile [ED.ṅairec] ninganta amail bid hé bodessin ar dorissed ł ara tísead ⁊ ní rochredsium din int éces ⁊ ba aire atbert int éces do fromad inécsine .i. tófotha tarr tein. et tribus uicibus dixit Dofotha tarr tein et non respondit eí uel ullum uerbum. din iarom atracht int écsine ⁊ teit cusin maigin amboi Cruitíne ⁊ atfét scela dó .i. int aithesc roráid int éces .i. tófothá tarr tein. Maith ol Cruitíne intan asbera doridisi abair fris Toe lethaig foen friss .i. fon tarr ⁊ fris adaind indlis ł fri sin le adaind indlis .i. toe lossait foen fris .i. fon tarr. ⁊ fri sin dle coindil dodécsi dús inbruithe in tarr. intan tra dessid istig thall dixit int éces in cetnai et dixit int écsine Toe lethaig ⁊ araile{?}. Maith ol int éces ni brú ecsine rotoirne ł rotorma. is focus rothoirned is focus din Cruitine condogair a muig. Adagar iarom Cruitine ferthar failte fris ⁊ doberar biad naill isin coire iarom ⁊ ba bec amenma inécsine fobith contib int éces uime céin coracaillestar Cruitine ⁊ araile{?}.
|
| 27.14-43 | p. 268b | concord. |
| B.474 |
Leos .i. imdergad imandergthar (ł imdergthar) duine iarnaǽir ł écnach. leos din .i. soillse tit est i nDúil roscaid grinniud leos .i. díbad soillsi .i. coindle. Item aigead ḟir ima leos luinether ł imaleos luindetar .i. imatimchella soillse.
|
| 27.44-28.2 | p. 268b | concord. |
| B.475 |
Locharn (ł Luachairnd) quasi luchern .i. a lucerna ⁊ araile{?}.
|
| 28.3-4 | p. 268b | concord. |
| B.476 |
Mo debroth ol Patraic quod Scotic dicunt corrupte. síc hoc dici debet .i. muin doíu braut .i. muin din is meus. in díu is deus. in braut is Iudex .i. meus deus Iudex.
|
| 28.5-6 | p. 268b | concord. |
| B.477 |
Marc .i. ech. marcach din .i. eich immda lais. ut dicitur buasach infer lasmbit ba imda. airmnech tra in fer techtus arbor immda. sic airgdech colgedach.
|
| 28.8-10 | p. 268b | concord. |
| B.478 |
Mathair quasi mater arissed rotruailled and .i. mater.
|
| 28.11 | p. 268b | concord. |
| B.479 |
Mid .i. combrec rotruaillned and .i. med.
|
| 28.12 | p. 268b | concord. |
| B.480 |
Meithel quasi methel ab eo quod est métho ł méto.
|
| 28.13 | p. 268b | concord. |
| B.481 |
Mucairbe .i. mac ḟuirmid .i. mac doḟuirrned adhána.
|
| 28.14 | p. 268b | concord. |
| B.482 |
Malland .i. féith bís darin mullach anuas. quasi mulland.
|
| 28.15 | p. 268b | concord. |
| B.483 |
Millead .i. mí shillead .i. silled olc.
|
| 28.16 | p. 268b | concord. |
| B.484 |
Más a massâ.
|
| 28.17 | p. 268b | concord. |
| B.485 |
Miscaith .i. míscaith .i. mí Gnnsce. scath (.i.) indsce. amail ata Dúil roscadach indsin.
|
| 28.18-19 | p. 268b | concord. |
| B.486 |
Milgitan .i. molchuiten .i. cuid Múil .i. doirrseóir Temra. Mol din aainin side dég in muil noferad fornadóinib .i. tait es táit ind. unde dicitur molach.
|
| 28.20-2 | p. 268b | concord. |
| B.487 |
Melg .i. as. arindí mblegar.
|
| 28.23 | p. 268b | concord. |
| B.488 |
Melg din .i. bás. inde dicitur melgthemi .i. teime inbáis. ł melgtheinte .i. teine in báis.
|
| 28.24-5 | p. 268b | concord. |
| B.489 |
Morand .i. mor find. ba hé andsin a ainm dombert a mathair do ⁊ atbert robo bidba báis di nach eperad fri s. Mac máin din adbert a athair dó .i. ba máin maith inmacsa ⁊ bidba báis nach epera fris inna inmsin. corolenustar tra indí ainm arson enannia. Mac som Coirpri Chindchaitt.
|
| 28.26-30 | p. 268b | concord. |
| B.490 |
Menad .i. min ⁊ áith ġonas. Menad din min a iadh .i. a thóll.
|
| 28.31-2 | p. 268b | concord. |
| B.491 |
Moth .i. cach ferrda .i. cach ferinsce et nomen est uirili membro. p. 269a
|
| 28.33-4 | p. 268b | concord. |
| B.492 |
Man i. e. a manu.
|
| 28.35 | p. 269a | concord. |
| B.493 |
Manach i. e. a monacho.
|
| 28.36 | p. 269a | concord. |
| B.494 |
Monach. .i. clessach. ab eo quod est món .i. cleass.
|
| 28.37 | p. 269a | concord. |
| B.495 |
Methos .i. a meta .i. on crith ł on crích.
|
| 28.38 | p. 269a | concord. |
| B.496 |
Molad .i. mol soad .i. mol ara menci. soad for a gnáithce ł for aġáithe.
|
| 28.39-40 | p. 269a | concord. |
| B.497 |
Menmchosach .i. menma nach sasad lais. ł menma chasach lais .i. caingnech.
