Sanas Cormaic, version M

Version M = Book of Uí Maine (Dublin, RIA, MS D ii 1), fols. 177r–84ra [119r–126ra].

651 entries. Page of 14.
entries per page.
RefText§Print refMS 
M.452 Laith .i. dede fordingair. laith .i. laith gaile .i. med ut prediximus etir laithi lugbai .i. ammeid lugbai cerda. dorrumidir fachtnæ a narget ar na bu 7rl. Intan tra as forsail forid imbi . is and sluindit li. 811fol. 181raconcord.
M.453 Laṅgpheitir .i. anglis insin. lang didiu .i. fota pheitir immorro .i. glass. Laṅphiteir .i. glass fota .i. etir cois n-iarthair 7 cois n-airthir bid non sic aurchumul .i. etir di choiss n-airthir bid son. 811fol. 181raconcord.
M.454 Lecht ab eo quod est lectus. 813fol. 181raconcord.
M.455 Long bis for muir ab eo quod est longua. 814fol. 181raconcord.
M.456 Luachar .i. taitnem ab eo quod est luceo ł lux quasi luchar 815fol. 181raconcord.
M.457 Lebor quasi libor a libro. 816fol. 181raconcord.
M.458 Lott quasi lott ar is lot do mnai meirdrecas. 817fol. 181raconcord.
M.459 Lath quasi luth. 818fol. 181raconcord.
M.460 Loman .i. lommfand, sech is lomm is fand. 819fol. 181raconcord.
M.461 Laithirt .i. laith ort .i. laith ronort .i. ol corma. 820fol. 181raconcord.
M.462 Lugbart melius est luibgort. ut dicatur .i. gort luibe 821fol. 181raconcord.
M.463 Lin a lino. 822fol. 181raconcord.
M.464 Lene a linia. 823fol. 181raconcord.
M.465 Lanamuin .i. lansomain ar is lethṡomain nechfol. 181rbtar de sech alaile. 824fol. 181raconcord.
M.466 Lethach .i. dede fordongar ainm cetumus don chenelu eisc dianid ainm for a leithe 7 ar a thanidetaid air is mor leithet neich bis de in occiano, ainm dano do laithi arindhi leathaitir bairgin fuirri. amal asmbert cruithene fechtas luide do tig alaile eicis 7 a gilla lais .i. eicsein eside com menmam fithidrea. Forrolaig di cruithne fadeisin i maig 7 leicis a gilla do huigidacht do thig indeicis. Dobreith didiu tarr tuirc do i seabul 7 roboi colleic int eicess oc acallaim ind eicsine 7 oc cur sula dar a frithgnam. roraigestar int eicess iarum mormenmain ind eicsin 7 laiget a frithgnama. INtan didiu robo bruithe in tarr asbert int eiceis fiad ind eicsene .i. tofotha tairr tein .i. is mithig a thecbail dentein 7 is ba co fes acht som cia freacra toberad ind eicsene dho fobith rocualasom ind eicess oc cumaidim ala naile nairec ingante amal bid e fessin ardais sed 7 ni rocretison int eicess . immorro. ba airi immorro asbert int eices do fromad ind eicsene inofotha tairr teini 7 tribus uicibus dixit. 7 non respondit ei ad ullum uerbum laisin didiu a traigh ind eicsene 7 teit cosim bale 7 i mbai cruithene 7 adfed scela do. 7 asbert fris a nathesc roradi int eices .i. tofota tarr tein. maith ol cruithne. intan asmbera afrissi asbera sin fris occa .i. toi leataig foin fris .i. fon tairr 7 frisindle chaindil do deicse dus in bruthe in tairr. INtan didiu dofeissidh int eicsene toe lethaig 7rl. Maith son ol ind eices ni bru ecsene rod tormai isin occus ata cruithene. Cotngair de muig conucrad iarom ferthair failte fris 7 doberar biad naill hi core desiu 7 ba bec a menma de ind eicsene fobith cotnaitib int eices. ce chotnaiclestar cruithne. 825fol. 181rbconcord.
M.467 Leos .i. imdergad immadergadar dune iarnd air ł iarn ecduch. 826fol. 181rbconcord.
