| Ref | Text | § | Print ref | MS | |
|---|
| YAdd.651 |
Fim .i. deog.
|
YAdd | 651 | col. 43 | concord. |
| YAdd.652 |
Fim .i. fin, unde dicitur dodaile fim i crethir.
|
YAdd | 652 | col. 43 | concord. |
| YAdd.653 |
Fethal .i. corn cumdaig argoid.
|
YAdd | 653 | col. 43 | concord. |
| YAdd.654 |
Fochla fochla an tuascert.
|
YAdd | 654 | col. 43 | concord. |
| YAdd.655 |
Faitsi an desscert.
|
YAdd | 655 | col. 43 | concord. |
| YAdd.656 |
Fochla nomen do suidhe na flatha.
|
YAdd | 656 | col. 43 | concord. |
| YAdd.657 |
Fiannachtach .i. fiangnimach .i. gnim fian iais.
|
YAdd | 657 | col. 43 | concord. |
| YAdd.658 |
Forbasach .i. sudiges bes foruib no cacht.
|
YAdd | 658 | col. 43 | concord. |
| YAdd.659 |
Fothach .i. fothugud, unde dicitur rofothath flaith for Raigni ruad.
|
YAdd | 659 | col. 43 | concord. |
| YAdd.660 |
Ficht .i. feig.
|
YAdd | 660 | col. 43 | concord. |
| YAdd.661 |
Foi i. flaith, unde dicitur Cuchuimne Manibad airmitiu níe nip indemain fochlach foe, beith dam for crocann ngamnain i tig Garbhain bid gnoe.
|
YAdd | 661 | col. 43 | concord. |
| YAdd.662 |
Fothond .i. muclaithe, iarsindi bis fo thuind amail in cerndubhan, ut dixit Fer Mumhan Rucht fothuind fithend fói, andord ela inmhain aui, osnad echtge, alaind luad, lin muc muad, mend medras coi.
|
YAdd | 662 | col. 43 | concord. |
| YAdd.663 |
Fuluth .i. luth foi .i. utmall.
|
YAdd | 663 | col. 43 | concord. |
| YAdd.664 |
Feici quasi feighe, iarsindi imfuilnges soillsi dond tegh.
|
YAdd | 664 | col. 43 | concord. |
| YAdd.665 |
Fuirim .i. ellach aisti.
|
YAdd | 665 | col. 43 | concord. |
| YAdd.666 |
Fenelach .i. ellach ercai.
|
YAdd | 666 | col. 43 | concord. |
| YAdd.667 |
Ferdoman .i. domna fir.
|
YAdd | 667 | col. 43 | concord. |
| YAdd.668 |
Faindelach .i. oinmitt.
|
YAdd | 668 | col. 43 | concord. |
| YAdd.669 |
Feuthal .i. eugasg.
|
YAdd | 669 | col. 43 | concord. |
| Y.670 |
Gloir a gloriae .i. gluair ar met na glore.
|
| 670 | col. 43 | concord. |
| Y.671 |
Galar quasi calar.
|
| 671 | col. 43 | concord. |
| Y.672 |
Gam quasi gamos isin greic, nouimber, unde (u)eteri mulieres ducunt .i. mi gam on.
|
| 672 | col. 43 | concord. |
| Y.673 |
Gaimrith quasi gaim-rith, unde dicitur Colman mac hui Cluasaigh hi marbhnaidh Cuimine Fotæ Hua Corpre, hua Cuirc, ba sái, ba hán, bá hordric, dirsan marban im-mí gamh, ní liach, ni d’eccaib iaramh, .i. for nemh rainic. (MARG-Bmisi iolland)col. 44
|
| 673 | col. 43 | concord. |
| Y.674 |
Gelestar ainm do áth usque a(ł im) mbi cethra for uibhel, ⁊ doepethar gulbain do cech ferand immid(i)mbi, ⁊ dognither cuairt d’imbe nimbe, mad iter comaidhcib beth int ath, arna comblaisset na bai in gurta. an immon sech sin iarom dogniat na bai isind ath, is do is nomen gelestar, ocus dlegar bothar do cech comaigtiuch adochum cid tir cen beula bess lais.
|
| 674 | col. 44 | concord. |
| Y.675 |
Gabar tria ailm quasi caper rotruailled and. gobar immorro tre ond, don eoch is nomen side, ⁊ is combrecc rotruailled ann .i. goor gach solus a suidi, unde dicitur goar don eoch gil ⁊ rl. cid cia dath aile bess forsind euch, dia mbe bec do ghil and, is goor a nomen ar is asan dath is airegdæ bess and nominatur. rotuill in fili gaidhelach .b. fris ar tucait mbindessa, ar rop aille leo gobar quam goor, unde gobar nomenantur.
|
| 675 | col. 44 | concord. |
| Y.676 |
Gilldæ .i. is fri gil is cosmail. is e didiu a bes aide .i. tossugad. iss e dono bessad in gilla tosugud forcetail do tengaid a fithidire, unde dicitur isna Brethaib Nemeth doglen gil tengaid.