|
| 28.41-2 | p. 269a | concord. |
| B.498 |
Muirtchend ab eo quod est morticinium .i. martarchend [ED..i. cenn] taraais cu hoband .i. onní is marb cu hoband.
|
| 29.1-2 | p. 269a | concord. |
| B.499 |
Muilend .i. mol ⁊ bond (.i. ar issed deide as maillem immuilend). hond .i. cloch. mó a oil .i. a chlocha quam clocha broon. Muilind din .i. meil ⁊ lind [ED.ar is] for lind méileas. Molo muilend .i. mola broo din. ł muiliern.
|
| 29.3-6 | p. 269a | concord. |
| B.500 |
Merdrech. .i. mear. (MARGmerdrecb .i. mer. drecb .i. mer ⁊ drech iarnacengal.} bean is mear dreach. ł mear (.i. druth) ⁊ drech .i. boeth. Merdrecb din .i. drúth baeth. inde poeta mear cach drúth mianach cach baeth. Merdrech ab eo quod est meretrix i. e. a merendo stupri pretium.)
|
| 29.7-11 | p. 269a | concord. |
| B.501 |
Mát .i. lám. inde índmat .i. índ na lám nigther and. índlat din ar is [ED.índ] don choiss a traig et a lotione dicitur.
|
| 29.12-13 | p. 269a | concord. |
| B.502 |
Mát .i. mucc. inde dicitur a mBrethaib nemid foruachtatar mata mó thuinde targabail.
|
| 29.14-15 | p. 269a | concord. |
| B.503 |
Mánd .i. uinge. ut Sencha dixit Mou álib imdergad émna domider de .uii. cumala cichside crissu .uii. mogu mogaigthi fri morgnima mogsaine .uii. manna óir aithlegtha fri fialgnúis mo charut moir mou. Mand din .i. geal .i. uinge brúinnte.
|
| 29.16-20 | p. 269a | concord. |
| B.504 |
Munnu .i. moḟinnu .i. ainm bóid Finntain enim dictus est. unde Maedóc Ferna dixit ocaire ł oca hoer Munnu maic Thulcháin A chilian Dé chumachtaig, a maic Thulcháin a bachlaigh, ruc mac annsai (.i. demon) do múintir, mathair rotfucc a Ḟinntain.
|
| 29.21-7 | p. 269a | concord. |
| B.505 |
Mál .i. rí ⁊ file. inde dicitur nádnais argat ł ór acht for mal (.i. for rig.).
|
| 29.28-9 | p. 269a | concord. |
| B.506 |
Muirend .i. dédi fordingair .i. ainm cétamus do mnái. Muirend .i. morḟind. Muirend din ainm do gǽi .i. mirind (.i. drochrind). droch .i. bas. drochrind .i. rínd dober bás.
|
| 29.30-2 | p. 269a | concord. |
| B.507 |
Mogheime ainmsin in cetna orce bói a nErinn. Coirpri Músc mac Conaire tuc anair he a Bretnu. intan bamor cumachta Gaedel for Bretnaib dorannsat Alpain eturru iḟerannus ⁊ roḟitir cach durais dia carait leo ⁊ niba luga do threbdais Gǽdil formuir anair quam in Scotica ⁊ do rónta anarusa ⁊ arigdúinte ann. inde dicitur Dinn Tradúi .i. Dún Tredúi .i. trédhue Crimthain moir maic Fhidaig rig Erenn ⁊ Alpan ⁊ co muir nIcht. ⁊ inde Glasimpere [ED.na nGáidel .i. cell] forbrú mara nIcht. isand sin robói Glass mac Caiss mucaid rig Hiruatha oca mucaib for mesrad ⁊ isé rodersaig Patraic i cind .xxui. bliadne iartain iarnaġuin dfianaib maic Con. ⁊ isin rindsin ata dind map Lethain i tírib Bretan Cornn .i. dún maic Liathan. aris mac inní is mabb isin bretnais. Síc rorand cach cenél diṡuidiu arbói a cutrama allathair ⁊ bátar foncumachtasin cocian iar tidhecht do Pátraic. Desin tra boi Coirpre Músc oc athige sair co a muintir ⁊ cóachairde. Nithanic tra an inbuidsin oircne hi tir nErenn ⁊ roforcongrad la Bretnu na tarta oircne indail na ináis na icomáin na icarutrad do Ghædelu. Is hi tra cáin bói an inbuidsin la Bretnu .i. cach bidba inachinta do neoch noḟuasnabad cáin. Boi tra oircne aimind for seilb charut do Choirpri músc hi mBretnu ⁊ contori Coirpre uad. Fectus do Choirpri dia thighsium coránic fáilte dó acht imonoircne. Scian ámra la Coirpre músc conimdénum argait ⁊ óir ima heim. ba sét adamra hi. Dombert tra in Coirpre beoil cumor impe ⁊ coimlid saill dia heim coroḟacaib forbeolu inoircne iarom. Rogab int oircne forcnám na hemi comatain. loitid inscín iaram conáb alaind. Dosgní Coirpre iarnamáirech ceist moir desin cumba bronach (ł ba bairnech) de tra ⁊ cuíndchis cert uime có acharait. indraic sen din conepert ícfatsa incin olse. Níġebsa ol Coirpre acht aḟil icáin Bretan .i. cach rob ina chin. Tucad innoircne do Choirpri desin ⁊ rolil ainm de .i. Moġemi. moġ .i. dær dobreath dia hessi na sceine. Torrach (.i. banchu) din int oircne. tanic andsin Oilill Flann bec for Mumain an inbuidsin ⁊ Cormac húa Cuind í Temraig corogabsatside a triur foiche (.i. fuachtain) icuinched ⁊ iccosnam in oircne aturru. is he iaram cruth rocoraiged etarru atriur .i. aimsear cínnte don choin itig cachae díb. Doithid incú iaram coruc cách cuilén dia cuaine. conad forslichtsin atathar a nErinn beos. Marb tra innoircne iarcéin ⁊ rosfuair Connla mac Taidg maic Céin maic Oilella Auluim cloicend lomm in oircne sin combert icesta don ḟilid luid conái airchetul dia athair. Mæn mac Edaine ainm inḟilead. Tethna iarom Mæn int écess tria theinm lægda conepert Cain tonna tige háui Eogain. ith itig háui Chuind cacht adath tobarand basacaem itig Choirpri múisc. a Muig emi. Ceand Moga emi andso .i. in cedna oircne dobretha an Erinn ⁊ araile{?}. p. 269b
|
| 29.33-30.34 | p. 269a | concord. |
| B.508 |
Muma de nomine alicuius regis i. e. Eochaid garb. [ED.Echaid] mumo .i. Eochaid mumó .i. mó a gréim ⁊ a gerait ⁊ a chumachta oldás cach rig .i. dia anmaimm rohainmnigthea Mumain ⁊ Muimnig dicuntur. Mumu de nomine regis din dicitur.
