Text B · Early Irish Glossaries Database

Version B = Leabhar Breac (Dublin, Royal Irish Academy, MS 23 P 16), pp. 263–72.

Ref	Text	Print ref	MS
B.554	Ochtach .i. ogtech .i. oguide a tech diabaith (ł diabuith) fair (ł foir).	31.10-11	p. 270a	concord.
B.555	Ór quasi aur .i. ab auro.	31.12	p. 270a	concord.
B.556	Orc tréith .i. nomen do mac ríg. triath enim rex uocatur unde dixit poeta Ænach tra uirc tréith .i. biad ⁊ étach logmar. clúm ⁊ coilcthe. cuirm ⁊ cárna. brandub ⁊ fichell. eich ⁊ carpait. mílchoin ⁊ estrechta archena. aliter orcc din ainm do bratan. unde dixit ceand Lomna drúth iarnabéin de .i. orcc brecc bronnḟind brúchtas demhagur fómuirib. ni labair nimtoe tuaithe tore natraic rómsi rorannsat raind nátcert Coirpri. is de tra boi andsin dosom .i. Find hua Baiscne is dó ba drúth Lómna druth (.i. mídlach). Teit din Find laa na nd forcuairt ṡelga. doruaraid Lómna ifus. boi bean do Lúignib la Find ár cach roilbe ⁊ cach roḟid nognáthaiged Find cona ḟéinn nobid ben urdhalta fora chind incachtír ⁊ batar banbrugadha (iatsen ⁊ batar maithi) doḟulang na ḟiann. ár doleath andaine darna tíre cona lamad neach [ED.olc] fri u. Tanic Find fecht i Tebtha cona feinn ⁊ luid forcuairt ṡelga cumboi Lomna leo (ł doroaraid Lomna ifos) ł tarraid Lomna iḟus. amboisium oc imdecht a muig conḟaca Coirpre (.i. fénnid do Lúignib) oclaige lamnaí Find hítaide. Rogáid tra inbean do Lómna a díchleithsin. Ba saeth laisium beith imbrath Find. Tic Ḟind iarom ⁊ benaid [ED.Lomna] ogam, iḟleisc cethercuir conadead boi innte .i. cuaille fernai iḟelaim nargait athaba iḟóthlacht iḟolurg .i. forlurg. Fer mná druithe. drúthlach la feinn forcthi. fraech forualaind luimm Lúigne. Roḟitir tra Find ascel ⁊ ba dógnassach denmhnái. Rofitir inbean din is o Lómna rofess ⁊ teit techta uathise co Coirpre ar cotísead domarbad indruad. Tanic tra codall achend de ⁊ dombert Coirpre lais. Tic iarom Find don ḟuarboith déodlái conḟaca in choland cen cend. Coland sund ce cend ol Find. Finnta dúnn ol inḟiann coich hí. dosber tra Find a ordu inabeolu ⁊ dochan tria theinm lægda conepert Niconruba arduene. niconrúba for Lúigne. contoboing nais. conepert. ni con ruba torc. ni contorgi. ni conarbert a lige Lómna. Coland Lómna indso ol Find. rucsat námait a chend di. ticsaid (.i. benaid) dona conaib ⁊ toiscelad forinslicht. Teit Find forslicht na nóg p. 270b cofuair Coirpri iḟaistig oc fuine eisc forindeoin. combi c[ED.end] Lomna forbir icontenid. In cét lucht roberbad don indeoin doroind Coirpri do tri nónbharu ⁊ nítuc drantmir imbeol in chind diṡodain. Bages [ED.las]na fianna ocus atbert iarom Orc brecc bronnfind .i. bradán dimagur. issed adhamna ⁊ araile{?}. inlucht tánaise din rannais Coirpre iterum priori modo. conepert incend iterum Rorannais rand fofæl athraind rand athbaig iarmuig medbæ mosbatoich mír metáil bidfuatni fianna lib Luagni. Cuirid amach in cend ol Coirpre cid miḟocul dúnn. dixit incend demuich Romechutar clethi cuire rith rurthig ágæ catha cetambá mescbuit. ba comælib mo aige ba cofarninda ł nimda bid mor ag tein doallasfaid Lúigne la Find din.	31.13-32.16	p. 270a	concord.
B.557	Patraic a patricio. patricius .i. pater ciuium. aliter patricius hic qui ad latus regis sedet (uel residet).	35.17-18	p. 270b	concord.
B.558	Pell a pelle.	35.19	p. 270b	concord.
B.559	Pennait a penitentia. ł pennait .i. pian áit .i. áit ipianaither.	35.20-1	p. 270b	concord.
B.560	Pecad a peccato.	35.22	p. 270b	concord.
