| Ref | Text | § | Print ref | MS | |
|---|
| La.1 |
[Iarnbérla] hurusa a thascelad ind.
|
| 156.1 | fol. 79ra | concord. |
| La.2 |
IMbas forosnai .i. do ḟuarascaib sechiret bas maith lasin filid ⁊ bas adlacc dó do ḟaillsigud. Is amlaid ón didiu dogníther ón .i. concná in fili mír do charnu dirg muice ł chon no chaitt ⁊ dabir iarum forlicc iarcul na comlad ⁊ dichain dichetal fair ⁊ atopair do deib idol, ⁊ cotagair do, ⁊ nifargaib iarum arnabarach, ⁊ dicain iarum foradabas, ⁊ congair deo idol chuici arna tarmescatar a chotluth, ⁊ dobeir a da bois ima da leccoinn ⁊ contuili, ⁊ bithir oca horairi ar nach nimprá ⁊ connach tar mesca nech, ⁊ do adbenar do iarum aní arid mbói cocend no maithe ł adó ł atrí fut gardi cotmeissed occond audbairt. Et ideo imbas dicitur .i. bas diṡiu ⁊ bass anall ima cenn. Atrarpi Patraicc anisein ⁊ a tenm láida, ⁊ fortrorgell napanime na talman nach oen dodngéna, ar is diultud bathiss. fol. 79rb Dichetal do chendaib immorro i corus cherdæ for acbad son, ar iss oas fotera son, ⁊ ni hecen audpairt do demnaib occu, acht aisnéis di chendaib achnáme fochétoir.
|
| 156.2-17 | fol. 79ra | concord. |
| La.3 |
[L]æch a laico
|
| 156.18a | fol. 79rb | concord. |
| La.4 |
Laichess .i. læch ⁊ fess ⁊ din feis foas la læch.
|
| 156.18b | fol. 79rb | concord. |
| La.5 |
Ligur .i. tengu
|
| 156.19 | fol. 79rb | concord. |
| La.6 |
Lugnasa .i. nasad Loga maic Ethlend .i. oenach nofertha laissom im thaitti fogomair
|
| 156.21-2 | fol. 79rb | concord. |
| La.7 |
Lelap .i. lau lep .i. láu cech mbec
|
| 156.22 | fol. 79rb | concord. |
| La.8 |
Lesmac .i. lismac .i. arindi dofuisim liss dondir ł don mnai inti is lesmac do nechtar de. Síc lessathair ⁊ lesmathair. Lis dano quasi lis .i. immorgal no debuid.
|
| 156.23-5 | fol. 79rb | concord. |
| La.9 |
Legam .i. ligem .i. dind lige liges an etag. Ligáith .i. aith fri liga, ní ariu em nad fosadsom fri cech nétach ceni betis liga imbi, acht is menciu ara cialltar ⁊ fossaimther a nétach líga quam aliud uesstimentum
|
| 156.26-9 | fol. 79rb | concord. |
| La.10 |
Lecconn .i. leccend .i. leth chenn
|
| 158.1 | fol. 79rb | concord. |
| La.11 |
Lasamuin ab eo quod est lassfol. 79rcim .i. cech nán.
|
| 158.2 | fol. 79rb | concord. |
| La.12 |
Lemlacht .i. lacht téith .i. lem cech téith
|
| 158.3 | fol. 79rc | concord. |
| La.13 |
Loch déde fordingair .i. loch .i. dubh. unde dicitur assoilgi laith loch bronna .i. dub bronna .i. cid dorche samud cáich ⁊ cid rúndu riam ⁊ iarum, do cruidi a rúna laith do ól. Loch dano .i. huili unde dicitur loch dub .i. huile dub
|
| 158.4-7 | fol. 79rc | concord. |
| La.14 |
Laarg .i. leo ball ⁊ arg .i. læch, ball dagláich insin .i. a (h)age.
|
| 158.8-9 | fol. 79rc | concord. |
| La.15 |
Lam .i. luam an chuirp.