|
| 30.35-8 | p. 269a | concord. |
| B.509 |
Mug quasi múch ar is fomhuich ⁊ todernam fognuma dogrés.
|
| 30.39-40 | p. 269b | concord. |
| B.510 |
Mugsaine .i. mugsine quasi mugsnime .i. sním bís formenmain inmhogad.
|
| 30.41-2 | p. 269b | concord. |
| B.511 |
Much .i. ainm sáindiles do diaid. unde dicitur muchad.
|
| 30.43 | p. 269b | concord. |
| B.512 |
Mills quasi melis. mil .i. mel rotruaillned and. milis (.i. isin and 7) mel.
|
| 30.44-5 | p. 269b | concord. |
| B.513 |
Midach quasi medic ab eo quod est medicus .i. liaig.
|
| 31.1 | p. 269b | concord. |
| B.514 |
Mear .i. iarsinní bís a ænur isin allt ambí .i. ina meracht ⁊ inuaænur téit. quasi merulus .i. lon inde .... grece quod uolat solus ⁊ nibí én aile cid dia cheniul féin ina coemtecht.
|
| 31.2-5 | p. 269b | concord. |
| B.515 |
Meracht quasi mericht .i. icht mear. Meracht .i. acht (.i. gnim) mear. ab eo quod est actus.
|
| 31.6-7 | p. 269b | concord. |
| B.516 |
Mairt .i. morait .i. mor uaitt .i. có domnach o máirt. Máirt .i. a Marte o día in catha la géntib. Mars tra ainm do. is do din nochoisergdais mís Márta ut Ianuarius Februarius Martius. Mairt din uada congarar. ut dies Solis dies Lunae dies Martis.
|
| 31.8-12 | p. 269b | concord. |
| B.517 |
Mart quasi mort .i. a morte.
|
| 31.13 | p. 269b | concord. |
| B.518 |
Mortlaith a mortalitate.
|
| 31.14 | p. 269b | concord. |
| B.519 |
Manannan mac lir .i. cennaige amra bói aninis Manand. ise luam as deach boi aniarthar Eorpa. noḟindad tre nemgnacht (.i. gnathugrud nime) inoiret nobíd insoinind ⁊ in don ind ⁊ intan nosclæchlóbad cechtar don dá résin, inde Scoti et Brittones eum deum uocauerunt maris. et inde filium maris esse dixerunt .i. mac lir mac mara. et de nomine Manandan Inis Manand dictus est.
|
| 31.15-21 | p. 269b | concord. |
| B.520 |
Niæ mac sethur. ut Cúchulaind dixit prophetans (uel præcans) de Christi aduentu .i. níæ duine ticfa ipaec móisi .i. mac sethar dúine ticfa et ipse est Iesus. et alii dicunt corochret Cúchulainn o sin.
|
| 31.22-5 | p. 269b | concord. |
| B.521 |
Nemnuall. ise ainm is mou do anmannu indomain .i. nemnuall dénma in oifri nd andsin. nemnuall. nuall ḟer nime (imbe).
|
| 31.26-8 | p. 269b | concord. |
| B.522 |
Ninus .i. nin foss ⁊ nin tónd .i. tónd tanic don ḟairrge aniar condech isin d aiur cutoracht isin tír út conderna tipra di. inde dicitur Corcmodruad Ninuis.
|
| 31.29-31 | p. 269b | concord. |
| B.523 |
Nemeth .i. nemiath .i. anus dírge do eclais.
|
| 31.32 | p. 269b | concord. |
| B.524 |
Nemáith .i. anus dírge di ócaib.
|
| 31.33 | p. 269b | concord. |
| B.525 |
Nemḟuath. .i. anus dirge do ḟiledaib.
|
| 31.34 | p. 269b | concord. |
| B.526 |
Neith .i. dia catha la géntib Gædel. Nemon .i. uxor illius.
|
| 31.35 | p. 269b | concord. |
| B.527 |
Nac quasi nic .i. nech occ. inde dicitur nicc occ ł ningoc.