B.561	Patu .i. poithó .i. poi .i. cos ⁊ tó din forruibi inpatu (ł pato) a chois ol niluga bís find fó fora dernaind oldas furri innúas.	35.23-5	p. 270b	concord.
B.562	Propost .i. prepost .i. praepositus.	35.26	p. 270b	concord.
B.563	Port a portu.	35.27	p. 270b	concord.
B.564	Pairche a parochia.	35.28	p. 270b	concord.
B.565	Párn .i. nomen do bloach mara. ní cach díalt tra rosegar ind. nípmachtad la nech cenofiastar can doroig bloach donní is parn. et alia similia.	35.29-31	p. 270b	concord.
B.566	Puingcne .i. screpul medhi innbiche indsin. screpall Gædel din .i. o puingc.	35.32-3	p. 270b	concord.
B.567	Pinginn salund imbe .i. seland cernæ innsin (.i. offaing).	35.34	p. 270b	concord.
B.568	Páin .i. bairgen. a páne, inde est hingaire Echach maic Luchta .i. mo tri finde fommgellsat imailt Echach ailchedáil gaire de loelig find forscing scailter codípil promtir pain la pugin puincern læsial cenach cermnas comilc coic bo bithbí codamuic midligen goss gessan cenosmessed conách inabethu baa.	35.35-40	p. 270b	concord.
B.569	Puincern din .i. cern tomais sellæ ⁊ meadh thomaiss indile .i. in mead indmeach.	35.41-2	p. 270b	concord.
B.570	Pissire .i. pissairo .i. crand lethanchend bís octomus ænpinginde tomais .i. comthrom uii. ngráine ḟírcruithnechta ⁊ decheter ethoman ⁊ nali lina uisce ⁊ naroṡuid cruas (.i. de). Piss din ainm incraind ł intoman. Piss din ainm do pengind. oenphengind din aire in chraindsin.	35.43-36.4	p. 270b	concord.
B.571	Pénd a penno. Pend i. e. a penna.	36.5	p. 270b	concord.
B.572	Pairt a parte.	36.6	p. 270b	concord.
B.573	Pertic i. e. a pertica .i. forrach tomais tire indsin.	36.7	p. 270b	concord.
B.574	Póc .i. pác quasi páx .i. e. a páce, arisairidhe sída inphóc.	36.9	p. 270b	concord.
B.575	Proind a prandio.	36.10	p. 270b	concord.
B.576	Prúll .i. áidbliugud mor ⁊ médugud. ut dixit ingen hui Dulsaine inbannlicerd frí Senchan Torpeist. himum loscit mo dínó prúll. fri sgart int écsine do muintir Senchan .i. in cerd mac hui Dulsaine o Liaig do Thairrsaig tull. Is de tra bái do Ṡenchan innísin docorustar fair techt a Manaind .i. fecht áinesa dochur cuarta innte ⁊ l. éces a lín cinmothat ecsine. Ni roibe riam umnách araile éces samail inchumdaig boi umṠenchan cinmotha a stuigen ṡuad. issed on robuidech do thimtagib ḟer nGædel inrucsat na hécis olchena umpu. Intan tra docómlasat forfairrge ⁊ docorustar aurlond fri tír adgládastar gilla anécoisc don tír inandiaid. Nomlécidsi lib olse. Dḟéchsat uli fair. níba cáin leo aécosc na alécad leo ar nirbo hén comadaiss dianelta he fora écosc nadetig. intan tra dosberead amér fora édan noṁebdais srotha doghur brén tria cluasaib achúil siar. dichroiss tar a mullach. ba cosmail fri asnige tepersu a inchinde arroemuid darroeib do madcomuanna achind ⁊ achlocind. ni anad ic tóla brénta imorro. Cuirrither hog luin adiṡúil. luathiter léig muilind a ḟégad. comdhub fri héc a drech. cuirre ina córr aurócbala adhágruad. sithiger urbuinde gabond aṡrón. marsigemnaig builg oc berbad míanaig súgad ⁊ imlécad a anala. nibendais uird do chǽir dérg ambendais a beoil do thenid. luaithither fándli nofiamain he forlár. buidither or rind aḟiacal. glassi cuileand ambun. dalurgain lomchæla lanbreca fæ. daṡerid birrdhai buide brecduba. a lurga mar chúgil. a sliasat marṡámthaig. amás mar lethmæthail. abrú mar miachbolg. a bráge mar braigit cuirre. méit muilcind milead a chend. librither