Sanas Cormaic, version Y

Version Y = Yellow Book of Lecan (TCD, MS 1318 (H.2.16)), cols. 3–88.

1300 entries. Page of 26.
entries per page.
RefText§Print refMS 
Y.1202 Triath tra treidi fordingair .i. triath ri, triath muir, triath torc. deiligther didiu ina remmenaib .i. triath ri didiu, treith a reim, triath muir .i. trethan a reim, triath torc .i. tréithi a reim. triath .i. ri, tir-sith a taithmech. triath .i. muir, tir-uath a taithmech. triath .i. torc, tir-sod a taithmech. 1202col. 82concord.
Y.1203 Tinne .i. iubar bados .i. tenn-eo .i. eo tinnes teinm in cride co mbi marb de a n-anmandæ. 1203col. 82concord.
Y.1204 Toreic .i. reic tho .i. aisneis i táu .i. i sanuis. 1204col. 82concord.
Y.1205 Torc quasi porc .i. cendfochras. 1205col. 82concord.
Y.1206 Tarb quasi a taru, a tauro. 1206col. 82concord.
Y.1207 Tethra .i. ainm rig Fomore, ut est isin Imagallaim in da Thuar iter triuna Tetrach. 1207col. 82concord.
Y.1208 Treb ab eo quod est tribus. 1208col. 82concord.
Y.1209 Tenlach .i. tene-lighe. 1209col. 82concord.
Y.1210 Teirt a tertia horæ. 1210col. 82concord.
Y.1211 Tet nomen de sono factum. 1211col. 82concord.
Y.1212 Temair .i. te-mur .i. mur tea ingine col. 83 luigdech maic ithæ. Temair .i. grec rotruailled and .i. teomoro id est conspicio. Temair didiu cech locc as mbi aurgnam deicsi iter mag ⁊ tech{?}, ut dicitur temair na tuaithetemair in tighe. 1212col. 82concord.
Y.1213 Tem .i. cach ndorchi, unde dicitur temen. 1213col. 83concord.
Y.1214 Tenlam .i. spreid .i. tene lamæ. 1214col. 83concord.
Y.1215 Teilm .i. tell-uaim .i. tobæ iall ⁊ a n-uamann. 1215col. 83concord.
Y.1216 Trogen .i. geintrog .i. turgabail na grene, ⁊ as geinithir a ruithni riasin grein isin matoin. 1216col. 83concord.
Y.1217 Tipra quasi tobra .i. tobruchta uisci as. no teipirsiu. 1217col. 83concord.
Y.1218 Torb quasi turb a turba. 1218col. 83concord.
Y.1219 Toth .i. gach banindscicach femen, quia nomen est membri mulieris. 1219col. 83concord.
Y.1220 Troeth .i. gach neutur i. nem nechtardea. 1220col. 83concord.
Y.1221 Tuilm .i. muliebri membri. 1221col. 83concord.
Y.1222 Tarr mac Ughaine, unde Mag Tarræ. 1222col. 83concord.
Y.1223 Tuirigin .i. ri. 1223col. 83concord.
Y.1224 Tuirigin .i. tuili-gen .i. gein tolin .i. tolin a fir asind aicniud co n-oenaigedar fri fir na screptra. ailiter tuirigin .i. tuir in gena is e do tenga. aliter tuirigin quasi gein a tuir .i. amail bis tair már oc fulang tigeillama esti, sic is ed in teg in domun centurach, isi immorro in tuir firinde rechta aicuid. it e na illama asin tuirid .i. ilchiallæilchonaire in brethemnuis. aliter tuingiu (.i. ri) amail asberar isin Duil Roscadaig ni tulach .i. fri tuirigin tuigethar tuile mar muirne. aliter tuirigin .i. torracht-gein .i. gein tonacht torroich as gach aigniud i n-alaill .i. gein in firaicnid, ut Fachtai mac Senchai dixit fuirem gein torrachta doreith aicued n-oll o Adam co n-imteit tre gach n-aimsir n-adamra co betha bruth. berid aicued enbethæ di cach duil derb deisin oen connoe .i. coss in duine ndedenaig bias co bruindi brathæ. aliter tuiregin .i. toaerægein (.i. gein naræ) .i. gein ngenethar ⁊ a da chois riam ⁊ a chend fadeoid. dobeir didiu in tuirigin sin a chosmailis brethe emnaide .i. canaid in breithem fassach firaicnidroscadh filed, da cois ina brethe in sin, a cend fadeoig .i. in testemain canoine. unde dicitur col. 84 ni ni nach breth berar na bidh fri leigend leir leirigther, na bi fri canoin caid cumthastar, nad fri hapstal n-uasal n-astaigther, nad fri Spirat Noem nertaigther, ar is cad cach ret co canoine comuaim. 1224col. 83concord.