|
| 31.36 | p. 269b | concord. |
| B.528 |
Nith .i. guin duine.
|
| 31.37 | p. 269b | concord. |
| B.529 |
Ner .i. torcc allaid. ut est isna haistib fáil nér néit griphi gradaigthe.
|
| 31.38-9 | p. 269b | concord. |
| B.530 |
Noe .i. duine. inde dicitur diannáma noe (.i. diandama duine) for tir.
|
| 31.40-1 | p. 269b | concord. |
| B.531 |
Noes .i. nó-ḟiss .i. fis nonbar .i. tri rig ⁊ tri nóib ⁊ tri said .i. said filidechta ⁊ said litre ⁊ sáid belra Ḟeni. batarsin uli oc dénam in tSenchusa máir. hide dicitur Læguire Core Dáire dúr, Patraic Beneoin Cairnech coir, Ross Dubthach Fergus cofheib, .IX. sailge sin Senchais moir.
|
| 31.42-32.6 | p. 269b | concord. |
| B.532 |
Nimb .i. bróen. ab eo quod est nimbus, inde dicitur isna Brethaib nemid Oengus foáiblib imais aricht, roloisc leath fonimib nimb.
|
| 32.7-10 | p. 269b | concord. |
| B.533 |
Nairne (ł naire) .i. gláine ł nairne amail bid nairc nobeth and. senbelra din innísin .i. inairne (ł inaire) sin asin and ⁊ amail atbertha écin isin gnathbelra indíu la hUr ł la hIr-Mumain maxime. inde dixit in file nífil ní bus toich duit. fhil naire arintí dianimchomaircther .i. fil écin ol se.
|
| 32.11-15 | p. 269b | concord. |
| B.534 |
Nith .i. guin duine ut est nihe intí dogní. Nethes din .i. guin duine ut est ni hidnæ nethes nemthigetar.
|
| 32.16-17 | p. 269b | concord. |
| B.535 |
Nescoit .i. ise senchas na nGædel. intan tuccad cath Muige Tuired boi Goibniu goba isin cerdcha oc denam na narm do Tuathaib d. d. [ED.Dé Domnann] ⁊ boi Luchtine sær oc denam na crand isna gaíb ⁊ boi Credni incerd oc denum ṡemand isna gáib cetna. Dicunt autem Scoti Góibniu goba faciebat hastas fri teora grésa ⁊ bafeth in gres dédinach. Dogníd tra Luctine na cranna fri teora snassa ⁊ ba féith insnass dédinach. Síc et Créidne faciebat na semanda. dobidgad Góibne asin tenchar na gǽi conglendais isin ursain. doleced Luchtine na crandu inandíaid ⁊ ba lór dianindsma. dobidgad Creidne ina semunda agobaib (na) tenchaire ⁊ ba lór dianindsma. Cein tra boi Goibniu ocon nísin lítear bine for a mhnái sium. atchess dosom annsin comba sæth lais inscél ⁊ édaig imbe. issed dosgni fris .i. boi crand inaláim intan atcúas do ascél .i. Neas aainm ⁊ is uime dognither an urnise criad ⁊ dichan brichtu din forsancrandsin ⁊ cach fer dothiged chuige doberead fuasma índ don crandsin. Madellad iaram in duine p. 270a do thurgbad iaram cnocc lan do lindchro ⁊ gur ⁊ foloiscead in duine amail tenid. arba he fuath incraind dian ainm Ness nobid forsin cnucc. ⁊ is aire roainmnigestar on ainm sin Nescoit.
|
| 32.18-39 | p. 269b | concord. |
| B.536 |
Ness tra .i. cnocc ⁊ scóit lind. Ness din cetharda fordingair .i. ness ainm in anmunda. ness (nomen) do crand. ness nomen do urnisi. amail atbert bean araile gobann dogeni marbnad dia fir dicens Ba dursan lium sellad fris, forbir ifraig dercc anis, babinde nochantais dord, fri derc aneis adí bolg. et alius dixit Bean aentuma bís cenfer, inteni co hurloscad, nama guali bean naise, is uaide ainmm urnaise. Ness din ainm dobéim ⁊ do chrécht ut est isin tSenchus már A gráinib cach tomas, a fénib cach foras, a mainib (ł omnái) cach mess, a dírib chuirp duine, ciadat ile aḟuile, rohainmniged ness. Amail bís urgnacht inbaill isin duine aḟurmither incrécht asfoi din bíss aeraicc .i. uerbi gratia mádinagaid ł anédan tra ł asmeich furmither inaithis is móti in ericc amail roġab i Senchus már mad foétach bess inainim is luga som ⁊ araile{?}.
|
| 32.40-33.20 | p. 270a | concord. |
| B.537 |
Ollamh. .i. oll adhámh .xx.iiii. Ollamh .i. oll aúaim .i. amail is doiligh uaim bhís foaill do thoghail. síc is doilig saighidh for dhán ⁊ écsi inollamhan. Ollam din .i. oll éimh .i. oll di éimh .i. ollamh do éimh .i. émhid ⁊ ernes na cesta.
|
| 33.21-4 | p. 270a | concord. |
| B.538 |
Oí .i. caera inde dicitur oísc .i. ói ṡeisc .i. caera ṡeisc. oimelc .i. oimelg .i. isí aimser andsín tic ass caerach. melg .i. as iarsinni blegar.
|
| 33.25-7 | p. 270a | concord. |
| B.539 |
Oen quasi un. ab eo quod est unus.
|
| 33.28 | p. 270a | concord. |
| B.540 |
Oenach .i. úne each.