gabla a láma. métither dornu mogad a durna. Diatallta de in cheirt combrecc boi uime ni bu decmaing ditecht for imirce aænur minafuirmithea cloch furri. Dorogart tra ódiucaire móir ⁊ atbert fri Senchan biam torbachu deit olse oldás inécsi ł inre foruallach forbaeth imchumachtach út fil umat. indester lat ol Senchan tig tu iarsin láid isin curach. Proimfimít fris olse. cingid forsin láid p. 271a [ED.isin curach ⁊ ba luathither lochait iar forgarmain ł grib dia ned ł séig do ail in side ruc comboi isin curach ⁊ basuaill tra nach báite in curach iarsinni robroccsat remisiuin isin dara leath in leath naill dosum ⁊ atbertsat a hængin dotrorbai beist a Senchain ⁊ bud hisin do muintir acht coroisium tir. Is desin rohainmniged Senchán Torpeist .i. Senchan dororpa peist. Recait iarom co Manaind ⁊ facsat] a coblach hitir. Amail batar isin traig conḟacutar in sentuinne mongleith mifri gh forsin carraic. [ED.sentuinne] .i. caillech ut poeta dicit Sentuind ⁊ senbachlach, ropses rapus a crinḟes, acht noconḟacnat mac de, isni thabair a primles (.i. a primgin). Amlaid boi inchaillech forsin traig oc buain femnaige ⁊ murthorad olcena. airechta gráda a cossa ⁊ a lama. acht natbi edghud maith impe. boi aṅfeth na gorta lee. ba liach son din arba hi inbannlicerd m ingen hui Dulsaine do Muscraige Liac thúill a crich hua Ḟídgenti condechaid forcuairt Erenn ⁊ Alpan combá marb a muintir uli. Boi tra incerd mac hui Dualsaine a brathair oc a hiarraid fo Erinn acht ni ḟuair. Intan tra itconairc sentuinde na hecsi imuscomarc ceptar iat. Atbert araile dib Maith reimcomarc .i. Senchan éces Erenn indsin. Inmbia forumaloit aṠenchain olsi inat fri maithuscsa. rotbia tra ol Senchan. nisam eolach imnid adbaig. ciasa femnach bolgach bug. Caide a lethcomracsin olsi. Sochtaid tra Senchan ⁊ inécis uli. Doling tra iarom in gilla remeperta forbeolu Ṡenchain et dixit achaillech ni raga illeth Senchain. nicomadais deitt. acht nomaicillse ór nitaicillfe nechaile don múintirsi. Cest tra for bannlicerd caide in lethrand. nin. olse. domhuin charrgi móri Manand, dorónad mor saland sund. ⁊ in lethrannsa tra caide a leath; imumm loiscet mo dé nó prull; [ED.I]nṡaigfe fort Senchan mad ed connige ol in gilla beos. Cest tra caide latso olsí. nin. ol esium In cerd Mac hui Dulsine o Liac Thursige thull. Fír ón ol Senchan is tusa ingen Dualsine in bannlicerd ocadathar diarrad sechnon Erenn ⁊ Alpan. Isme ém olsi. Ructharsom iarom la Senchan ⁊ doberar étach amra impe [ED.7 táinic la Senchan] dochum nErenn. Orancutar tra Erinn conḟacutar ingill remepertaige fora cind ⁊ ba hóclæch rigda ruithenta esium indsin. rosc imlebur inachind. mong órbuide lais. áilliu doḟeraib domain dó iter deilb ⁊ decelt. Teit iarsin dessiul Senchan cona muintir et nusquam apparuit ex illo tempore. dubium itaque non est quod ille poematis erat spiritus. ⁊ araile{?}.	36.11-38.9	p. 270b	concord.
B.577	Rechtaire .i. rechtorairge.	38.10	p. 271a	concord.
B.578	Ross .i. tredi fordingair .i. ross fidbuide. ross lín. ross uisce. sain din cúis [ED.asa rohainmniged] cachæ. ross fidbuide cétamus .i. rói oss. ross lín din .i. roḟás. ross uisce tra roḟoss ni bí acht formarbuisce.	38.11-14	p. 271a	concord.
B.579	Réim .i. nomen do fuirseoir. fobith cach riastarda dosber fora aigid cuchách.	38.15-16	p. 271a	concord.
B.580	Rinntaid nomen doḟir ærad rindas cach naigid noescaid.	38.17	p. 271a	concord.