M.468 Loess .i. suillse ut est isin duil rosgad grinniud loiss .i. dibdud suillse ut est isin duil .i. cainnle. Item aiged fir immu loess lumethar .i. immathimcela suillse. 827fol. 181rbconcord.
M.469 Lochrann quasi lucernn .i. a lucerna. 828fol. 181rbconcord.
M.470 Modebroth od Padraicc, quod Scotici corrupte uocant. sic autem dici debet .i. muin duir brait. a mmuin didiu is [oins?], an duir is ed am braut is iudex. 850fol. 181rbconcord.
M.471 Marc .i. ech. marcach .i. ęch imdai laiss, ut dicitur buasach in fer lais i mbit bai imdai, airmnech dano in fer techtas arbur nimdai 7rl. fol. 181va Sic aircgthech colcedach. 851fol. 181rbconcord.
M.472 Mathair quasi mater, arissed rotruaillnead and. 852fol. 181vaconcord.
M.473 Mid .i. combrec rotruaillnead and .i. med. 853fol. 181vaconcord.
M.474 Methel quasi metil, ab eo quod est meto ł meta. 854fol. 181vaconcord.
M.475 Muccurbi .i. mac fuirmid .i. is mac dian do fuirem a dana. 855fol. 181vaconcord.
M.476 Mallann .i. feith bis tarin mullach anuas, quasi mulland. 856fol. 181vaconcord.
M.477 Mass quasi massa. 857fol. 181vaconcord.
M.478 Milliud quasi misilliud .i. silliud olcc. 858fol. 181vaconcord.
M.479 Miscad .i. mi insce. scath .i. insce. 859fol. 181vaconcord.
M.480 Milgetan .i. Molchuiten .i. cuit muil dorsaire temrach. Mol didiu a ainm side daig in muil noferad forna duinib .i. tet ass, tęt ind. INde dicitur molach. 860fol. 181vaconcord.
M.481 Melgg ass arindi ṁblegair. Melgg dano .i. bas, unde dicitur mellgg theme. teme ṁbais. 861fol. 181vaconcord.
M.483 Morann .i. morḟind. baid insen ainm dobert a mathair do, 7 asbert robad bibda bais nach adeperad fris. Mac muin immorro is ainm dobert a athair do .i. ba main maith in mac. 7 ba bidba bais nach eperad fris in ainm sin. rolensat iarum na dan ainm in fersa ar don oenanma mac immorro som Coirpri Chind caitt. 863fol. 181vaconcord.
M.484 Menad .i. min aith. 864fol. 181vaconcord.
M.485 Moth .i. chach ferdę .i. cech fer insce 7 nomen est uirili membro. 865fol. 181vaconcord.
M.486 Man .i. a manu. 866fol. 181vaconcord.
M.487 Manach .i. a manacho. 867fol. 181vaconcord.
M.488 Monach immorro clesach, ab eo quod est mon .i. cles. 868fol. 181vaconcord.
M.489 Methos .i. a meta. 869fol. 181vaconcord.
M.490 Molod .i. is mol ara mence 7 is od ara gnadchi. 870fol. 181vaconcord.
M.491 Menmchosach .i. menmę casach lais .i. caingnech. 871fol. 181vaconcord.
M.492 Muirtchend .i. ab eo quod est morticinium. 872fol. 181vaconcord.
M.493 Mulend .i. mol 7 ond .i. cloch, arissed dede as mulend i mmuliunn. 874fol. 181vaconcord.
M.494 Merdręch ab eo quod est meretrix, merendo pretium stupri. 875fol. 181vaconcord.
M.495 Mat .i. mucc, unde est isna brethaib nemed forruchatar mata mothuinni torgabail 7rl. 876fol. 181vaconcord.
M.496 Mand .i. unge .i. unde Senchan dixit, Mo ailib immdergad emnę. admidiur de secht cachtu cichsite morgniu muigsine. secth manna oir forloiscthi frifialgnuis cona chauirathaib concobur. 877fol. 181vaconcord.
M.497 Mundu .i. mo ḟinddu .i. ainm buide finntan enim dictus est .i. unde moidoc fernę dixit oc air mundu maic Thulchan, A chelen de chumachtaig a maic Tulchan a bachlaig ruc a mac nansa dia muintir mathair rothuc a ḟinntain 878fol. 181vaconcord.