|
| 33.29 | p. 270a | concord. |
| B.541 |
Oeth .i. luige ł éthech.
|
| 33.30 | p. 270a | concord. |
| B.542 |
Oar .i. guth ł gairm.
|
| 33.31 | p. 270a | concord. |
| B.543 |
Oech .i. náma.
|
| 33.32 | p. 270a | concord. |
| B.544 |
Orb nomen uiri a quo Orbraige.
|
| 33.33 | p. 270a | concord. |
| B.545 |
Og quasi ob id est obuum (ł ouum) .i. og.
|
| 33.34 | p. 270a | concord. |
| B.546 |
Ord i. e. ab ordine.
|
| 33.35 | p. 270a | concord. |
| B.547 |
Olchubar .i. ól accobar .i. accobar lais ól. ł ól nomen liquoris normalica lingua uel normannica lingua est.
|
| 33.36-7 | p. 270a | concord. |
| B.548 |
Ornd .i. creach ł orguin.
|
| 33.38 | p. 270a | concord. |
| B.549 |
Om .i. inbíd. grec rotruailled and. omon asin greic cruor latine dicitur.
|
| 3.39-40 | p. 270a | concord. |
| B.550 |
Opair .i. oper .i. ab operatione.
|
| 33.41 | p. 270a | concord. |
| B.551 |
Ong .i. fochaid ⁊ cosc, inde dicitur coscaig do mac a Ḟíthail consecait a oic (ł a oiṅg). ong .i. uch. ut est Ni hong æntige amach. Ong. cian on relic mo thech tóll, nídamnia acht amgeilt ghánd, dia dor ad icert mo chond.
|
| 34.1-6 | p. 270a | concord. |
| B.552 |
Oróit .i. oroit .i. oratio.
|
| 31.7 | p. 270a | concord. |
| B.553 |
Oslucad .i. uaslécud [ED.lécad] suas na cómlad. ł oslucad .i. aislecud .i. lécad dara hais di.
|
| 31.8-9 | p. 270a | concord. |
| B.554 |
Ochtach .i. ogtech .i. oguide a tech diabaith (ł diabuith) fair (ł foir).
|
| 31.10-11 | p. 270a | concord. |
| B.555 |
Ór quasi aur .i. ab auro.
|
| 31.12 | p. 270a | concord. |
| B.556 |
Orc tréith .i. nomen do mac ríg. triath enim rex uocatur unde dixit poeta Ænach tra uirc tréith .i. biad ⁊ étach logmar. clúm ⁊ coilcthe. cuirm ⁊ cárna. brandub ⁊ fichell. eich ⁊ carpait. mílchoin ⁊ estrechta archena. aliter orcc din ainm do bratan. unde dixit ceand Lomna drúth iarnabéin de .i. orcc brecc bronnḟind brúchtas demhagur fómuirib. ni labair nimtoe tuaithe tore natraic rómsi rorannsat raind nátcert Coirpri. is de tra boi andsin dosom .i. Find hua Baiscne is dó ba drúth Lómna druth (.i. mídlach). Teit din Find laa na nd forcuairt ṡelga. doruaraid Lómna ifus. boi bean do Lúignib la Find ár cach roilbe ⁊ cach roḟid nognáthaiged Find cona ḟéinn nobid ben urdhalta fora chind incachtír ⁊ batar banbrugadha (iatsen ⁊ batar maithi) doḟulang na ḟiann. ár doleath andaine darna tíre cona lamad neach [ED.olc] fri u. Tanic Find fecht i Tebtha cona feinn ⁊ luid forcuairt ṡelga cumboi Lomna leo (ł doroaraid Lomna ifos) ł tarraid Lomna iḟus. amboisium oc imdecht a muig conḟaca Coirpre (.i. fénnid do Lúignib) oclaige lamnaí Find hítaide. Rogáid tra inbean do Lómna a díchleithsin. Ba saeth laisium beith imbrath Find. Tic Ḟind iarom ⁊ benaid [ED.Lomna] ogam, iḟleisc cethercuir conadead boi innte .i. cuaille fernai iḟelaim nargait athaba iḟóthlacht iḟolurg .i. forlurg. Fer mná druithe. drúthlach la feinn forcthi. fraech forualaind luimm Lúigne. Roḟitir tra Find ascel ⁊ ba dógnassach denmhnái. Rofitir inbean din is o Lómna rofess ⁊ teit techta uathise co Coirpre ar cotísead domarbad indruad. Tanic tra codall achend de ⁊ dombert Coirpre lais. Tic iarom Find don ḟuarboith déodlái conḟaca in choland cen cend. Coland sund ce cend ol Find. Finnta dúnn ol inḟiann coich hí. dosber tra Find a ordu inabeolu ⁊ dochan tria theinm lægda conepert Niconruba arduene. niconrúba for Lúigne. contoboing nais. conepert. ni con ruba torc. ni contorgi. ni conarbert a lige Lómna. Coland Lómna indso ol Find. rucsat námait a chend di. ticsaid (.i. benaid) dona conaib ⁊ toiscelad forinslicht. Teit Find forslicht na nóg p. 270b cofuair Coirpri iḟaistig oc fuine eisc forindeoin. combi c[ED.end] Lomna forbir icontenid. In cét lucht roberbad don indeoin doroind Coirpri do tri nónbharu ⁊ nítuc drantmir imbeol in chind diṡodain. Bages [ED.las]na fianna ocus atbert iarom Orc brecc bronnfind .i. bradán dimagur. issed adhamna ⁊ araile{?}. inlucht tánaise din rannais Coirpre iterum priori modo. conepert incend iterum Rorannais rand fofæl athraind rand athbaig iarmuig medbæ mosbatoich mír metáil bidfuatni fianna lib Luagni. Cuirid amach in cend ol Coirpre cid miḟocul dúnn. dixit incend demuich Romechutar clethi cuire rith rurthig ágæ catha cetambá mescbuit. ba comælib mo aige ba cofarninda ł nimda bid mor ag tein doallasfaid Lúigne la Find din.
