Sanas Cormaic, version La

Version La = Oxford, Bodleian Library, MS Laud 610, fols. 79r–80v, 83r–86r.

220 entries. Page of 5.
entries per page.
RefText§Print refMS 
La.52 Menath .i. min áith. 162.30fol. 80raconcord.
La.53 Moth .i. cach ferdae .i. cech insce, et nomen uirili membro. 162.31-2fol. 80raconcord.
La.54 Man .i. a manú. 162.33fol. 80raconcord.
La.55 Manach .i. a monacho. 164.1fol. 80raconcord.
La.56 Monach .i. clessach, ab eo quod est mon .i. cles. 164.2fol. 80raconcord.
La.57 Methoss .i. a meta. 164.3fol. 80raconcord.
La.58 Molad fol. 80rb .i. is mol am menciis od ara gnaithi. 164.4-5fol. 80raconcord.
La.59 Menmchossach .i. menmae chassach .i. caingnech. 164.6fol. 80rbconcord.
La.60 Muirtchend .i. ab eo quod est morticinium. 164.7fol. 80rbconcord.
La.61 Muilend .i. molond .i. cloch, arised déde as muilend i mmulinn. 164.8fol. 80rbconcord.
La.62 Mertrech ab eo quod est meretrix, merendo pretium stupri. 164.9fol. 80rbconcord.
La.63 Mátt .i. mucc, unde est isna Brethaib Nemed .i. forruachtatar mátta mothuindi torgabail 7rl. 164.10-11fol. 80rbconcord.
La.64 Mann .i. unge .i. unde Sencha dixit, ailib imdergad Emnæ. Admiudur de secht cactu cichsite crisu. Secbt mugu moigfite morgnimu mugsaine. Secht manna óir forloiscthi frifialgnúis cona chaurathaib Conchobuir. 164.12-17fol. 80rbconcord.
La.65 Munnu .i. finnu .i. ainm buide Fintain enim dictus est .i. unde Moedóc Ferna dixit occ áir Munnu maic Tulchain, A chelén chumachtaig, a maic Tulchein, a bachlaich! ruc mac n-annsae dia muintir, mathair rothuc, a ḟintain! 164.18-23fol. 80rbconcord.
La.66 Milis quasi mellie .i. isin andmel. 164.24fol. 80rbconcord.
La.67 Mál .i. fili, unde dicitur Ni naiss ór na hargatt fol. 80rc acht for mál. 164.25-6fol. 80rbconcord.
La.68 Mairenn .i. déde fordingair. ainm cetamus do mnai .i. moḟind. ainm dano do gái .i. mírind .i. droch rind .i. fodera bás. 164.27-8fol. 80rcconcord.
La.69 Mugeme ainm in cetna oirc cetarabe i nHére .i. Coirpri Musc ceta tucside in Ere a tirib Bretan. Ar intan ropumor cumachta na nGoedel for Bretnaib rorannsat Albain eturru hi feranna, ⁊ roḟitir cách durais dia charait leo. ⁊ nibu lugu notrebtaís Goedil fri muir anair quam in Scotia, ⁊ doronta a n-airusa ⁊ a rigdúine and. Inde Dind Tradui .i. dún tredui .i. tredue Crimthain Moir maic Fidaig .i. ri hEirennAlban co muir nIcht. ⁊ inde est Glassdimbir .i. cell for brú mara hIcht. Iss ed aruiss insin i rrobai Glass mac Caiss muicid rígh Hirhuaithi occ mucaib for mess, ⁊ is insin dodersaig Patraicc iartain .i. se fichit bliadnae iar nguin do fiannaib Muic Con, ⁊ is dind raind sin beos ata Dind Map Letani hi tírib Bretan Corn .i. Dua mac Liathan. Síc rorann cach cenél disiu, ar robói a chutrumu allæ anair, ⁊ robatar fon chumachtu sin co ciana cid iar tichtain Patraicc. Disin trá didiu robói Coirpri fol. 80va Musc occ aithigid sair co a muintircoa cairdea. Ni thanic didiu ind inbuid sin oircci tír nÉirenn, ⁊ ascongrad la Bretnu na tarta oiroi i ndáil na haiscid na caratrad na cormmain do Goedelaib. IS tra cáin robói ind inbaid si la Bretnu, Cech bidbu innachinaid do neoch foroesad. didiu oirci aimind i sseilb charat Choirpri Musc hi tirib Brettan, ⁊ atroe Coirpri huad. Dochuaid dano Coirpri corfectais athaigsidi, ⁊ forricc lo failti act immonoirci. Scían amrae dano la Coirpre Muscimdénam de órdo argat ima heimh, ⁊ basét amrae 7rl. Tobert iarum Coirpri beóil comórconammelt saill fo an em. Foracaib in scin ar belaib ind oirci. Rogab iarum int oirci cocnam ind eme co matain .i. roluited iarum in scían conabud alain arnabárach. Dogéni iarum Coirpre cáis móir denin, ⁊ ba bronach, ⁊ condaig cert