Text Y · Early Irish Glossaries Database

Ref	Text	Print ref	MS
Y.601	Fogamar .i. don mis dedenaig rohainmniged .i. quasi fogaimiur .i. fota mis ngaim.	601	col. 40	concord.
Y.602	Fath .i. fogluim, unde dicitur faitsine .i. faith.	602	col. 40	concord.
Y.603	Femen .i. Fe ⁊ Men .i. da ri damraithe Erend. isin maigin sin robadar, is de isberar. Cirbæ nomen in baile a mbitis ac cognam a cire.	603	col. 40	concord.
Y.604	Flechud .i. fliuch-suth .i. suth fliuch. suth didiu .i. sín.	604	col. 40	concord.
Y.605	Fair .i. turgbail na gréine i matain, ab eo quod est iubar .i. dellradh, undi dixit Colum Cille dia lim fri fuin, dia lim fri fair .i. fri turcbail. fri fuin i fri folach{?}.	605	col. 40	concord.
Y.606	Fe ab eo quod est uae. ar is gnath fernd do frestol na .u. consaine la Goedelæ. aliter, forrugeine la Gaidelai flesc idaith domitte frissna collnai ⁊ frisinadnadcula i n-adnaictis, ocus nobith in fleiscc sin dogress is relgib ina ngeinti frisna adnaclai. ocus ba huath fri cach a gabail inda lam, ocus gach ret ba adetchidhe la cach dobentai frie. no dobertis trie ogbam indti unde in prouerbium col. 41 uenit fe fris, amail is n-adetcide in flesc cui nomen fe, sic et alia ress cui comparatur. huaire tra ba die edath nobith in flesc, ocus ba hadeitchide, is aire isbeir Morann isin Briatharogum ærchaid fid edath .i. ind aor rolil in flesc cui nomen est fe, ut dicitur Dirsan bith a mbethaid dam d’eis rig Gaoideal ocus Gall Ere gan degollam de o rotoimsed fe fri Fland.	606	col. 40	concord.
Y.607	Fithchill .i. fath-ciall .i. fath ⁊ ciall occ a imbirt. no feith ⁊ ciall. no fuath-cell .i. fuath cille .i. is cethrachair cetumus ind fitchill ⁊ it dirge a tithe, ocus find ocus dub fuirre, is ainmuinter cachlafechtus beus beress a tochell. sic æclesiæ per singala, per quatuor terra partess .iiii. euangelis pasta (.i. is marsin an eclais ic sassad cethri rann sundradach in betha o soscelaib). is diriuch immessaib lasna tíí na screpra .i. nigri (.i. dub) ⁊ albi (.i. gel) .i. boni et malii abitant in æclesiæ.	607	col. 41	concord.
Y.608	Fraig .i. fri haigh .i. fri huacht.	608	col. 41	concord.
Y.609	Folassa .i. arindi folloing coiss in duine. aliter fol quasi sól, id est ab eo quod est solus latine .i. fol cendfocrus .i. .f. pro .s., fol quasi sol .i. bondbach, no coma bonnbrach ba coir and .i. eter bonn ⁊ bruach bis.	609	col. 41	concord.
Y.610	Fuidir .i. fo-thir .i. intí dobeir tir fo na deoraig anechtair, is do is ainm fuidir.	610	col. 41	concord.

Sanas Cormaic, version Y