|
| 31.13-32.16 | p. 270a | concord. |
| B.557 |
Patraic a patricio. patricius .i. pater ciuium. aliter patricius hic qui ad latus regis sedet (uel residet).
|
| 35.17-18 | p. 270b | concord. |
| B.558 |
Pell a pelle.
|
| 35.19 | p. 270b | concord. |
| B.559 |
Pennait a penitentia. ł pennait .i. pian áit .i. áit ipianaither.
|
| 35.20-1 | p. 270b | concord. |
| B.560 |
Pecad a peccato.
|
| 35.22 | p. 270b | concord. |
| B.561 |
Patu .i. poithó .i. poi .i. cos ⁊ tó din forruibi inpatu (ł pato) a chois ol niluga bís find fó fora dernaind oldas furri innúas.
|
| 35.23-5 | p. 270b | concord. |
| B.562 |
Propost .i. prepost .i. praepositus.
|
| 35.26 | p. 270b | concord. |
| B.563 |
Port a portu.
|
| 35.27 | p. 270b | concord. |
| B.564 |
Pairche a parochia.
|
| 35.28 | p. 270b | concord. |
| B.565 |
Párn .i. nomen do bloach mara. ní cach díalt tra rosegar ind. nípmachtad la nech cenofiastar can doroig bloach donní is parn. et alia similia.
|
| 35.29-31 | p. 270b | concord. |
| B.566 |
Puingcne .i. screpul medhi innbiche indsin. screpall Gædel din .i. o puingc.
|
| 35.32-3 | p. 270b | concord. |
| B.567 |
Pinginn salund imbe .i. seland cernæ innsin (.i. offaing).
|
| 35.34 | p. 270b | concord. |
| B.568 |
Páin .i. bairgen. a páne, inde est hingaire Echach maic Luchta .i. mo tri finde fommgellsat imailt Echach ailchedáil gaire de loelig find forscing scailter codípil promtir pain la pugin puincern læsial cenach cermnas comilc coic bo bithbí codamuic midligen goss gessan cenosmessed conách inabethu baa.
|
| 35.35-40 | p. 270b | concord. |
| B.569 |
Puincern din .i. cern tomais sellæ ⁊ meadh thomaiss indile .i. in mead indmeach.
|
| 35.41-2 | p. 270b | concord. |
| B.570 |
Pissire .i. pissairo .i. crand lethanchend bís octomus ænpinginde tomais .i. comthrom uii. ngráine ḟírcruithnechta ⁊ decheter ethoman ⁊ nali lina uisce ⁊ naroṡuid cruas (.i. de). Piss din ainm incraind ł intoman. Piss din ainm do pengind. oenphengind din aire in chraindsin.
|
| 35.43-36.4 | p. 270b | concord. |
| B.571 |
Pénd a penno. Pend i. e. a penna.
|
| 36.5 | p. 270b | concord. |
| B.572 |
Pairt a parte.
|
| 36.6 | p. 270b | concord. |
| B.573 |
Pertic i. e. a pertica .i. forrach tomais tire indsin.
|
| 36.7 | p. 270b | concord. |
| B.574 |
Póc .i. pác quasi páx .i. e. a páce, arisairidhe sída inphóc.
|
| 36.9 | p. 270b | concord. |
| B.575 |
Proind a prandio.
|
| 36.10 | p. 270b | concord. |
| B.576 |
Prúll .i. áidbliugud mor ⁊ médugud. ut dixit ingen hui Dulsaine inbannlicerd frí Senchan Torpeist. himum loscit mo dínó prúll. fri sgart int écsine do muintir Senchan .i. in cerd mac hui Dulsaine o Liaig do Thairrsaig tull. Is de tra bái do Ṡenchan innísin docorustar fair techt a Manaind .i. fecht áinesa dochur cuarta innte ⁊ l. éces a lín cinmothat ecsine. Ni roibe riam umnách araile éces samail inchumdaig boi umṠenchan cinmotha a stuigen ṡuad. issed on robuidech do thimtagib ḟer nGædel inrucsat na hécis olchena umpu. Intan tra docómlasat forfairrge ⁊ docorustar aurlond fri tír adgládastar gilla anécoisc don tír inandiaid. Nomlécidsi lib olse. Dḟéchsat uli fair. níba cáin leo aécosc na alécad leo ar nirbo hén comadaiss dianelta he fora écosc nadetig. intan tra dosberead amér fora édan noṁebdais srotha doghur brén tria cluasaib achúil siar. dichroiss tar a mullach. ba cosmail fri asnige tepersu a inchinde arroemuid darroeib do madcomuanna achind ⁊ achlocind. ni anad ic tóla brénta imorro. Cuirrither hog luin adiṡúil. luathiter léig muilind a ḟégad. comdhub fri héc a drech. cuirre ina córr aurócbala adhágruad. sithiger urbuinde gabond aṡrón. marsigemnaig builg oc berbad míanaig súgad ⁊ imlécad a anala. nibendais uird do chǽir dérg ambendais a beoil do thenid. luaithither