nimbi coacharaitt. Indraicside, dano fol. 80vb icfasa inchinaid, oll suide. Ni gebsa, ol Coipre, acht hi fil hi cáin Bretan .i. cach bibdu inachinaid. Iarsein tra dobreth int oirci inna chinaid, ⁊ dobreth ainm .i. Mug heme. Ba banchú tan int oirci, ⁊ ba torrath intan dobreth tairis mall. Ailill Flann Bec tra ba ri Muman in tan sin, ⁊ Cormuc hua Cuind hi rrigu Temrach. Do indarscansat aidi fo chetoir cuinghid ind oirci. Is he iarum cruth rocoraiged eturra a triur, aimser chinti dobeith don choin hi tig cachae. Doithid iarum in rohuc cách cuilén di cuain, ⁊ is on choin sin oirci Heirenn, ut Scoti perhibent. Ba marb tra int oirci. Iar reib cianaib, immorro, fofuair Connlae mac Taidg maic Céin maic Ailella Oluim clocenn lom ind oirci, ⁊ dobert hi ceist dond filid doluid co n-airchetul dia athair .i. Moen mac Etnae nomen poetæ illius. Tethnae iarum, int éces tre tenm leido, co n-epert, Cáin tonna húi fol. 80vc Eogain, íth hi tig húi Chuin cachthádath tobaraind. Basa coem hi tig Choirpri Musc, a Mug héme. Cend Moga heime inso, ol se, in cetna hoirce dobreth in Hérind. 164.29-168.8fol. 80rcconcord.
La.70 Mumu de nomine alicuius regis, id est Eochu Garb Mumu .i. Eocho Mumo .i. mo a greimm ⁊ a greitt ⁊ a chumachtae oldás cach , ⁊ is di anmuim rohainmniged MumuMuimnig dicuntur. 168.9-11fol. 80vcconcord.
La.71 Mug quasi múch, ar is fo múichfo thodernam fognama bís. 168.12fol. 80vcconcord.
La.72 Mugsaine .i. quasi mug snime .i. snim bíss for menmain in moga. 168.13fol. 80vcconcord.
La.73 Much tra ainm saindiles do diaid, unde dicitur muchad. 168.14fol. 80vcconcord.
La.74 Mil .i. mel rotruaillned ann. 168.15fol. 80vcconcord.
La.75 Midach quasi medic, ab eo quod est medicus. 168.16fol. 80vcconcord.
La.76 Mér arindi is a hóenur bith isind alt imbi .i. inna meracht, ⁊ is a hoenur téit quasi merulus .i. lón, et inde merulus grece quod uolat solus, ⁊ gnáth én aile cid dia chinel fodeisin ina cóimtecht. 168.17-19fol. 80vcconcord.
La.77 Meracht quasi mericht .i. icht ł acht mér .i. gnim mér ab eo quod est actus. 168.20-1fol. 80vcconcord.
La.78 Mairt .i. a Marte .i. o dia chatha la genti dianid ainm Mars, is do cona secrad allathisin fol. 83rainmi dianid ainm Mártius .i. mi marta. 168.22-4fol. 80vcconcord.
La.79 Míndech quasi mendic .i. ab eo quod est mendicus. 168.25fol. 83raconcord.
La.80 Mart a morte, quasi mort. 168.26fol. 83raconcord.
La.81 Mortlaith .i. a mortalitate. 168.27fol. 83raconcord.
La.82 Manannan mac Lir .i. cennaigi amrae robói i nn-inis Manand. Is lúam is dech robói for muir in iarthar domuin. Rofinnad tria nemgnacht (.i. gne nime) .i. tria deicsin ind aeoir, inderet nombiad intṡuithnenn a ⁊ intan conoemchlabad cechtarde arré. inde Scoti et Britónes eum deum maris uocauerunt, et inde filium maris esse dixerunt .i. mac lir, et de nomine Manann insola Manannan dicta est. 168.28-34fol. 83raconcord.
La.83 Nie .i. mac sethar. ut Chulaind dixit, profetans de Christi aduentu .i. nie duine ticfa .i. mac sethar .i. mac sethar duine ticfa, ipse est Iesus. 170.1-3fol. 83raconcord.
La.84 Nemnall issed ainm as moaib de anmonnaib Héirenn insin .i. nemnuall .i. nuall fer nime imbi. 170.4-5fol. 83raconcord.
La.85 Nínus .i. ninos .i. nin .i. tonn fol. 83rb .i. tond fairgi aníar. dodeochaid iarsind aéor condaformimi isintír, condeirgéni tiprait . Inde dicitur Corcumruad Nínuiss. 170.6-9fol. 83raconcord.
La.86 Nemeth .i. nemiath anas dírde do heclais; nemáath anas dírde do ócaib; nemhuath anas dírde do filedaib. 170.10b-11fol. 83rbconcord.
La.87 Néit dia catha la gente Goedel. Nemon uxor illius. 170.12fol. 83rbconcord.
La.88 Niacc quasi nécc. 170.13fol. 83rbconcord.