B.581	Rot .i. rout .i. roṡét .i. mó oldas sét .i. semita unius animalis. Attát tra ilanmanna for conairib .i. sét. rót. ramut. slige. lamrotæ. tuagrotæ. bóthar. sét cétamus ut prediximus. Rout .i. dacumat{?} ł dachuat carpat do ænach dæ imme doronad fri hecraite mendota formedón. Rámut .i. mó oldas rót .i. urscor bís for urdhúnib rig. cach comaigdech atír doró chuige dlegar de a glanad. Slige din doscucnad charpat sech araile darónta fri himcomarc da charpat .i. carpat rig ⁊ carpat epscoip conḋechaid cachæ dib sech araile. Lamróta .i. iter daṡligid. slige dar tuaiscert mendota araile dar a descert. fri a lessu fri cæ dorónad. Tuagróta fochren fertrebar conair doascnám roitói ł slébe. isi iarom aḟochraic .i. aaním aneim atræt cachla bliadain. Bothor tra .i. talla dí boin. alanæ forfot araile for tarsna fora tallut a læig ł aṅgámna inaḟail. mad inandiaid bess iurtais inbó bes daessi. Attát teora glanta do cach ae. tri haimsera inglantar .i. aimser echruathair. aimser chuæ. aimser coctha. Ite a tri glanta .i. glanad aḟeda ⁊ auisce ⁊ achoclaid. Ite acsi foranglantar .i. arnéllned acharpat oc dul for coe. arnéllned a echraide oc techt do ænach. achoclaid ara hesarlathar nech fair oc techt fri ł fothress ⁊ araile{?}.	38.18-40	p. 271a	concord.
B.582	Reo .i. grec. reo .i. enim grece gelu latine dicitur.	38.41	p. 271a	concord.
B.583	Ringcne quasi quinque. inde dixit Ferches intan boi Find h. Baiscne oc rím cach u.ir [ED.cóicir] iarnuair doṡlogaib [ED.maic] Con do chuinched na fiann dó .i. do Ferches. lasin tra atracht [ED.Ferc]hes tria na fuachtname {?} seoch Find ⁊ doléic insleig for Lugaid [ED.comb]omarb ⁊ atbert Ringcne ris rig. [ED.dodernai]d Find fos onarrimead cach cóicer carincne arnuair. Ri[ED.ngcne din .i.] quasi quinque ⁊ araile{?}. p. 271b	38.42-39.5	p. 271a	concord.
B.584	Robuth quasi remḟuath. ł robuth. din. .i. [ED.rem]bubtad.	39.6	p. 271a	concord.
B.585	Retglu .i. retgle .i. gle solas.	39.7	p. 271b	concord.
B.586	Roth .i. a rota .i. a cuairt.	39.8	p. 271b	concord.
B.587	Rudrad .i. rodúrad.	39.9	p. 271b	concord.
B.588	Rucht .i. inar. ut dixit Fercertne .i. hinḋeich ruchtaib derga.	39.10-11	p. 271b	concord.
B.589	Ruam quasi Rom .i. a Roma.	39.12	p. 271b	concord.
B.590	Rangc .i. in sessed cenél na máile. rangc din .i. na husine arda. Rach din ise raut na máile othá edan comullach. Romáile iter da hó uli. Saltria sa .i. as a ḟirmhullach mæl tairside combi a chassi buide inamullach amail sáil duine tre assa. Buide reid .i. maile o cheand uli annsin ł máile combi glelomm. Imspelp tra .i. folt cechtar adá lethcend ⁊ rót otha int edan conice achúl. ui. cenéla maile indsin.	39.13-20	p. 271b	concord.
B.591	Rigan .i. rigbean ł rígein.	39.21	p. 271b	concord.
B.592	Raithnech ab eo quod est ratis latine .i. rait ł raithnech.	39.22	p. 271b	concord.
B.593	Ruam .i. roéim .i. luss dosber dath ł cucht in faciem cumbi derg. inde dicitur ruamnaig ł ruanaid.	39.23-4	p. 271b	concord.
B.594	Roscad .i. róindsce .i. dodhechaid in ord insce .i. scath. inde dicitur Duil Roscadach.	39.25-6	p. 271b	concord.
B.595	Relec .i. rélic a reliquis sanctorum. Relec din .i. réill a héc ł a hicc ł a hacc.	39.27-8	p. 271b	concord.
B.596	Rop ⁊ rap. rop tra cach na nmunda gonas. ut sunt uaccae. rap din cach na nmunna ṡrengas ut sunt sues sed tamen uicissim commúniter dicuntur. rap din ab eo quod est rapio. robb ab eo quod est robustus.	39.29-32	p. 271b	concord.
B.597	Ribar .i. criathar.	39.33	p. 271b	concord.
B.598	Riss .i. cach scél ⁊ faisnés. Risse din .i. scéla. inde dixit Coirpre mac Etnai isin cétna æir doronad a nErinn prius .i. cendíl dáime rissi robsean Bresei .i. do Breass mac Elathain sin.	39.34-7	p. 271b	concord.
B.599	Ruadrofessa .i. nomen in Dágdha.	39.38	p. 271b	concord.
B.600	Ruamni ass .i. liass ⁊ buidetu.	39.39	p. 271b	concord.
B.601	Sanct Brigit .i. næm Brigit indsin.	39.40	p. 271b	concord.
B.602	Súil quasi sol aristrithe ata sollsi do duine. Sollsi ab eo quod est súil.	39.41-2	p. 271b	concord.
B.603	Solas a sóle.	40.1	p. 271b	concord.

Sanas Cormaic, version B