Y.1225 Teistt a teste. 1225col. 84concord.
Y.1226 Turud .i. tur-suth .i. tur cech tirimsuth sin. turṡuth didiu .i. sin tirim. 1226col. 84concord.
Y.1227 Torc .i. craide. unde Etan ingen Diancecht dixit i fondam mo thuirc .i. i fogluasacht mo chride. 1227col. 84concord.
Y.1228 Trefocul .i. tri focla bite inde .i. da focul do molad do brith for cula ind imdergthæ dofarci in tris focul .i. focul ind imdergthæaire. 1228col. 84concord.
Y.1229 Turthaid .i. taurrachtid .i. uerbia gratia, focheirdi erchor uait do ermaisin nach retæ. docuirethar obonn anmannæ ar a chindgonta no benta no marbthæ a rrec don turacht sin, iarom asberar turthait. 1229col. 84concord.
Y.1230 Tigradus .i. tig-urradus .i. tigba gach ndedenach. is e didiu is tigbais tigurradus .i. inti scarus frisin máin no frisin aon fadeoid. 1230col. 84concord.
Y.1231 Tuigen quasi togen .i. a toga. toga enim genus est precioti uestis. aliter tuighen .i. tuge en ar is do chroicnib en finnildathach dognither in tuigen filed o a chris sis, ⁊ do braigdib cailech loichendia cuircib o cris suas co mbraigit. 1231col. 84concord.
Y.1232 Tap .i. obann no bidg ut dicitur ni beir tap tigradus is aiti araciallathar tassic an opund. 1232col. 84concord.
Y.1233 Tamlachta .i. tamlechta .i. tam roselaig na daine isin maigin sin .i. duinebad mor. doteigtis na tuatha im-muigib moraib .i. co mbidis ind-aenmaigin beus fria n-eg, fobith a n-adnacuil isna muigib sin ondi nad bereth in duineba. ar mad cach ar uair dib ba marb ina maigin fadein, ni berdis dia celluib, ar ni chumcath in tuathad nobid ina mbethaid dar a n-eisi, et inde nuncupantur Tamlachta. 1233col. 84concord.
Y.1234 Tendal .i. col. 85 tene-dal .i. dal co teinid .i. cusin inad in-ataither tendal. 1234col. 84concord.
YAdd.1235 Traig a tractu, ł quasi ter-rig .i. rig terram, ar isi benas fri lar. YAdd1235col. 85concord.
YAdd.1236 Truid .i. on treod i mbi asberad, no on traide .i. on luas doni. YAdd1236col. 85concord.
YAdd.1237 Tru quasi do-ru .i. doig a tuitim, a uerbo ruo. ł ti-ru, ar ti tuitme ata. ł a Troia dicitur .i. ar a mince a hairsen. YAdd1237col. 85concord.
YAdd.1238 Truagh .i. tru-agh .i. agusta do gurab tru. YAdd1238col. 85concord.
YAdd.1239 Torsi .i. tor gach tromm .i. tromsi hi. YAdd1239col. 85concord.
YAdd.1240 Truail .i. dir uailli í. YAdd1240col. 85concord.
YAdd.1241 Tellair i.e. a tellure. YAdd1241col. 85concord.
YAdd.1242 Tarathar quasi dair-uath-air .i. fuath na darach bis fair .i. ar a sice-si ém. YAdd1242col. 85concord.
YAdd.1243 Tonn a uerbo tundo. ł a tondeo .i. ar berraid in fer don murbach. YAdd1243col. 85concord.
YAdd.1244 Turesc .i. tar-escc .i. tairis tescas cach ni. no diriuch tescas. YAdd1244col. 85concord.
YAdd.1245 Tulach quasi tul-uach .i. uacht inti na tul .i. nocht, ar is tul gach nocht. YAdd1245col. 85concord.
YAdd.1246 Tairsech .i. tairis astech tiagair. YAdd1246col. 85concord.
YAdd.1247 Tenga .i. te i a (i) ngabann si .i. in bel tall. YAdd1247col. 85concord.
YAdd.1248 Troid .i. obann í, no luath, unde dicitur ticfa i traite .i. co luath. ł quasi trú-ait .i. ait i la troich. YAdd1248col. 85concord.
YAdd.1249 Traill a nomine truila .i. lossat .i. ar dóire a fognama. YAdd1249col. 85concord.
YAdd.1250 Taccad .i. ti-caid, i.e. ar ti cadhussa bis, no ar ti chuad ata. YAdd1250col. 85concord.
YAdd.1251 Tir i.e. a terra. YAdd1251col. 85concord.
1300 entries. Page of 26.
entries per page.