La.89 [Nith] .i. guin duine. 170.14fol. 83rbconcord.
La.90 Ner .i. torc allaid, ut est isnaib Aistib .i. fail nir néit grífe grádaichdae. 170.15-16fol. 83rbconcord.
La.91 Nóe .i. duine, unde dicitur diandama noe fortír .i. dían dama duine fortir. 170.17-18fol. 83rbconcord.
La.92 Noes .i. fess nónbair .i. tri rígtri epscoiptri suid .i. súi filidechtasúi litresui bélrai Féne. Robatar huili oc denam int ṡenchasa. 170.19-21fol. 83rbconcord.
La.93 Nim .i. bróen, ab eo quod est nimbus. Inde dicitur isna Brethaib Nemed .i. Oengus fo hóiblib imbais aricht roluisc, leth fo nimib nimb. 170.22-4fol. 83rbconcord.
La.94 Nairnne .i. glaine, no nairnne, amal bid naire nobeth and. Senbelræ didiu a nnaire sin. Is inannasbertha écin. Is gnath bélrasom fol. 83rc tra la hIrmumain maxime, unde dicunt Infil ni bes toich duit? Fil naire, ar in ti dia nimcomarcer .i. fil eicin. 170.25-9fol. 83rbconcord.
La.95 Nith .i. guin duine. Nie in fer dodngni. Neithes dano .i. guin duine. ut est idnae nethis nemthigedar. 170.30afol. 83rcconcord.
La.96 Nescoit .i. isé senchas Goidhel .i. intan fechtae cath Muige Tuiredh bui Goibhne gobae isin cerdchai oc denum na narm do Thuathuibh nDea Domnand, ⁊ búi Luchtaine soer fri denum crand isna goa, ⁊ boi Credne cerd fri denum semmend inna ngoe, et dicunt autem Scoti quod Gobne gobae astas faciebat fri teora gressa, ⁊ ba feth in gres dédenach. Dogníth dam Luchtaine sóer fri teora snassa, ⁊ ba feth int snas dédenach. Sic et Credna na semmand. Dobidgged iarum Goibne asin tenchair na goa conglentais isind aursain. Dolleiced Luchtaine Saer na cranna inna ndíaid, ⁊ balor insma doib. Dobidged iarum Credene cerd na semmend a bélaib na tenchoire, ⁊ balór fol. 83va inamai doib 7rl. Cene tra buí Goibne gobae occon dísin líthe bine foramnái. Adfiadareon didiu do Gobnind, ⁊ ba saeth lais, ⁊ ba hetaid imbi. Issed didiu dogéni fris .i. búi crann innalaim intan adféss a scél .i. ness a ainm, is imbi dogníther ind aurneisi criad. Dicain didiu forsa crand sin, ⁊ cach fer doniced dobered fuasmaind don crand. adellad iarum in duine do hurgbad fo cétoir cnocc ann lán do loimm chrúgur, ⁊ foloisced in duine amal tene, ⁊ huaire ba fuath in craind dianid aimn ness nobid forsin cnucc. Is aire roainmnigset ond anmuim sin as nescoit .i. nessscoítt .i. lind. Ness tra cetharda fordingair .i. ness cétamus ainm ind anmandai 7rl. Ness ainm don chrund ut praediximus. Nees dano ainm dond aurnisi criad féssin, amal asbert ben araile goibenn dorigéni marbnaith doa fir dicens Ba dirsan lim sella fol. 83vb friss, forbir ifrig derc aniss, ba binniu nochantais dord, fri derc anise adabolg. Ness dano ainm don beimmdon crecht, ut est isin Tenchas Már .i. a grannib cachtomes, a Fenib gach forus, ammaínib cach mess. a dirib cuirp duine, citili a fuili, rohordaiged ness .i. amal mbes aurgnatu la in baill isin duiniu hi fuirmither increcht is fai dano bíth indéraic .i. uerbi gratia .i. mad indagaid no inétan no ismech forrumither incréht ł inaithiss is móiti a héraic 7rl. amal rongab isin Tenchus Már .i. mad fo hetach immorro bis in crecht ł ind ainim is lugu son. 170.32-172.17fol. 83rcconcord.
La.98 Olldam{?} .i. oll adám .i. cethrar ar .xx. Aliter ollhuam .i. amas nanndae saigid huame bis inaild síc is doirb saigid for dáneisi ind ollaman. Ailiter olldieim .i. oll aní dieim. 174.1-4fol. 83vbconcord.
La.99 Ói .i. cauru, unde dicitur oisc .i. ói ṡeisc. 174.5fol. 83vbconcord.
La.100 Omelgg .i. ói melg .i. isi aimser insin hitic ass cáirach melgg fol. 83vc .i. ass arindí melgair. 174.6-7fol. 83vbconcord.
La.101 Óen quasi ún, ab eo quod est unus. 174.8fol. 83vcconcord.
La.102 Oénach .i. une ech. 174.9fol. 83vcconcord.
220 entries. Page of 5.
entries per page.