|
| 676 | col. 44 | concord. |
| Y.677 |
Gem .i. a gemo, ona lic logmair.
|
| 677 | col. 44 | concord. |
| Y.678 |
Grad a gradu.
|
| 678 | col. 44 | concord. |
| Y.679 |
Glang .i. guala, unde dicitur asclang .i. os gualuinn mbis.
|
| 679 | col. 44 | concord. |
| Y.680 |
Gel i.e. gelu, on reod.
|
| 680 | col. 44 | concord. |
| Y.681 |
Giabar .i. merdrech.
|
| 681 | col. 44 | concord. |
| Y.682 |
Gol .i. der, unde golgaire.
|
| 682 | col. 44 | concord. |
| Y.683 |
Gall i.e. corthe cloiche, ut est nis comathaig comathar selba co cobrannaib gall. gall cetharda fordingair .i. gall cluichi cetimus, ut prediximus. is aire asberar gall de suidiu, fobith is Gaill ceta-rosaithset ł rosuidigset i nEre. Gaill .i. Frainc. Gaill dano ainm do sainclandaib no do særclandaib Franc .i. tres Gallie, ⁊ is candoire corporis rohainmniged doib. gall enim greco, lac latine dicitur, inde Galliae .i. indastai. síc dono gall is ainm do ela. inde Fer Muman dixit cochall coss ngall, gaimin brain. gall dono ainm do chailiuch dindi is gallus, ⁊ is a galia capitis rohainmniged .i. a cathbarr a cind.
|
| 683 | col. 44 | concord. |
| Y.684 |
Grazagum .i. athlugud buide la Patraic quod Scoti corrupti dicunt .i. is ris (MARG-Bmessi tornæ qui scribsit) col. 45 aderait Scotic truailned. sic autem debet dici .i. is mar so is coir sin do radh grassaigim do Duiu .i. grasias deo agimus .i. bermait buide n-altaighthi do dia.
|
| 684 | col. 44 | concord. |
| Y.685 |
Gaileng .i. gae-laṅg .i. cac ar enech .i. fri Cormac mac Taidhg maic Céin asrobrad. dorigni side fleid do Tadg .i. do a athair. céd cecha cenéla anmand oca inge bruic namma. dochuaidh didiu Cormac do broicenaigh. robba mall lais anadh fria toghail, co taccart amach for fir a einich a athar .i. Taidg. dollotar sum in bruic, nosmarb dano Cormac ced dib, ⁊ dodusarfen oc in fleid ⁊ rograin cride Taidg friu. roḟidir iarom ind dorigenadh and. rohainmniged a mac ab hoc nomine .i. Cormac Gaileng, unde Gaileng nuncap(ar)antar.
|
| 685 | col. 45 | concord. |
| Y.686 |
Ged nomen de sona factum.
|
| 686 | col. 45 | concord. |
| Y.687 |
Gamain .i. in mí gaim iar samuin, unde dicitur gamnach .i. gam-sinech .i. arinni is mblicht i mmi gaim .i. i ngaimreth.
|
| 687 | col. 45 | concord. |
| Y.688 |
Gorn .i. gai-orn .i. gæ orcne .i. aithinde, unde dixit Gruibne oc failti fri Corc immicuirithar garna gair.
|
| 688 | col. 45 | concord. |
| Y.689 |
Glus .i. suilsi, unde dicitur isna Brethaibh Nemedh dofed oc iarnglusi .i. airetha, int oc co ndagrusc oldas in sen co ndibelrusc.
|
| 689 | col. 45 | concord. |
| Y.690 |
Grith ainm gilla Athairne, cui Amorgine mac Ecetsalach goband ó Búais dixit luid gilla Athairne do chuincidh iasachto do tigh Ecetsalach goband conaca in lealab ocon tenidh, is marba mo indas dorn ⁊ robtar luna immorro a secht mbliadna seom. bui iarom oc creim (creimhe) ⁊ grotha et reliqua. asbeart iarom fri Greth col. 46 INnith Grith gruth (.i. fonaithe), grianmhaine, granmune, gais crema, cue (.i. cnú) huindi, ubla grethi, grith. inn ith Greth gruth ⁊ rl. adcuaid iarom an gilla d’Athairne sin. doluidh Athairne ⁊ fidhbai na laim dia marbad. tanic a athair in maic etarlam ⁊ imroichomairc don ingin cia tainic don tig. asbert ind ingen tainic gilla Athairne, ⁊ isbert in rogab. aill amæ, ar a athair, ticfa Athairne ⁊ muirfid ind mac. folaid, ol se, in mac ⁊ suididh a etach airm ita. dognith amluid. tanic Athairne ⁊ dobert buille don cip bói isin étach. eges in ingen iarom ⁊ luid-sium for teichedh. IS í éraic iarom doradad ind .i. mac do forcedal do Echedsalach goband conná bá messa am dan oldas Athairne. is iarom bretha Amorgein chuici.
|
| 690 | col. 45 | concord. |
| Y.691 |
Gart dede fordingair. gart .i. cend isin Duil Feda Mair. gart dono .i. fele as cend for ceoh ndail amra dogni duine.