fándli nofiamain he forlár. buidither or rind aḟiacal. glassi cuileand ambun. dalurgain lomchæla lanbreca fæ. daṡerid birrdhai buide brecduba. a lurga mar chúgil. a sliasat marṡámthaig. amás mar lethmæthail. abrú mar miachbolg. a bráge mar braigit cuirre. méit muilcind milead a chend. librither gabla a láma. métither dornu mogad a durna. Diatallta de in cheirt combrecc boi uime ni bu decmaing ditecht for imirce aænur minafuirmithea cloch furri. Dorogart tra ódiucaire móir ⁊ atbert fri Senchan biam torbachu deit olse oldás inécsi ł inre foruallach forbaeth imchumachtach út fil umat. indester lat ol Senchan tig tu iarsin láid isin curach. Proimfimít fris olse. cingid forsin láid p. 271a [ED.isin curach ⁊ ba luathither lochait iar forgarmain ł grib dia ned ł séig do ail in side ruc comboi isin curach ⁊ basuaill tra nach báite in curach iarsinni robroccsat remisiuin isin dara leath in leath naill dosum ⁊ atbertsat a hængin dotrorbai beist a Senchain ⁊ bud hisin do muintir acht coroisium tir. Is desin rohainmniged Senchán Torpeist .i. Senchan dororpa peist. Recait iarom co Manaind ⁊ facsat] a coblach hitir. Amail batar isin traig conḟacutar in sentuinne mongleith mifri gh forsin carraic. [ED.sentuinne] .i. caillech ut poeta dicit Sentuind ⁊ senbachlach, ropses rapus a crinḟes, acht noconḟacnat mac de, isni thabair a primles (.i. a primgin). Amlaid boi inchaillech forsin traig oc buain femnaige ⁊ murthorad olcena. airechta gráda a cossa ⁊ a lama. acht natbi edghud maith impe. boi aṅfeth na gorta lee. ba liach son din arba hi inbannlicerd m ingen hui Dulsaine do Muscraige Liac thúill a crich hua Ḟídgenti condechaid forcuairt Erenn ⁊ Alpan combá marb a muintir uli. Boi tra incerd mac hui Dualsaine a brathair oc a hiarraid fo Erinn acht ni ḟuair. Intan tra itconairc sentuinde na hecsi imuscomarc ceptar iat. Atbert araile dib Maith reimcomarc .i. Senchan éces Erenn indsin. Inmbia forumaloit aṠenchain olsi inat fri maithuscsa. rotbia tra ol Senchan. nisam eolach imnid adbaig. ciasa femnach bolgach bug. Caide a lethcomracsin olsi. Sochtaid tra Senchan ⁊ inécis uli. Doling tra iarom in gilla remeperta forbeolu Ṡenchain et dixit achaillech ni raga illeth Senchain. nicomadais deitt. acht nomaicillse ór nitaicillfe nechaile don múintirsi. Cest tra for bannlicerd caide in lethrand. nin. olse. domhuin charrgi móri Manand, dorónad mor saland sund. ⁊ in lethrannsa tra caide a leath; imumm loiscet mo dé nó prull; [ED.I]nṡaigfe fort Senchan mad ed connige ol in gilla beos. Cest tra caide latso olsí. nin. ol esium In cerd Mac hui Dulsine o Liac Thursige thull. Fír ón ol Senchan is tusa ingen Dualsine in bannlicerd ocadathar diarrad sechnon Erenn ⁊ Alpan. Isme ém olsi. Ructharsom iarom la Senchan ⁊ doberar étach amra impe [ED.7 táinic la Senchan] dochum nErenn. Orancutar tra Erinn conḟacutar ingill remepertaige fora cind ⁊ ba hóclæch rigda ruithenta esium indsin. rosc imlebur inachind. mong órbuide lais. áilliu doḟeraib domain dó iter deilb ⁊ decelt. Teit iarsin dessiul Senchan cona muintir et nusquam apparuit ex illo tempore. dubium itaque non est quod ille poematis erat spiritus. ⁊ araile{?}.
|
| 36.11-38.9 | p. 270b | concord. |
| B.577 |
Rechtaire .i. rechtorairge.
|
| 38.10 | p. 271a | concord. |
| B.578 |
Ross .i. tredi fordingair .i. ross fidbuide. ross lín. ross uisce. sain din cúis [ED.asa rohainmniged] cachæ. ross fidbuide cétamus .i. rói oss. ross lín din .i. roḟás. ross uisce tra roḟoss ni bí acht formarbuisce.
|
| 38.11-14 | p. 271a | concord. |
| B.579 |
Réim .i. nomen do fuirseoir. fobith cach riastarda dosber fora aigid cuchách.
|
| 38.15-16 | p. 271a | concord. |
| B.580 |
Rinntaid nomen doḟir ærad rindas cach naigid noescaid.
