Text Y · Early Irish Glossaries Database

Ref	Text	§	Print ref	MS
Y.751	Idol .i. idolo, idos isin greic, forma isin laitin. unde idolum .i. delba ⁊ arracht inna dulæ dognitis in geinti.		751	col. 51	concord.
Y.752	Indelba .i. anmand na n-altora na n-idal sin .i. arindi dofornitis intib delba na ndula adortais and, uerbia gracia figura solis .i. figuir na grene.		752	col. 51	concord.
Y.753	Immbath .i. ocian .i. bath muir, ut est muir iter Eirinn ⁊ Albain, ł aliud quodcumque mare nad timchella imacuairt, ut Mare Terrenum. imbath immorro .i. immuir .i. muir immatimcellæ imacuairt, is é do occian duit-si ón.		753	col. 51	concord.
Y.754	Idon quasi idonius .i. dingbala.		754	col. 51	concord.
Y.755	Iarnnberlae .i. is aire isberar, ar a duibe in belræ ⁊ ar a dorchatæ ⁊ ar a dluithe, co nach erasa taisscclad ind.		755	col. 51	concord.
Y.756	Imbass forosnae .i. dofuarascaib secip ret bas maith lasin filid ⁊ bes adlaic dó d’foillsiugad. is amlaid didiu dognither on .i. concna in file mir do carna dirg muice no con no cait ocus dobir .i. iarom for lic iar cul na comlad ⁊ dichain dichetal fair ⁊ adodpair do deib idal ⁊ cotigair dó ⁊ ni fagaib iarnabaroch, ⁊ dochain iarom for a di bois ⁊ congair deo idal cuige arna tarmascthar a codlud ⁊ dobeir a di bois ima di lecain ⁊ contuli ⁊ bithir og a foraire ar nachn-imparræ ⁊ nach toirmescae neach, agas doadbanar do iarom anni aradmbí co cend nómaide no a col. 52 duo no a tri, fut ngair conmessad ocind audbairt. et ideo imbas dicitur .i. bas disiu ⁊ bass anall im a agaid no im a cend. atrorbe Patraic anisin, ⁊ an teinm laoda ⁊ fotroirgell a briathar na bad nimhe na talman nach aon dogenai, ar is diultad bathis. dicetal docennaib immorro fodracbad son i corus cerdæ, ar is soas fodera son ni ecen audbairt do demnaib oca, acht aisneis do cennaib a chnamae fochedoir.		756	col. 51	concord.
YAdd.757	Inathar .i. ind foiter cach mbiad. no inathar .i. ind-ethar .i. ind teit cach ní ethar.	YAdd	757	col. 52	concord.
YAdd.758	Iris .i. ere-as .i. asin ere bis sisi.	YAdd	758	col. 52	concord.
YAdd.759	Indigu .i. negair a ind .i. in ic a diultad co nach digu hí.	YAdd	759	col. 52	concord.
YAdd.760	Inchind .i. i n-inde cind bis.	YAdd	760	col. 52	concord.

Sanas Cormaic, version Y