|
| 158.10 | fol. 79rc | concord. |
| La.16 |
Lamas .i. lam ḟoss .i. foss láme
|
| 158.11 | fol. 79rc | concord. |
| La.17 |
Lámand .i. lám ind .i. ind na laime etithir di.
|
| 158.13 | fol. 79rc | concord. |
| La.18 |
Lautu .i. lu cach mbecc .i. mér is lugu fil forsin láim.
|
| 158.14 | fol. 79rc | concord. |
| La.19 |
Lie ab eo quod est lidos greice interpretatur lapis.
|
| 158.15 | fol. 79rc | concord. |
| La.20 |
Laith .i. déde fordangair .i. laith ⁊ láith gaile .i. med ut prediximus etir laithi Lugbai .i. a med Lugbai cherrda dorrumidir Fachtna a nargat ar na bu ⁊ rl. INtan tra as forsail forid mbi is and sluinit hoc.
|
| 158.16-19 | fol. 79rc | concord. |
| La.21 |
Laṅgpeitir .i. aingliss insin. lang didiu .i. fottae, phetir immorro glass. laṅgphetir didiu .i. glas fota .i. itir chois níarthair fol. 79va ⁊ chois nairthir bíid. Non síc aurcomal .i. aur accomol .i. itir di choiss airthir bíd son.
|
| 158.20-3 | fol. 79rc | concord. |
| La.22 |
Lecht ab eo quod est lectus.
|
| 158.24 | fol. 79va | concord. |
| La.23 |
Long bis for muir ab eo quod est longao.
|
| 158.25 | fol. 79va | concord. |
| La.24 |
Luachair .i. taitnem ab eo quod est luceo ł lux quasi lucar.
|
| 158.26-7 | fol. 79va | concord. |
| La.25 |
Lebor quasi libor a libro.
|
| 158.28 | fol. 79va | concord. |
| La.26 |
Lot quasi lot ar is lott do mnai mertrichus.
|
| 158.29 | fol. 79va | concord. |
| La.27 |
Láth quasi luth.
|
| 158.30 | fol. 79va | concord. |
| La.28 |
Loman .i. lom fann, sech is lom is fand.
|
| 158.31 | fol. 79va | concord. |
| La.29 |
Laithirt .i. laith ort .i. lait rodnort, .i. ól corma.
|
| 158.32 | fol. 79va | concord. |
| La.30 |
Lugbort melius est .i. lubgort .i. luib gort, ut dicitur gort luibe.
|
| 158.33-4 | fol. 79va | concord. |
| La.31 |
Lín a líno.
|
| 160.1a | fol. 79va | concord. |
| La.32 |
Léne a línía.
|
| 160.1a | fol. 79va | concord. |
| La.33 |
Lánamain .i. lán ṡomain insin, ar is lethsomain nechtar de sech araile.
|
| 160.2-3 | fol. 79va | concord. |
| La.34 |
Lethech .i. deide foringair .i. ainm do ceneliu eisc dianid ainm .i. ar a lethet ⁊ ar a tanadetaid, ar is mór lethet neich de bís in ociano. Ainm dano do losait arindí lethaidir bargin fuirri, amail isbert Cruiteni fechtas luid do thig araile éicis ⁊ a gilla leis .i. écsini side co menmain fithidrea. farrolaig didiu Cruiténi fadesin hi mmaig. leigis a gilla do hóigedecht do thig ind éicis. Tobreth didiu tarr tuirc dó i scabáil ⁊ rofol. 79vbbói calleic int éices occ acallaim ind eicsine, ⁊ oc cur súla tar a frithgnam. Rorataigestar iarum int éices mórmenmain ind eicsine ⁊ laget a frithgnama. Intan didiu rombo bruithe in tairr asbert int éices fiad ind ecsiniu .i. Dofotha tairr tein .i. is míthig a thisceil dintein, ⁊ is ba co feissed son cia frecra doberad int éicsine dó, fobith rachualasom int éices oc gamaidim ala naile nairecc ninganta amal bidhe feisin aratissed ⁊ niro son immoro int eces, do promad ind eicsine .i. tofotha tairr tein, et tribus uicibus dixit, et non respondit éi ad ullum uerbum. Laissein didiu attraig int eicsine ⁊ teit cosin mbale i mbai Cruiteni, ⁊ adfét scela dó, ⁊ asbert fris a naithesc roradi int eces .i. tofotha tairr tein. Maith, ol Cruitene, intan assmbéra affrísi asberasa fris occa .i. tói lethaig foin fris .i. fon tairr ⁊ frisindle chaindill do deicse dús in bruithe in tairr. INtan didiu dofessid int eicsine isin tig thall dixit int ecess a cetnae, ⁊ dixit int eicsini fol. 79vc tóe letaigh 7rl. Maith son, ol int éces, ni bru ecsini rodtorinnai, isin ocus atá Cruiteni. Cotngair de muig. Conacrad iarom. Ferthair failti fris ⁊ doberar biad naill hi coiri do suidiu ⁊ ba becc a menmae de in eicsine fobith cotnuaitib int éces cech notnaiclestar Cruitini.