|
| 38.17 | p. 271a | concord. |
| B.581 |
Rot .i. rout .i. roṡét .i. mó oldas sét .i. semita unius animalis. Attát tra ilanmanna for conairib .i. sét. rót. ramut. slige. lamrotæ. tuagrotæ. bóthar. sét cétamus ut prediximus. Rout .i. dacumat{?} ł dachuat carpat do ænach dæ imme doronad fri hecraite mendota formedón. Rámut .i. mó oldas rót .i. urscor bís for urdhúnib rig. cach comaigdech atír doró chuige dlegar de a glanad. Slige din doscucnad charpat sech araile darónta fri himcomarc da charpat .i. carpat rig ⁊ carpat epscoip conḋechaid cachæ dib sech araile. Lamróta .i. iter daṡligid. slige dar tuaiscert mendota araile dar a descert. fri a lessu fri cæ dorónad. Tuagróta fochren fertrebar conair doascnám roitói ł slébe. isi iarom aḟochraic .i. aaním aneim atræt cachla bliadain. Bothor tra .i. talla dí boin. alanæ forfot araile for tarsna fora tallut a læig ł aṅgámna inaḟail. mad inandiaid bess iurtais inbó bes daessi. Attát teora glanta do cach ae. tri haimsera inglantar .i. aimser echruathair. aimser chuæ. aimser coctha. Ite a tri glanta .i. glanad aḟeda ⁊ auisce ⁊ achoclaid. Ite acsi foranglantar .i. arnéllned acharpat oc dul for coe. arnéllned a echraide oc techt do ænach. achoclaid ara hesarlathar nech fair oc techt fri ł fothress ⁊ araile{?}.
|
| 38.18-40 | p. 271a | concord. |
| B.582 |
Reo .i. grec. reo .i. enim grece gelu latine dicitur.
|
| 38.41 | p. 271a | concord. |
| B.583 |
Ringcne quasi quinque. inde dixit Ferches intan boi Find h. Baiscne oc rím cach u.ir [ED.cóicir] iarnuair doṡlogaib [ED.maic] Con do chuinched na fiann dó .i. do Ferches. lasin tra atracht [ED.Ferc]hes tria na fuachtname {?} seoch Find ⁊ doléic insleig for Lugaid [ED.comb]omarb ⁊ atbert Ringcne ris rig. [ED.dodernai]d Find fos onarrimead cach cóicer carincne arnuair. Ri[ED.ngcne din .i.] quasi quinque ⁊ araile{?}. p. 271b
|
| 38.42-39.5 | p. 271a | concord. |
| B.584 |
Robuth quasi remḟuath. ł robuth. din. .i. [ED.rem]bubtad.
|
| 39.6 | p. 271a | concord. |
| B.585 |
Retglu .i. retgle .i. gle solas.
|
| 39.7 | p. 271b | concord. |
| B.586 |
Roth .i. a rota .i. a cuairt.
|
| 39.8 | p. 271b | concord. |
| B.587 |
Rudrad .i. rodúrad.
|
| 39.9 | p. 271b | concord. |
| B.588 |
Rucht .i. inar. ut dixit Fercertne .i. hinḋeich ruchtaib derga.
|
| 39.10-11 | p. 271b | concord. |
| B.589 |
Ruam quasi Rom .i. a Roma.
|
| 39.12 | p. 271b | concord. |
| B.590 |
Rangc .i. in sessed cenél na máile. rangc din .i. na husine arda. Rach din ise raut na máile othá edan comullach. Romáile iter da hó uli. Saltria sa .i. as a ḟirmhullach mæl tairside combi a chassi buide inamullach amail sáil duine tre assa. Buide reid .i. maile o cheand uli annsin ł máile combi glelomm. Imspelp tra .i. folt cechtar adá lethcend ⁊ rót otha int edan conice achúl. ui. cenéla maile indsin.
|
| 39.13-20 | p. 271b | concord. |
| B.591 |
Rigan .i. rigbean ł rígein.
|
| 39.21 | p. 271b | concord. |
| B.592 |
Raithnech ab eo quod est ratis latine .i. rait ł raithnech.
|
| 39.22 | p. 271b | concord. |
| B.593 |
Ruam .i. roéim .i. luss dosber dath ł cucht in faciem cumbi derg. inde dicitur ruamnaig ł ruanaid.
|
| 39.23-4 | p. 271b | concord. |
| B.594 |
Roscad .i. róindsce .i. dodhechaid in ord insce .i. scath. inde dicitur Duil Roscadach.
|
| 39.25-6 | p. 271b | concord. |
| B.595 |
Relec .i. rélic a reliquis sanctorum. Relec din .i. réill a héc ł a hicc ł a hacc.
|
| 39.27-8 | p. 271b | concord. |
| B.596 |
Rop ⁊ rap. rop tra cach na nmunda gonas. ut sunt uaccae. rap din cach na nmunna ṡrengas ut sunt sues sed tamen uicissim commúniter dicuntur. rap din ab eo quod est rapio. robb ab eo quod est robustus.
|
| 39.29-32 | p. 271b | concord. |
| B.597 |
Ribar .i. criathar.
|
| 39.33 | p. 271b | concord. |
| B.598 |
Riss .i. cach scél ⁊ faisnés. Risse din .i. scéla. inde dixit Coirpre mac Etnai isin cétna æir doronad a nErinn prius .i. cendíl dáime rissi robsean Bresei .i. do Breass mac Elathain sin.
|
| 39.34-7 | p. 271b | concord. |
| B.599 |
Ruadrofessa .i. nomen in Dágdha.
|
| 39.38 | p. 271b | concord. |
| B.600 |
Ruamni ass .i. liass ⁊ buidetu.
|
| 39.39 | p. 271b | concord. |
| B.601 |
Sanct Brigit .i. næm Brigit indsin.
|
| 39.40 | p. 271b | concord. |
| B.602 |
Súil quasi sol aristrithe ata sollsi do duine. Sollsi ab eo quod est súil.
|
| 39.41-2 | p. 271b | concord. |
| B.603 |
Solas a sóle.
|
| 40.1 | p. 271b | concord. |