|
| 691 | col. 46 | concord. |
| Y.692 |
Gruiten .i. grot-sen, sech is sen is grot .i. goirt, ar is grot cech ngoirt, unde dicitur grott-mess.
|
| 692 | col. 46 | concord. |
| Y.693 |
Gno .i. cuidbed, unde dicitur ni recht nad gnó .i. ni direch nach cuidbidhe .i. ni dir do recht armath maith. ni gnó dano .i. ni maith do garib. gnóe immorro cech segda, ut est isin tSenchus Már cno gnáe .i. segda.
|
| 693 | col. 46 | concord. |
| Y.694 |
Grómma .i. áer, unde dicitur gromfa .i. aorfa, et inde dicitur gruaim cach sluaigh min adetcide do deilb as aurusa do áir ⁊ d’ecnuch. gruaim-duine asberar de.
|
| 694 | col. 46 | concord. |
| Y.695 |
Glam quasi clam, ab eo quod est clamor .i. escaine.
|
| 695 | col. 46 | concord. |
| Y.696 |
Glaidemain .i. maic tire glaidaite .i. focerdait hualla.
|
| 696 | col. 46 | concord. |
| Y.697 |
Gudemain .i. uatha col. 47 ⁊ morrignæ.
|
| 697 | col. 46 | concord. |
| Y.698 |
Gaire .i. gair-seclæ .i. gair-re .i. re gair, ut est isind áir dorighne Nede mac Adnæ maic Gutháir do rig Connacht .i. do brátair a athar fadeisin .i. do Caiær mac Guthair .i. arroet Caier Nede hi mac do, fobith ni rotecht mac cena. rolil menma mna Caier do Nede, dobert uball n-argait do Nede ar a chairdess. ni forroet Nediu co rothairngert si righe do dar a eisi ⁊ dul cuci iarom. cindus imondricfa son, ol Neidiu. ni ansa, ol in ben, dena-sa aoir do, co raib ainim fair. ni bia iarom in fer cosind ainim i rrige. ni erasa dam-sa on anisin. nicon tibre etech form in fer. nicon fail ina sealba isin doman ni na tibre dam. rofetarsa, ol in ben, ni na tibre duit .i. in scian tucad do a tirib Alban, ni tibre duit. is geis do a brith uad, ⁊ rl. conattecht Nede co Caier in scín. fe amai, ol Caier, is geis dam-sa a brith uaim. dogni Neide glam ṅdicend do, co toralæ teoræ bulgæ, for a gruaidibh. is si so ind aer mali, bare, gare Caier, cotmbeotur cealtru cathæ Caer. Caier diba, Caier dira, Caier fu ro, fu mara, fo chara Cáer. maile didiu .i. olc, dindi as malam, bari .i. bas, gare .i. garsecclae, Caeur .i. do Chaieur. cealta catha .i. gai, indi dicitur dichealtair .i. crand gai cen iarn fair. fu ro .i. fo ur .i. imord fedha, fo chora .i. fo clocha. atracht Caier maten moch don tiprait. dobert a laimh dar a einech. fogeib teora boulga for a aghaidh dosgene ind aor col. 48 .i. on ocus anim ocus easbaidh .i. dearg ocus glas ocus ban. atloi Caieur as arnach n-acedh nech fond aithis, co mbæ i nDun Cermnai la Cacheur msc nEitrisgeli. gabais Neidhe righe Connacht dia eis. boi and co cena mbliadhna. ba haithrech lais cradh Caier. luidh Neide ina diaigh do Dun Cermnai ocus carpat Caieir fo suidhiu ⁊ a ben Chair lais ⁊ a milchu. IS cain carpthech doching don dan. dorimi a eugosg feib romboi a li. coich sin, ol cach. asbert Cær batar sinde riadatar a fochlai fria faitsi .i. do suidhiu ind erred isin charput as nomen a fochlæ. faitsi ïmmorro ainm do suidhiu ina arad. fochla didiu cach suidiu n-arechda. faitsi cach n-airide. briathar rig inso, ol Cacher mac Etarsceli. ni fidiu co sin. acc a m’anam, ol Caier. la sin consela Caier uaidib astigh cor-raba forsind liic iar cúl in duine fo scailp and. dolluid Nede ina charpat isa ndun. gabsat in choin slicht Caier. conidfuaratar fond licc iar cul in duine. atbad Caier ar fele la aicsiu Nede. rofich ⁊ rolassai inn ail la ec Caier ⁊ rosescaind blog dind ailig fo suil Nede co roimid ina cend. is de isbert Nedhe ni cuala cuic nuin, et reliqua. ut dixit poeta cloch dorala fo cois Caier rosceind airde seolchraind suas, dothuit, nirbo cam in dliged, a cend ind ḟilead anúas.
|
| 698 | col. 47 | concord. |
| YAdd.699 |
Gruc a cruciata .i. on cumgach.
|
YAdd | 699 | col. 48 | concord. |
| YAdd.700 |
Galgat .i. tria gail gætas .i. gonas .i. marbas.
|
YAdd | 700 | col. 48 | concord. |