|
| 160.4-31 | fol. 79va | concord. |
| La.35 |
Leos .i. imdergad immandergthar duine iarna hair no iarna hecṅug.
|
| 160.32-3 | fol. 79vc | concord. |
| La.36 |
Lóes .i. suilse ut est in Dúil. Griniud lois .i. díbud suilsi .i. caindli. Item aigid ḟir imme lois luinethar .i. immatimchella suilse.
|
| 162.1-3 | fol. 79vc | concord. |
| La.37 |
Luacharnn quasi lúcernn .i. a lucerna.
|
| 162.4 | fol. 79vc | concord. |
| La.38 |
Modebroth ol Patraicc, quod Scoti corrupte dicunt. síc autem dici debet .i. muin duiu braut. a muin didiu is meus, an duiu is deus, am braut is iudex.
|
| 162.5-7 | fol. 79vc | concord. |
| La.39 |
Marcc .i. ech. marcach .i. eich imdai laiss, ut dicitur buasach in fer lasa mbit bái imdai, airmnech dano in fer techas arbur nimdai 7rl. Síc airgtech, coilcthech.
|
| 162.8-10 | fol. 79vc | concord. |
| La.40 |
Mathair quasi mater, arissed rotruaillned and.
|
| 162.11 | fol. 79vc | concord. |
| La.41 |
Mid .i. combrecc rotruaillned and .i. med.
|
| 162.12 | fol. 79vc | concord. |
| La.42 |
Methil quasi metil, ab eo quod est méta uel meto. fol. 80ra
|
| 162.13 | fol. 79vc | concord. |
| La.43 |
Muccairbi .i. mac fuirmid .i. is mac dán dofuirem a dána.
|
| 162.14 | fol. 80ra | concord. |
| La.44 |
Malland .i. féith bis tarsa mullag anuas, quasi mulland.
|
| 162.15 | fol. 80ra | concord. |
| La.45 |
Mass quasi a masa.
|
| 162.16 | fol. 80ra | concord. |
| La.46 |
Milliud quasi misilliud .i. silliud olc.
|
| 162.17 | fol. 80ra | concord. |
| La.47 |
Míscath .i. mi insce. scath .i. insce.
|
| 162.18 | fol. 80ra | concord. |
| La.48 |
Milgetan .i. Mol-chuiten .i. cuit Muil dorsada Temrach. Mol didiu a ainm side, deg in muil noferad forna dúinib .i. tait ass, tait ind. inde dicitur molach.
|
| 162.19-21 | fol. 80ra | concord. |
| La.49 |
Melgg as, arindi mblegair. Melgg dano .i. bás, unde melg-tene .i. tene mbáis.
|
| 162.22a | fol. 80ra | concord. |
| La.51 |
Morann .i. morḟind. bahed insin a hainm dobert a mathair dó, ⁊ asbert robad bibdu báis nach eberad fris. Moc múin immorro issed ainm dobert a athar do .i. ba muin maith in mac. ⁊ ba bidbu báis nach eperad fris in ainm sin. Rolellatar iarum a dá nainm in fer in dún oenanma. Mac som Choirpri Chind chaitt immorro.
|
| 162.24-9 | fol. 80ra | concord. |