Text Y · Early Irish Glossaries Database

Ref	Text	§	Print ref	MS
Y.971	Nimb .i. braon, ab eo quod est nimbus, unde dicitir isna Brethaib Nemeth roloisceth a leth fo nimib nimb.		971	col. 65	concord.
Y.972	Nairne .i. glain. no nairne amad bid naire nobeth and .i. senberla didiu in naire n-i sin. is inand ⁊ isbertha egin. IS gnathberla eisem tra cidh indiu la hIrmumhain maxime, unde dicitur in fil ní bas toich duit. fil eigin, ol intí dia n-imchomarcar .i. nairne.		972	col. 65	concord.
Y.973	Nith .i. guin. Nie in fer dodgní.		973	col. 65	concord.
Y.974	Nethes .i. guin duine, ut est ní ní col. 66 hidna nethes nemtegar.		974	col. 65	concord.
Y.975	Nesscoit .i. is é senchas na nGaoidel. intan fechtu Cath Muige Tuiredh bui Goibne goba isin cerdcha og denam na n-armm do Thuathaib Dé, ⁊ bui Luchtire saor oc denam crund isna gaib, ⁊ búi Creidne cerd fri denam semand issna gaib. dicunt autem Scoti Goibniu goba faciebat hastas fri teora gressa, ⁊ ba feith in tress gress. dogni didiu Luchtaine saor na crunda fri teora snasa, ba feth in snas dedenach. sic faciebat et Credne na semend. Dobidgad Goibne asin tenchair na gai go nglentais isin ursain. Doleiged Luchtaine saor na crunda ina ndiaid, ⁊ ba lor n-indsma doib. dobidgad iarom Creidne cerd na semanda a belaib na tenchuire ⁊ ba lor n-indsma doibh. Ceine tra bai Goibne goba oconnísin lithe bine for a mnái adfiadar son do Goibne ⁊ ba saoth lais ⁊ ba etaith n-imme. ISs ed didiu dogene friss .i. bai crann ina laim, INtan atfes do a scel, .i. ness a ainm, is uime dognither ind aurnaisi criadh. dicain didiu forsin crand sin, ⁊ cach fer doniced dobeireth fuasmad don crann sin ind. madellad iarom in duine, dourgbad focetoir cnoc and lan do lindchrú ⁊ gur foloisced in duine amail tene, ar ba hé fuath in crainn sin dianad nomen nees nobith forsin cnuc. is aire rohainmniged on anmaim sin col. 67 .i. nesscoit .i. ness cnoc ⁊ scoit lind. nesa tra cetharda fordangair. nes cedus nomen an anmanda. nes nomen don crund, ut prediximus. ness ainm don aurnaisi chriadh feisin, amas atbert aroile ben gobend ag denam marbnaide dia fir ba dirsan lem sellad fris, forbir i fraigh derc a nis, ba binde nochandais dord fri derc a niss a da bolg. Ness dano ainm don beim .i. don crecht, ut est isin tenchas Mar a grainib gach tomas, o Feinib gach foruss, a mainib gach mess, a dirib cuirp duine, cidhat ili fuile, rohairdigeds ness, .i. amail bess aurgnata in baill isin duine i fuirmitir in crecht, is fai dano bith a eraic in uerbia gratia .i. mad i n-agaidh no i n-etan no in smech forruimther ind athais, is moide a heraic, amail rogab isin tSenchas Mar mad fo etach bess in cned no in ainim, is luga son.		975	col. 66	concord.
YAdd.976	Nert quasi nirt a uirtute.	YAdd	976	col. 67	concord.
YAdd.977	Net a nido latine.	YAdd	977	col. 67	concord.
YAdd.978	Nia .i. trenfer, unde nasc niad.	YAdd	978	col. 67	concord.
YAdd.979	Nod a nota .i. singnum .i. failsiugad neich, unde dicitur notal .i. not uaille .i. comartha uaille hé.	YAdd	979	col. 67	concord.
YAdd.980	Nasc quasi nex, onni as nexo .i. imnaiscim.	YAdd	980	col. 67	concord.

Sanas Cormaic, version Y