M.498 Milis quasi mellis .i. isinund 7 mel. 878afol. 181vaconcord.
M.499 Mal .i. rig 7 fili, inde dicitur ni naiss or na harget acht for mal. 881fol. 181vaconcord.
M.500 Mairend .i. dede fordingair. ainm cetumus do mnai .i. morḟind. ainm dano do gae .i. mirinn .i. droch rind .i. fotera bas. 882fol. 181vaconcord.
M.502 Mugeme ainm in cetna oirci cetarabę i nhere .i. coirpri musc cetna tucside i nhere a tirib bretan, ar intan robbumor cumachta na ngoedel for bretnaib 7 rorannsat albain etarru hi feranna, 7 roḟithir cach durais dia chara leo, 7 nibu lugu notrebtais goidil fri muir anair quam in scotia, 7 doronta a nairsea 7 a rrigdune and. inde dicitur dind tradui .i. dun tredui .i. tredue cremthaind mair maic ḟidaigh ri herenn 7 alban co muir nicht. 7 inde dicitur Glassdimbir .i. cell for bru mara icht. Issed arus insin i rrabe glass mac fol. 181vb caiss. muccid rig irḟuate oc maccaib for mes, 7 ise insen dodersaig padraig iartain .i. se fichit bliadna iarna guin do fianaib maic con 7rl. 7 is dond raind beos sin ata dind map letain i tirib bretan cornn .i. dun mac liathan. sic rorann gach cenel desiu, ar robui a chutrummu alla anair, 7 robatar fon cumachtu sin co ciana cid iar tichtain padraic. Deṡen tra roboi coirpre musc oc aithigid sair coa muintir 7 coa chairde. Ni tanic tra ind in dind buid sin oirce tir nerenn, 7 isracongrad la bretnu na tarta ail na haiscid na caratrad na commain do Goidiul. isi tra cain roboi indinbuid sin la bretnu, cach bibda innachinaid do neoch fofeisim i cain. roboi didiu oirce aimind hi seilb carat coirpri musc hi tirib bretan, 7 atroe coirpri uad. Docuaid didiu coirpri corfechtais do aithig sidi, 7 forric failti acht immonn orce. Scian amra dano la coirpre musc 7 imdenam di or 7 do argut imma heim, 7 ba set amrae hi 7rl. Dobert iarum coirpre beoil commor 7 commelt saill fo eim. 7 foracaib in scin ar belaib ind orci. rogab iarum int oirce cocnam in eme co maidin rolutech iarum in scian conarbo an laind iarnamareach. Dogeni iarum coirpre cais mor dosen, 7 ba bronach, 7 condaig cert immi coa carait. Indraiccside didiu icfassa incinaid ol side. Ni gebsa ol coirpre acht hi fil hi cain Breatan .i. gach bibda inna chinaid, iarsin tra dobreth ainm do .i. mugheme 7rl. ba bancu tra int oirce, 7 ba torrach intansin .i. intan co mbreth tari anall. ailill fland becc tra ba ri muman in dinbai sin. ET cormac hua cuinn i rrigu temrach. toirinscansatar sidi fo cedoir cuncid ind orce 7 a cosnam. ise iarum cruth rochoraigęd etarru a triur .i. aimser cinnte dobith doncain i tig cacę. Doithid iarum in cu irolic gac culen dia cuain, 7 is on coin sin oirce herenn, ut scoti ei perhibent. Ba marb tra iartain int oirce. Iar reib cianaib iarum. Fouair conlę mac taidg maic cein maic aillilla uluimm clocenn lomm in oirci, 7 dobert i cest don filid doluid co nerchethol dia athair .i. moen mac etne nomen poete illius. teit iarum i tecges tria theinm laida co nepert, cain tonna hui eogin, ith i tig hui cuinn cach tratha dobarainn. bassa caem hi tig coirpre musc, a mugheme. cenn moga neme inso, ol se in cetna oirci dobreth in hEirind. 883fol. 181vaconcord.
M.503 Mumu de nomine alicuius regis, id est eocho garb Mumu .i. Eocho Momo .i. moo a greim 7 a greith 7 a chumachta oldaas gac ri, 7 is din amumu rohainmnitea mumain 7 muimhnigh dicuntur. 884fol. 181vbconcord.
651 entries. Page of 14.
entries per page.